دورة تقوية لطلاب الانتساب - بالتعاون مع لجنة طلاب الرياض

[اقلاع اتحادي]

كنت ادرس محاسبه 101 ,عند مدرس مصري اسمه ابو جمال اذا ماخاب ظني (يلبس نظارات ) .

كثره الملخصات وكثره الاوراق المصوره ,, ومايمشي مع المنهج >>> يقول لنا مره استغنو عن الكتاب ليش شريتوه !!!

انا بروح لمعهد تاني يدرس محاسبه .

مو قصدي بهذا الرد اني اقطع ارزاق لكن هذي الحقيقه ,,,, والله يوفق الجميع

[خالد الطالب]

الحصه بـ 650 اجل الي يبغى اكثر من حصه وش يسوي

بنلاقيها من التقويه ولا من رسوم الجامعه ولا من رسوم اختبار المناطق

ايس يبغى نفكر كلو ياخذ فلوس الله موجوود مافي خوف الله كريم

[اقلاع اتحادي]

انا بصرآحه الرسوم اخر شي افكر فيهآ ,,, اهم شي المكان و جودة التدريس

[الكسول]

المشاركة الأصلية كتبت بواسطة اقلاع اتحادي كنت ادرس محاسبه 101 ,عند مدرس مصري اسمه ابو جمال اذا ماخاب ظني (يلبس نظارات ) . كثره الملخصات وكثره الاوراق المصوره ,, ومايمشي مع المنهج >>> يقول لنا مره استغنو عن الكتاب ليش شريتوه !!! انا بروح لمعهد تاني يدرس محاسبه . مو قصدي بهذا الرد اني اقطع ارزاق لكن هذي الحقيقه ,,,, والله يوفق الجميع

وينك اخبار المعهد الثاني افضل

[Zanetti]

أنا شخصياً أخذت مادتين في هذا المعهد (مبادئ المحاسبة , المحاسبة الحكومية)

في وجهة نظري المعهد وإدارته ممتازة ومتعاونة جداً ومتجاوبة مع الطلاب ,,

[ABUKhLID]

تراهم مجتهدين بالحيل في سبيل مساعدة الطلاب بالاضافة للاستقبال الطيب بالنسبة للمدرسين بامكانك اذا تعرف مدرسين انك تقدم السي في حقه ويطلعون عليه الشباب ومايقصرون يتعاقدون معاه
بالنسبة للفهم حقيقة يالربع تعتمد على المدرس نفسه ولا علاقة بالامكانيات والشكل العام لمكان التدريس
الرسوم يستاهلونها من ابدع في افكاره في تحصيل الرزق دون الاخلال في مايقدمه والمصداقية الحاضرة دوما

انا سجلت عندهم في كذا ترم
الصراحه والشهادة لله
كل يوم اجي يرحبون واستقبالهم ممتاز كل يوم
هل كل واحد منا بيصير كل يوم مروق ولا يكشر ولا يعفط وجهه
بس الشباب يعلم الله انهم جالدين ذاتهم في سبيل ان الطالب مايتاثر من تعاملهم مع العلم ان كل واحد منا تمر عليه ظروف مايستطيع انه يكون مبتسم كل يوم


نقول الله يوفقهم وياليت يطورون من عملهم في انشاء مقر خاص فيهم بدل الاستراحة المستأجرة ومعهد يقوم بتقديم دورات تدريبية وتعليم تدريبي بالاضافة الى فصول تقوية لطلاب الجامعات
وكذلك يكون له فرعين نسائي ورجالي

والله يايدهم ويوفقهم على مايقومون فيه

[كتكوت اصفر]

يسلمووو على الموضوع الرئعه يعطيكي العافيه ياقلبي