هذي اسئلة الاحصاء - نموذج d - وعليكم الاجابة

[تذاكرسفر]

المشاركة الأصلية كتبت بواسطة الطالب المهذب يا اخوان اللي فاته الأختبار وش يسوي انا بصراحة تاخرت بالروح وصار زحمة غبية بطريق الجامعه وتعرف اللي مو من جدة انواع التضيع ويوم وصلت الا الساعة 950 دقيقة لقيت رئيس اللجنة واحد أسمه بندر الزهراني ورفض قال خلاص انتهى راح نصف وقت الأختبار بس قال تعال ني بكرة الصباح بس بصراحة ما ادري وش بيكون معي تكفون اللي عنده فكرة يرد لاني الحين جالس بجدة عشان ذا الموضوع والا كان مشيت من زمان لاني من الرياض ولكم تحياتي

روح له بكرا الصباح اذا تجاوب وتعاطف مع وضعك وقدر ظروفك معك اهلا وسهلا
اذا ما توصلت بكرا لحل معاه دبر لك تقرير طبي بنفس يوم وتاريخ الاختبار وقدمه لشؤون الانتساب ويصير يسوون لك اختبار بديل الترم الجاي

[TARIQ-111]

ياشباب واحد يعطينا جواب الاسئلة هاذي تكفوووووووووووووووووون

[الطالب المهذب]

المشاركة الأصلية كتبت بواسطة تذاكرسفر روح له بكرا الصباح اذا تجاوب وتعاطف مع وضعك وقدر ظروفك معك اهلا وسهلا اذا ما توصلت بكرا لحل معاه دبر لك تقرير طبي بنفس يوم وتاريخ الاختبار وقدمه لشؤون الانتساب ويصير يسوون لك اختبار بديل الترم الجاي

يعيك العافيه أخوي تذاكر سفر

[mnsee]

الحـــــــــــ تكفووووووووووون ـــــــــــــــــل

[مازال الأمل موجود]

أحــد يسعفنااا بالإجاااابااااات

حسبي الله ونعم الوكيل عليهم

[hot-boy76667]

ياهووووووووو جبت مدرس ومذاكر تماااام
لمن شفت الاسئله ما قدرت احل شي
ايشفيكم يادكاتره اسئلتكم تجيب المرض ارحمونه شويه نحنا انتساب
راعو ظروفنا حراااام عليكم بجد
كرهت ام الجامعه والسبب الدكاتره الي ما يخافه ربهم بالاسئله

وغير الاشياء الي كل واحد عارفهاااااااااا ............
شكلي خلاص راح اترك الجامعه

[ابو سامر .]

لا تذكرني والله اني داخل وقلت بجيب 100 وقاعد اشرح لزميلي لاني ما خذ مدرس وفهمت المنهج زين ويحطون ذي الاسئلة والله حرام عليهم لاكن ما نقول الا حسبي الله ونعم الوكيل

[jas000m]

هذي بعض الإجابات اللي متأكد منها بإذن الله تعالى

1 - a
4 - a
5 - d
6 - a
11 - d
12 - a
13 - c
14 - b
15 - c
16 - b
18 - a
21 - d
22 - b
24 - a
25 - c
26 - b
27 - a
36 - a
40 - a

الباقي عز الله شختك بختك ان شاءالله بس الله يوفقنا ونعدي هالمادة أجمعين

[جاي متحدي]

صباح الخير للجميع

يوم جديد وبداية اجازة فلا تضيقون انفسكم على اشياء مضت

لسنا الوحيد باالعالم اللي نحمل مواد او نرسب فيها

اول اذكروا الله ثاني انا اضم كلامي لأخوي عبابو و hot-boy76667 وابو سامر

بخصوص اننا جبنا مدرسين ودفعنا مصاريف وتعبنا عشان نذاكر

لكن اللي علينا سوينا والباقي على رب العالمين وطبقوا حركات اللي مايذاكرون (حقره بقره)

يعني اللي مايعرف الحل يطق امها اختيارات عشوائي

الكل يقول وش يبغى هذا لكن خلونا نتكلم بالواقع

انا اول ماسلمت الورقة رحت للدكتور مدري مشرف ابو نظارات (الابرص ) شافاه الله ولا ابتلانا وقلت له
أسألك باللي خلقك من اللي حط الاسئله دكتور واحد او مجموعة دكاترة قالي اعتقد مجموعة دكاترة

انا لا شعوريا قلت له الله يجعل كل دكتور من الدكاتره الي حطوا الاسئله تصيبهم مصيبة مايطلعون منها ابد وان طلعوا من مصيبتهم يطيحون بمصيبة اعظم

قلت له وش ذنب الاكثر من (5000) طالب هذولي يطلعون حزينين

ماراح يخسرون شي لو حطوا الاسئله سهله وسلسه بالعكس راح الكل يدعي له

رد علي بكل بساطه وابتسامة وقالي (وماربك بظلام للعبيد) قلت ياشيخ ارحمني رب العالمين يقول اسعى ياعبدي وانا اسعى معك حنا سوينا اللي علينا والباقي على الله انا وش ذنبي انا خسرت 3000 ريال للترم و 1000 ريال لدراستي بالرياض و2000 ريال مدرس غير الشاهي اللي كل يوم اسوي ترمس او ترمسين شاهي للمدرس الييييييين طلع الشاهي مع خشمه تجي تقول (وماربك بظلام للعبيد)

يرحم امك نعرف الله ونعرف الدين ونعرف ان الله مايظلم عباده لكن عباده يظلمون المستضعفين والذين لا حول لهم ولا قوة

حسبي الله عليهم ونعم الوكيل يادكتور

قسمن بالله انه جلس يصرف ويلف راسه عني قلت له انا ماهمني هذي بطاقتي الجامعيه ورح ارفع شكوى ماهمني

فطلعت من القاعة ضايقه الدنيا فيني ومدري وين اروح مع انه اخر اختبار

واتصلت على امي وقلت لها ادعي لي قالت قل خير يقوله الله فكلمتها كانه رشت على صدري مويه بارده

فياشباب قولوا خير يقوله الله

هذي مقوله يقولونها كبار السن ( قل خير يقوله الله ) يعني تفائلوا بالخير تجدوه وان شاء الرحمن ان اللي مايعرف الاجوبه ونيته صافيه وحل عشوائي تكون حلوله العشوائيه صحيحه

واقول لأخوي اللي يبغى حل الاسئله لا ترجع للماضي وتضيق صدرك وانت عارف او متيقن انك ماحليت كويس وزي ماقالوا اليوم الخبر بفلوس بكرى ببلاش

اعتذر على الاطاله وهذا مو مكانه لكن عيشوا ايامكم ولستم اول اناس يحملون مواد او يرسبون انتم اللي عليكم عملتوه والباقي على رب العباد

تحياتي لكم

[ابومشهورالشريف]

هذا النموذج اللي جاني بالاختبار . انت تبغى اجابات النموذج ، والله من بعد الاختبار وانا نفسي مسدودة ولا في اخلاق ولا مزاج ، واخونا (جاي متحد ) ما قصر كفى ووفى . يقولك شمس تطلع وخبر يبان ياعمي خليها على الله ،ولو شفت الاجابات مغير بتكدر على نفسك .ادعي واطلب ان الله ييسرها والله يوفق الجميع