ارجو الافادة

[كافية]

السلام عليكم ورحمة الله وبركاته
ان انقبلت في الجامعة وحاب اعرف هل الكلام اللي سمعتوه انهم ياخذون الشهادة الاصل شهر كامل ولا يمكن استرجعها الا بعد شهر ...
وهل تنصحوني في الجامعة ..
ارجو الافادة

[طالب طب في المستقبل]

مبروك على القبول في الجامعه

يب يب ياخذو الشهاده ماتقدرتسحبها الا بعد شهر

الجامعه تختلف من شخص لشخص ثاني

لكن بالنسبه ليه كويسه

واتمنى لك التوفيق

اخوك د-عبدالرحمن المالكي

[مـــآجد]

وانا بعد بالنسبة لي مره تماام
انصحك فيها وبقوة بعد

[LIFE IS ...]

كلام انو ما يرجعو شهادتك شهر .. اشاعااااااات ...
بالنسبة ليا .. انا استلمت بطاقة الجامعة و اموري خالصة ... بعد اسبوع رحتلهم .. و سحبت ملفي من الجامعة و اخدت شهادتي ... و اعطتيهم البطاقة و انتهينا !!
بعد سنة رجعت سجلت تاني ولا اي مشكلة ..
ــــــــــــــــــــــــــ

اما الجامعة لازم تشد من اول يوم دراسي .. يعني شغل المدارس تخلي المذاكرة قبل الاختبار بيوم ما يمشي ...
و انت شوف ايش الرغبة و ادا كنت مرتاح للجامعة ... توكل ع الله ....

[كافية]

شكرا على الرد على موضوعي
واتمنا انك تفيدوني اكثر لاني تركتها والسنة الجاية راجع بروحلها

[محمد بن عيضه]

معليش يبدوا ان الاخوان اللي ردوا مو تحضيري
لانه احنا طلاب التحضيري دفعة 11 بدينا مع نظام جديد اللي هوا ياخذوا الشهادة دقيقة واحدة فقط يختموا عليها ختم ويرجعوها لك لكن ماتقدر تفصل من الجامعة الا بعد شهر من الختم على الشهادة أصلاً تلقى الختم مكتوب فيه انك طالب في جامعة الملك عبدالعزيز ولا يحق لك الانسحاب الا بعد شهر هذا النظام لكن حسب اللي سمعناه من احد الاخوان اللي ردوا انه سحب بعد اسبوع

عموماً هذا اللي عندي وحبيت اقلك انه لو تبغى تدرس في داخل المملكة لا تفكر في غير جامعة الملك عبدالعزيز لأنها الأفضل وبحلول عام 1435 راح تكون جميع كلياتها معتمده دولياً حسب الخطة الاستراتيجية للجامعة والى الآن حسب علمي ان الهندسة بجميع فروعها والطب وطب الاسنان وعلوم الأرض والاقتصاد والادارة والكيمياء في كلية العلوم وكلية المجتمع قد حصلت على الاعتماد الاكاديمي وباقي الكليات في الطريق