تكفووون افيدوني يمديني والا لا ؟؟؟؟

[غدو123]

السلام عليكم ورحمة الله وبركاته
لو سمحتوا انا اختبرت قدرات وكفاية اللغه الانجليزيه بتاريخ 9-10/4
يعني قبل شهر تقريبا

كنت انتظر المسج يوصلني بالنتيجه لحد البارح ارسلت لي صديقتي انو طلعت النتايج
؟؟؟؟
انا دخلت المنتدى حصلتكم مخلصيييين الطبخه كلها !!!
وانا نايمه

وش السوات ابغي اسجل بالماجستير الموازي لجامعه الملك عبدالعزيز بالقصييم
يمديني والا خلاص فاتني التسجيل ومالي حظ هالسنه؟

تكفون ساعدوني

انتظركم

[فهد المبسن]

لقد انتهى التسجيل يوم الاربعاء 9-5-1432 ان شاء الله يحالفكم الحظ في المرات القادمة

كل تاخيره فيها خيرة

[غدو123]

طيب كيف؟؟
لازم السنه الجايه اختبر اختبار ثاني ؟؟؟
قدرات وكفايه :|

والا كيف؟
نتيجتي طلعت بالقدرات 69
والكفايه 38
حلوه والا اختبر ثاني ؟

والله مدري وش السوات

طيب ماراح يفتحون لنا التسجيل الايام الجايه والا خلاص ؟؟

وهقونا حسبي الله ونعم الوكيل قالوا توصلكم رسايل ولا شفنا شي
والله منقهره من جد مره كان نفسي اكون من طلاب السنه الجايه

[خالدرر]

مايمنع تختبري ثانية لعلك تحصلي على درجات افضل واعلى ودرجاتك لابأس بها

اتمنى للجميع التوفيق

[غدو123]

يعني مافيه امل خلاص !!!

مافيه امكانيه يفتحون التسجيل مره ثانيه
مافيه احد اقدر اكلمه واستفسر
ايميل ارسل عليه استفسر عن الامكانيه
يعني مافيه تسجيل الحاقي للي تاخروا ؟؟؟
تكفون ريحوني :(
ماراح يفتحون التسجيل بعد اختبار القدرات اللي راح يكون برمضان
وهالتسجيل بيكون لسنه 1432 او اللي بعدها ؟؟؟
وهل دراسه الماجستير الموازي ممكن يكون اترام
يعني الترم الثاني ابدا دراسه

:(

<= هذا الكائن مقهووووور

[موليير]

لاتقلقي ماتدري ماذا يخفي لك القدر ...والعدد المسجل لدى الدرسات العليا عدد كبير جداا ... وستطرح الجامعه بعد اشهر برامج جديده ممن الممكن التقديم عليها وإن شاء الله تكون من المقبولين ...

وان لم تقتنعي بكلامي وتريد ان تجربي حظك اخطفي رجلك ع جده وروحي للقبول والتسجيل وإن شاء الله بياخذو اورقك وبيقدرو ان التاخير ليس منك انما من المركز الوطني للقياس ..والاخوه والاخوات القائمين ع القبول فيهم الخير ويريدو الخير للجميع...

وفقنا الله واياك القبول يااااااااارب....

[غدو123]

معليش بس وش تقصد اخوي ببرامج جديده مافهمت :/

ووين اروح بجده وفيه لهم رقم اتصل فيه قبل اروح
وموجود عندنا بالقصيم فرع لجامعه القصيم عندهم سنع ؟؟؟

[موليير]

المشاركة الأصلية كتبت بواسطة غدو123 معليش بس وش تقصد اخوي ببرامج جديده مافهمت :/ ووين اروح بجده وفيه لهم رقم اتصل فيه قبل اروح وموجود عندنا بالقصيم فرع لجامعه القصيم عندهم سنع ؟؟؟

برامج جديده تطرحها الجامعه بالقريب خلال الاشهر الثلاثه القادمه ...
روحي للدراسات العليا البرامج الخاصه قسم الطالبات وهم بيفيدونك ...وان لم تجد اي معلومات ارسل لك رقم مدير القبول والتسجيل او المشرف العام ع برامج الدرسات العليا بالجامعه ...والله يوفقك

[غدو123]

الله يوفقك اخوي ارسلي الارقام

[عماد الحسن]

لاحول ولا قوة إلا بالله ،، وينكم أختي في الفترة الماضية؟
التسجيل كان مفتوح لمدة شهرين وانتهى قبل اسبوعين

عموماً ما فاتكم شئ والفرصة عندك في الفترة القادمة ،، احتمال تكون في العام القادم او في الفصل القادم، وممكن تعيدي اختبارات القياس لرفع الدرجة، والأخوان جزاهم الله خير ما قصروا معاكم بالرد المناسب الله يوفقكم جميعاً.