ارنب نط ... طب في الخط

[mido0o]

السلام عليكم ورحمه الله وبركاته :
بعد التحيه ...
معليش استفسار يا اخوان الحين خدمات الطالب الي مسويه اعلانات في الموقع فوق احد سبق و تعامل معاهم انا دقيت على واحد منهم اليوم و قالي نرسلها لك الرياض طبعا قبل كلش طلب مني تحويل دراهم
طبعا انا سويت الولد الذكي الفطين و قلت له ياخوي انت عينك على الراتبين الي جتنا
قالي لازم تحويل قبل !!
فما ادري احد جربهم قبل توصل الكتب ولا ياخذ الدراهم من هنا و يماطل بك من هنا
و الي جرب تعامل معاهم وش تنصحون فيه ؟؟ اي مكتبه منهم من حيث المذكرات الجديده و الافضل و الاشمل ؟؟
و وش تنصحون كمان نشتري مذكرات ولا كتب ؟؟
و تحياتي لكم ,,,

[صقر السفارات]

يا اخي مكتبة المهندس في الرياض متوفر فيه كل شي كتب وملخصات انا افضل الملخصات وبتوفيق

[mido0o]

لبى قلبك يا صقر ماقصرت على مرورك بس اتوقع انت توك مستوى اول
مكتبه المهندس بالرياض تبيع فقط مواد سنه تحضيريه يعني بعد التخصص لازم تجيب من جده
جميع مواد التخصص غير متوفره لا في المهندس ولا غيره ...
شكرا لك ,,,

[Nephrology]

عادي أخوي
أنا كل ترم أطلب الكتب من جدة ويتم إرسالها لي عن طريق fedex التوصيل السريع
طبعاً بعد تسديد قيمة الكتب ورسوم التوصيل أولاً

[mido0o]

لالا معليش ظلمنا الرجال
صدق المهندس بالرياض توفر جميع الكتب و المذكرات ...
اليوم ارسلوا لي رساله ..
بس انا اتذكر جيتهم زمان قالوا ما عندنا مذكرات تخصص كانت كلها سنه تحضيريه بس كويس فيه تقدم جزاهم الله كل خير ...
شكرا لكم جميعا ..