متخرجة من سنة وآبغى آتخصص قآنون وو...

[ورد المالونيا]

السسلام عليكم ورحمة الله وبركآته
أنا طآلبة مخرجة من سنة من ثانوية مطورة 1431هـ ومن علمي
وحصلت لي ظروف مآسجلت بآلجآمعة
ونسبتي 93% ثآنوي 73% لكل من القدرآت والتحصيلي
طبعا أنا بعيد القدرآت والتحصيلي وبجيب إن شآء الله نسبة آفضل
بس حبيت آسئل قبل آقدر آقدم على قآنون بجآمعة الملك عبدالعزيز مع ذي النسبة
والا لازم آعيد قدرآت و تحصيلي
وحبيت كمآن آسئل عن التخصص عن عدد آالسنوآت وسمعت إنو فيه تطبيق كيف دآ
ووبسس آسسفة إذا آزعجتكم
بسس آبغا معلومآت شآملة عن القسم :)

[سكووت]

التخصص حلو ,جديد ,طبعا في اشياء ناقصتو كثيرة زي نقص في اعضاء هيئة التدريس تخصص الانظمة ,او في شويا ظلم من بعض الاستاذات ..لكن عموما انا من تجربتي مرتاحة الى الان ..اذا انتي حابة التخصص راح تبدعي فيه إن شاء الله مع المذاكرة اول بأول ..
بالنسبة للتطبيق الى الان للأسف لايوجد تطبيق عملي للفتيات و طبعا مرة شي مجحف بحقنا لكن الله يعين و الامل باقي مستمر
و السنوات 4 لكـن في بنات يضطروا انهم يزيدو سيمستر مثلا بسبب الضغظ الدراسي .
و التخصص شامل مافي مسارات حتدرسي كل شي

سؤال القدرات و التحصيلي ماعندي علم صراحة ,لكن لو تخبتري مرة تانية و قدمي بالدرجة الافضل ..

و تقدري تتطلعي على دا الرابط للأستزادة
http://www.skaau.com/vb/showthread.php?t=101265
سوري الكلام ملخبط بس دوبي صاحية من النوم وبرضو ماحبيت اخرج بدون رد ,لي عودة لو حابة تعرفي شي تاني

[ورد المالونيا]

يعطيكـي آلعافية
طيب إحم أنا مآني فآهمه بصرآحه إذا بقدم على الجآمعة رح يقبلوني بنسبتي المكآفئة 83%
<<بدون مآآختار تخصص لإنو سنة تحضيرية والا وإذا جبت في السنة التحضيرية نسبة عآلية آقدر آختار التخصص اللي آبغاه صح
>>:) وكمآن كيف اسنة التحضيرية آنا مرره مآعندي معلومآت عن جآمعة الملك عبدالعزيز لإني من مكة

[سكووت]

دحين تنقبلي في الجامعة على اساس نسبة الثانوي مع القدرات والتحصيلي,حتدرسي سنة تحضيري مسار اداري انساني,اذا جبتي معدل عالي حتدخلي كلية ادارة واقتصاد وتختاري تخصص انظمـة

بالنسبة للتحضيري حتدرسي كل سيمستر مجموعة مواد تترواح بين علمية ونظرية و انقلش ,لازم تشدي حيلك فيها لانها حتبني معدلك كلو يعني هيا الاساس ..ماهي سهلة مرة ومو صعبة ,اذا اهتميتي مررة حتعدي بالراحة ,اسألة الاختبارات حتكون اختاري وصح وخطأ مافي مقالي على مااعتقد

[ورد المالونيا]

مشكوررة سكوووت
يعني نسبتي تدخلني الجآمعة :)
والقسم خآص بالأدبي والا عآدي للعلمـي
وسسوري تآني على الإزعآج

[سكووت]

اعتقد في تغيير في النسبات للقبول بالجامعة على حسب مستوى الخريجين من الثانوي واعدادهم وهيـك يعني ,صراحة ماعندي علم ..
انا تخرجت من الثانوي بـ94 و من القدرات بـ82 ودخلت الحمدلله الجامعة ..
انتي ماحتخسري شي اختبري قدرات تاني مرة و شوفي ايش اعلى حق السنة اللي فاتت او الجديد و قدمي فيه ..

انتي لمن تدخلي الجامعة حيسألونكـ تبغي مسار علمي(للي متخرجين علمي من الثانوية ولهم رغبة في التخصصات العلمية في الجامعة طب كيميا فيزيا تمريض و اعتقد دحين برضو ادارة اعمال و ادارة مستشفيات و التخصصات تبع البزنس عموما ..الخ)
او مسار اداري انساني (يعني زي مسار ادبي في الجامعة<<اختي كانت خريجة علمي بالثانوية لكن دخلت اداري انساني في الجامعة لرغبتها في تخصص نظم معلومات ادارية)

لو كنتي خريجة ادبي بالثانوي حتدخلي اداري انساني الاقسام تقريبا هيا كلية الاداب (تاريخ جغرافيا علم نفس ..الخ ,,كلية الادراة والاقتصاد كتخصص انظمة,او ادارة عامة ,اعتقد برضو محاسبة) او اقتصاد منزلي (سكن ومؤسسات ,طفولة ..الخ)
المووهيم حتقولي اداري انساني طبعا,وبعدين حتدرسي سنة تحضيرية كطالبة اداري انساني و لمن تجيبي المعدل الجامعي المطلوب بعد سنة حتدخلي بكلية الادارة والاقتصاد قسم الانـظمة ..

[ورد المالونيا]

يعطيكي الف عافية
يعني عآدي دحين أنا متخرجة من علمي اقدم على تخصص القانون
ونسبتي اوكي :)
وإذا بعيد آعيد قدرات بسس والا لازم تحصيلي بمآ إنو تخصص ادبي
آسسفة إدا ازعجتك بسس استحملي عليا بفهم لإنو مامااعرف احد هنآك وإيش النظآم

[البرنس11]

اختي نسبتك وقدراتك والتحصيلي تدخلك سنة تحضيرية اداري انساني

بعد ماتجتازي جميع المواد بمعدل فوق 4 تقدري تتخصصي قانون

والقسم مره حلوو وممتع انصحك فيه

وبالتوفيق لك

[ورد المالونيا]

مشكوررين مرره
ويعطيكم آلف عافية على المسآعده
بالتوفيق

[سكووت]

يلا شدي حيلك ونشوفكـ قانونية في يوم ما, واي اسألة عن التحضيري لا تترددي ..