تأجيل اختبار الاحياء

[ميار]

حبايبي بليز لاتعقدو الموضوع اكتر من ماهو معقد يعني الحمدلله على جدولنا على الاقل احسن من خطه أ بعدين يوم الربوع الاختبار يخلص الساعه 10 يعني تقدرو ترجعو البيت وتريحو شويا بعدين تزاكرو وبصراحه في وقت للمزاكره يعني ايام الثانويه كنا نزاكر 7 فصول في يوم واحد اعتقد 4شابتر سهل يزاكر في دا الوقت بعدين نحنا في جامعه يعني لازم نشد على نفسنا شويا
عالعموم يارب يوفقنا ويسهل علينا

[نقطه]

ميار كلامك صح ..
بس صراحه يوم الأربعاء معروف تحس الوقت فيه مافيه بركه ..
يادوب ترجع من الجامعه تنام شويه بعدين تصحى تآكل لك كم لقمه وتشوف أهلك وبعدين لازم خرجه تغير فيها جو أو تقعد ع النت ولا التلفزيون وأنتهى يوم الأربعاء .!!
بس مدري قعدت أفكر وأنا راجعه من السياره اليوم ..
اليوم أذاكر واحد شبتر ويوم الإثنين أذاكر واحد شابتر ، يبقالي إثنين ..
واحد أذاكره أول ما أرجع من الإختبار يوم الأربعاء والثاني في الليل ..
ويوم الخميس أصحى بدري الصباح وأراجعه كله ..
بس مدري الوقت يمدي ولا لأ ..
الله يكون في العون بس .!!
ووالله لو يأجلوه يكون خير وبركه وكثر الله خير ..!
يفرجوا كربة عن مسلمين والله
بس أقلكم خلو الأحياء الآن خلينا نفكر في الكيمياء ..

[كلي احساس]

دحين الاحياء من فين نزااكروووه
عروض البور بوينت ولا الكتاب ولا شو


يالشباب انتو شو قالولكم دكاترتكم من فين تزاكرووه ؟
وشو هيا الشباتر اللي معاكم ؟

[ROoOFaNA]

الله يوفقنا جميعا اللهم ااميين
وصدقوني شكله مافي اي تأجيل
اعتمدوا على الله ثم على انفسكم
وذاكروا وايام وتنتهي وإن شاء الله ربي راح يوفقنا
ولكل مجتهد نصيب

[Ali The Humble]

دكاترة الاحياء مضروبيييييين وشايفييييييييين انفسهم الواحد خنفوره يدخلك جوته ........


لا تخافون الله معانا

[love me for me]

ياحلوين ما اعتقد في تأجيل نهااااائي
انا نفسي يتأجل
بس لو احنا دحين جالسين نقول يارب يتأجل وحاطين امل بدا الشي
يجي الربوع والاختبار ما أتأجل كل احد في يخاف عشان كده ربي يسهل المواضيع
وبعدين مستحيل شبتر نجلس فيه اكتر من ساعتين
يعني 4 شبارتر 8ساعات و 10 ساعات بالمراجعه
احنا كنا نزاكر اكتر من كده في الثانوي

بس انا كمان وربي نفسي يتأجل الله يعين الكل وربنا ما يضيع تعب احد
الله يوفقكم

[asma'a]

اااااااااااه منجد معانااااااة الاحيااااااااااااء... بالعربي وكان متعب.. كيف دحين بالعنقليزي؟؟:(,,,

والله معااااااااااااانااااااااااااااااااة..

يااااااااااارب يتأجل الاختبار:),,,

وترى توها جاتني خبرية من الليدر انه الاختبار راح يكون في 3 شباتر بس... ادعووووولي على ذي الخبرية:)..

وصاحبتي راح تسأل أستاذة نيفين وأستاذة حنان الشاذلي.. وراح اكتب موضوع بذي الخبرية اول ماالاقي كلامهم زي بعض^^...

واستاذتنا عواطف محمد علي <==== على مااعتقد اسمها الكامل كذا:)..

دمتم بخير^^...

[Ali The Humble]

ياسلام لو بس في 3 شباتر ..............اصله الثلاث شباتر الاولى في جهة والرابع لحاله في جهه

[asma'a]

ايوة خلاص احنا البنات 3 شباتر.. بس مدري عنكم يالاولاد هع هع <== تتشمت هع

بالتوفيق

دمتم بخير:)..