حضور المحاضرات في الماجستير؟

[فندام]

شوف ياأخ Maxim بالنسبة لإدارة الأعمال عندهم برنامجين للماجستير الأول الماجستير العام والدراسة فيه صباحية والمحاضرات تكون طيلة أو معظم ايام الأسبوع ويشترط التفرغ بالنسبة للمقبولين والدراسة مجانية وعدد المقاعد المتاحة بالبرنمامج لاتتجاوز ال 10 مقاعد بالغالب ويقبل تقدير جيد مرتفع كحد ادنى وهو مناسب للطلاب المتفرغين للدراسة وطبعا حضور المحاضرات الزامي

الثاني برنامج ماجستير ادارة الأعمال التنفيذي وهو مناسب اكثر للموظفين حيث ان المحاضرات فيه مسائية يعني تبدا بعد الساعة الواحدة ظهرا ممكن الساعة 2 او 3 او حتى 4 حسب ماهو محدد من قبل ادارة البرنامج والدراسة تكون باخر الأسبوع أيام (الأربعاء والخميس والجمعة) والمحاضرات كل أسبوعين يعني حيكون اسبوع فيه محاضرات واسبوع مافيه محاضرات وهو برسوم مدفوعة لكن الحمد لله انو مشمول بالمنحة الملكية والديون الملكي اتحمل رسومه زيز زي كل البرامج الخاصة وحتى الاختبارات النصفية والنهائية بتكون أيام (الأربعاء وخميس وجمعة) وحضور المحاضرات الزامي ويقبل تقدير جيد مع خبرة عمليه لاتقل عن 5 سنوات ولايشترط التفرغ وأعتقد انو مناسب لك باعتبار انك موظف وكمان لانو الماجستير التنفيذي فيه مرونه اكثر من الماجستير العام خاصة فيما يتعلق بموضوع التقدير وعلى فكرة برامج الماجستير بقسم ادارة الأعمال حصلت على الاعتماد الأكاديمي الدولي وهذي نفلة نوعببة كبيرة جدا بالنسبة لكلية الاقتصاد والادارة كونها اول كلية على مستوى الشرق الأوسط تحصل على هدا الاعتماد الهام فالافضل لك هو الماجستير التنفيذي اما انك تحصل على الماجستير بدون ماتحضر المحاضرات فهدي انساها مرة لأنو مااعتقد انو فيه برنامج ماجستير فيه الميزه هدي يعني حتى برامج الماجستير عن طريق التعليم عن بعد فيها محاضرات الزامية على حد علمي والشغلة حتصير اسهل لو لتجهت للماجستير التنفيذي لانو المحاضرات بالفترة المسائية وباخر الأسبوع يعني ممكن انك تحضرها عموما هدا الي عندي وبالتوفيق لك