إستفسار عن شهادة الإنتساب؟

[sofimogi]

صباحكم أو مساءكم عسل يارب..دخلت الجامعة وأنا كلي حماس أتخصص المجال اللي أحلم فيه (علم نفس) بس والله تحطمت أحلامي والسبب!!!!سمعت من وحده إن شهادتنا غير معترف بها لما نتخرج !! يعني نحلم نتوظف بشهادات الإنتساب ،،،،بس حبيت أستفسر هل فعلا الإنتساب غير معترف فيه ردوا علي علشان غيري يستفيد كمان

[*.:الــــوافـــي:.*]

بصراحه انا نفس الشي انصدمت

بس لمن سألت هل لمن اقدمها لعملي يعطوني ترقية ولا لا ؟
قالولي أكيد بيرقونك ولك الأولوية
بعدها فرحت

اما أنك تتوظفي بالشهادة أعتقد لا لأنها غير معترف بها
والله أعلم

[sofimogi]

مشكور أخوي الوافي بس بما أن الموظفين يترقوا بشهادة الإنتساب يعني معترف بيها

[*.:الــــوافـــي:.*]

المشاركة الأصلية كتبت بواسطة sofimogi مشكور أخوي الوافي بس بما أن الموظفين يترقوا بشهادة الإنتساب يعني معترف بيها

أتمنى ذلك الله يوفقكم يارب ويجعلكم بكل خطوة سلامه
وتوصلون لمقصودكم وما يضيع لكم تعب
آآآآمين

[احمد حكمي1]

الرجاء من الاشخاص الذين يقولون بأن الشهادة غير معترف فيها ان يوضحوا لنا ومن اين مصادرهم
انا بنفسي بحثت عن الموضوع من فترة والنتيجة ان الشهادة معترف فيها ومصنفة من هيئة التخصصات الصحية (بالنسبة لعلم النفس ) ويصنفوك على اخصائية بس المشكلة من الخدمة المدنية في المفاضلة والترشيح

والعنقري صرح قبل فترة بأن الشهادة معتمدة

بالنسبة لوزارتي التربية والتعليم والعدل هي اللي ما تعتمد الشهادة بالنسبة لباقي الوزارات معتمدة

[ابن الغربية]

الشهادة معترف بها من وزارة التعليم
لكن المفاضلة تكون من صالح الإنتظام

[مهـآآوي]

الله يوفق الجميع

[تعبت اصبر]

المشاركة الأصلية كتبت بواسطة *.:الــــوافـــي:.* بصراحه انا نفس الشي انصدمت بس لمن سألت هل لمن اقدمها لعملي يعطوني ترقية ولا لا ؟ قالولي أكيد بيرقونك ولك الأولوية بعدها فرحت اما أنك تتوظفي بالشهادة أعتقد لا لأنها غير معترف بها والله أعلم

طيب إستفسارلونقول انته عملك مدخل بيانات وانت بتدرس مثلاً إدارة أعمال كبف راح تفيدك يتغير مسماك ولا ترقيات ولا إيش بالضبط ؟

[Rasha 2011]

المشاركة الأصلية كتبت بواسطة sofimogi صباحكم أو مساءكم عسل يارب..دخلت الجامعة وأنا كلي حماس أتخصص المجال اللي أحلم فيه (علم نفس) بس والله تحطمت أحلامي والسبب!!!!سمعت من وحده إن شهادتنا غير معترف بها لما نتخرج !! يعني نحلم نتوظف بشهادات الإنتساب ،،،،بس حبيت أستفسر هل فعلا الإنتساب غير معترف فيه ردوا علي علشان غيري يستفيد كمان

(الله ماشفناه بس بالعقل عرفناه )هادي جامعة مو لعب
مين اصلا قال انه الانتساب مو معترف بيه اذا المنازل في المتوسط والثانوية معترف بيها .الجامعة بتكون مومعترف بيها
شي بالعقل
وغير كدة انا اعرف كتير متخرجين انتساب ومن زمان الى اللحين ومتوظفين عادي .....
بس هادة كلها اشاعات ويامكتر الاشعات

[دارس1431]

يإخوان توكلوا على رب العالمين
المهم ان تصل الى الهدف
الوظيفه تبقى رزق من رب العالمين
ياما ناس جامعيين وانتظام عاطلين
وناس معهم الكفأة او الثانوي وفي احسن وظيفه
سبحان الله ارزاق

الشهادة معتمده بدون اي شك
لكن الافضلية تبقى لطلاب الانتظام وهم يستحقون

تحيتي