استفسار حول التحويل

[enou]

السلام عليكم
انا طالبه منتسبه مستوى رابع علم نفس وابغا احول انتظام لاني قرفت من السنترا وقعده البيت مررره ماينفععني النظام الجديد دا
الساعات المسجله والمكتسبه عندي 40 ومعدلي 3.67
دورت فموقع الجامعه مالقيت شي واروح اسأل العماده مايفيدوني وكل مره اروح اسال يطلعولي بكلام جديد وكل ما اسأل احد كل واحد له كلام غير عن التاني
ابغا اعرف ايش الشروط والمعدل ومتى موعد التحويل وكيف احول
الله يوفقكم دنيا واخره ويدخلكم الجنه باذن الله اللي عنده خبر اكيد ويفيدني يقوللي
ردولي سرييييييييييييييييييع

[enou]

ياناااااااس ياعاااااااااااااالم يا امه محمد
سالت سؤال طلبت رد طلبت مساعده لا احد خش وشاف ولارد لادستور
ايه هو دا
يعني ضروري من التعصيب

[كاسه]

صلي على النبي و هدي شويه كل شيء في وقته حلو ليش مستعجلة
دحين كل وحدهـ تعطيكِ كلام لأنو مو موعد التحويل أستني شهر أو شهر و نص يبداء التحويل
أهمـ شيء شيكي على موقع الجامعة على طول و على المنتدى و لما يبداء التحويل رأح أرسلك رسالة على الخاص
وقتها روحي الجامعة لكن دحين ما راح تستفيدي شيء من الروحه
أصبري شيء و ربي يفرجها علينا و عليكِ

[enou]

يختي شي ينرفز والله اليوم اكتب تاني يوم اشيك الاقي الموضوع وصل في الصفحات الاخيره لامنتدى ولا الجامعه بتنفع اسال مين يعني لو محتاجه ماكان سالت ولاعملت البهدله دي بس الله لايحوجنا عن وجهه الكريم
كل ما اسأل احد يقوللي كلام غير عن التاني والعماده برضه مالت عليهم الله لايوفقهم دنيا واخره اسال المعدل مره يقولو 4 مره يقوولو3.75 واليوم اروح اسال وحده تقوللي مدري وتقلب وشها ولاكاني اتكلمت ولاكاني لسه واقفه واسال متى الموعد برضه يقولو مادري شوفي النت على ايش جايين يشتغلو وهم يتعاملو بدا اسلوب فالحين فبرادات القهاوي والحلويات وطهمجه الله يسممهم شايفين حالهم على ايه حسبي الله ونعم الوكيل فيهم وحده وحده
ادخل ادور فموقع العماده مافي الا تحويل من كليه لكليه ومن تخصص لتخصص مافي من انتساب لانتظام فين الاقيه دا في المنتدى وموقع الجامعه مو هرجه استعجال بس ليا كم وان اسال وادور ولا احد بيفيدني بشي واخاف يروح الموعد عليا وانا طقيت من النظام الجديد دا
ياريت تفيدوني وتساعدوني الله يوفقكم دنيا واخره يارب ويدخلكم الجنه باذنه

[amoon aL]

والله ماآ عندي خبرره ان شآآء الله تلقي اللي يفيدك

[في منتهى الرقة]

رفـــع لعيووونك
ولاتزعلي حبيبتي

[ابـو حمد]

هدي اعصابك يا وخيتي

انا اقولك ما دام انك تدرسي بجامعة الملك عبدالعزيز

كل ترم اشتري كرتون ليمون واعصريه واشربيه على شان تهدي اعصابك مره

لانك ماراح تاخذي حق لا من موظفة ولا من دكتور ولا من اي احد

كذا العالم كلهم نفسيات

[كاسه]

شكلك كذا أول مره تحتكي بموظفات الجامعة :)

انا درست في أم القرى و دحين في الملك عبد العزيز كلهم نفس الطقة و نفس الأخلاق و من كلامك دولي مرررره كويسين جنب غيرهم غيرهم يشمقو في وجهك و تصرخ و تنفخ عليكِ تقولي عبده من عبيدها

أنا علمي و إمتياز و كان طموحي كبير و دخلت إدارة أعمال من قااااصرها لأنو مافي أحد يشجعك على الدراسة لا الدولة و لا الجامعة علو قلبي عشان أخد معلومة كيف أقدر أحول من أنتساب لقسم علمي و لا أحد فادني و لا اعطوني وجه نفس تعاملهم معاكي كلمة كلمتين تصرفك و أنتي مستقبلك يضيع حسبي الله عليهم ( وقل أعملوا فسيرى الله عملكم ورسوله والمؤمنين )

حطو كل القوانين على الطلاب و مافي أي قانون يلزم الموظفين يشتغلو عدل كل واحد و اخلاقه يشتغل

انا برضو بحول أنتظام أول ما يفتحو التحويل للأنتظام براسلك و لا يهمك ياقلبي اهمـ شيء شيكي على المنتدى و موقع الجامعة و لا تعبي نفسك من الروحة ما راح تستفيدي شيء

[بيييسان]

فديتك ياقلبي انا نفس حالتك كل ماسالهم يقولوا لي معدل حتى مره قولوا لي 5 قلت هو طب الطب ماطلبو كدا المهم حبيتي انا معاكم اول مايفتح قولوا لي تكفوووووووون يارب نحول كلنا يارب

[enou]

اي كرتون ليمون وكرتون طماطم والفلوس كلها تروح ع الجامعه يا ابو حمد
كذا مره احتكيت معاهم دول مو اول مره وكل مه اروح اقول يارب تطلعلي وحده طيبه ام ضحكه حلوه طيبه تفك النفس
بس من جد شي يفقع اعصاب الواحد لاموظفه ولادكاتره ولاجامعه ولاحكومه ولامخلوق ينفعنا حننتفع من مين يعني حشد شعري منهم
واااااااال علينا وعليهم الله ويانا ويصبرنا دنيا ماتمشي الا بالدف وقله الادب والواسطات والفلوس مو بالخير والطيب
ماينفع ينسكتلهم طفاحين القهاوي دول لازم يوقفو عند حدهم ايش عملنالهم فعمرهم عشان يحقرو فينا ويتعاملو معانا بدا الاسلوب احنا جايين نتعلم نستفيد ندرس مو نستهبل مفكرين كل البنات جايين يلعبو ويقلو ادبهم واساسا ايش اللي جابرهم يشتغلو اذا بيعملو كدا مايجلسو فاحضن امهاتهم وابهاتهم يدولهم فلوس فيدهم اريحلهم واكرملنا
ماقول الا الله ينفخ بطونهم من الطهمجه وسممهم ولايقومهم بالسلامه يارب فكل وحده تحقر فبنت<<<استغفر الله العظيم سامحني يارب بس حلال فيهم
تسلموووووولي ياقمرات ع الردود والكلام
ماتجو الا بالزعيق<<<<<< خخخخخخخخخخخخخخ