من جد أنامحتاجة مساااااعده ,,

[RA888GAD]

اخواني اخواتي ,,,
اريد مساعده ,,, عاجله ,,, بدخل في الموضوع على طووووول ,,,
انا نزل لي انذارين ,,, ومعدلي يفشل ,,, وتخصصي دراسات اسلاميه ,,,
السؤال : هل اقدر احول إلى تخصص آخر ؟؟؟
السؤال : مشكلتي في الملخصات انا من الرياض واشتري ملخصات لما يجي وقت الاختبار احصل البنات ملخصاتهم غير ولما اسأل يقولون الدكتوره لخصت لنا !! طيب انا كيف اقدر اتواصل معاهم في مسألة التلخيص ؟؟ لأني ماني بسيئة ولاني مستهتره ,, ولو احصل احد اتواصل معه بخصوص الملخصات الي ياخذونهاا البنات بداية كل ترم كااااان صار معدلي (( ؟؟؟ )) شي ثاني ؟
السؤال : انا قدمت اعتذار مرتين ؟؟ يعني هذا الترم ما راح اختبر ؟؟؟ والنفسيه ززززززززززفت !!!
فمن جد انا محتاجة مساعده ,,, نفسي احد يدلني وش اسوي ,,, والله طفشت من نفسي تكفووووووووووووون ارجو مساعدتي

[فرواله]

والله ماني عارفه كيف افيدك
بس اطلبي مني شي محدد وابشري من عيوني

[autoo]

بصراحة أنا ما أعتراف بالمخلصات ابد

اشتري الكتاب وسوي ملخص لنفسي والحمد لله الوضع تمام

[نظرة اعجاب]

شوفي البنات اللي بالمنتدئ عندهم نفس موادك
وبعضهم الله يجزاهم خير ينزلون ملخص الدوره وكذاا
وبنسبه لتحويل معندي خبر بس اتوقع تقدرين والله اعلم "دقي ع الجامعه"

[صالح لسلوم]

السلام عليكم ورحمة الله وبركاته :
عزيزتي والله توني مسجل بالمنتدى الحين وشفت موضوعك وتفاعلت معاه وهذي اول مشاركه لي
انا اقدر افيدك بحاجتين الاولى وحسب معلوماتي المتواضعه ماتقدرين تحولين اي تخصص ثاني او كليه ثانية اذا معدلك تحت 2 والثانيه ابي انصحك تشوفين لك وحده من طالبات الانتظام وتتواصلين معها بخصوص المحاضرات والملخصات او انك الله يعينك تحضرين الدروات التأهليه اللي تعقدها الجامعه .
اتمنى اني افدتك باللي اقدر عليه .
هذا وتقبلوا تحياتي ،،،

[لازال البحث جاري]

السلام عليكم

انصح الاخت الكريمة بمتابعة الدورات الـتأهيلية اللتي تنزل هنا بالموقع سواء بالسنة التحضرية (بملتقى السنة التحضيرية) أو بملتقى الكليات الاخرى للمنتسبين ..

انا كنت ماشي على الطريقة هذي ايام الدراسة رغم اني من الرياض لكن الحمد لله الامور مشت تمام

بالنسبة للتحويل ماعنديش خبر اتصلي على 026952000
بالنسبة للاعتذار عن الفصل ..(اذا ودك تعتذرين) ارجعي للشيخ الاوديوس وتلقين المواعيد اللي تخصك

والله يوفقك شدي حيلك
اتمنى وصلت المعلومة

[Do0ola]

من جد احسن شي تتواصلي مع بنات الانتظام على قولة صالح لسلوم

[HTHT]

اختي الفاضله اعتمدي على الله عزوجل ثم النظر بمفردادت المواد عن الكتاب المطلوب .
مكتبة خزانة التوفير للكتاب المستعمل مخرج 15 الرياض مقابل اسواق المجد .... ولاتبحثي عن الملخصات الكتاب افضل ...هذا والله اعلم
والله الموفق .........

[RA888GAD]

المشاركة الأصلية كتبت بواسطة htht اختي الفاضله اعتمدي على الله عزوجل ثم النظر بمفردادت المواد عن الكتاب المطلوب . مكتبة خزانة التوفير للكتاب المستعمل مخرج 15 الرياض مقابل اسواق المجد .... ولاتبحثي عن الملخصات الكتاب افضل ...هذا والله اعلم والله الموفق .........

اشكر كل من رد على اسئلتي ,,, الي ترفع الضغط ,,
بالنسبه للاخ htht انا للاسف ارجع للمفردات ولكن احصل غير في وقت الاختبار يعني مثلاً ( اختبار فقه السيره )) اتفاجئ انه مختصر وغير الي مذكور في المفردات ,,
ولما اسأل البنات يقولو ( حضرنا الدوره وحددت لنا الدكتوره )) ومثلها برضه ( علم النفس الشخصيه والاحوال الشخصيه ) طيب انا الي برى (((جده ))) وش اسوي كيف اتواصل ؟؟؟ لا تقولون اتواصل مع البنات (( اخذت ايميل طالبه ورقمها ,, ولكن بدون تعليق ؟؟ ))

[حياتي]

الله يعينك
توك ببداية الطريق
صراحه هذي الجامعة مثل الي مسافر إلى مدينة في امريكا كلها إجرام وكلن في حاله يحس الواحد انه ضاااايع
هههههههههه بس ماعليه من جد وجد ومن ((((صبر)))) حصد
ودي اساعدك بس مدري وشلون