اللواتي تم قبولهن في الماجستير الخاص طالبات القصيم ارجو الدخول للأهميه

[أم فارس 3]

السلام عليكم ورحمة الله وبركاته

أخواتي اللاتي تم قبولهن في الماجستير الخاص من طالبات القصيم واخص بدالك ( معلمات _ مشرفات )

اولا : ابارك لكن اخواتي القبول في برنامج الماجستير سواء تقنيه _ إداره _ إرشاد

موضوعي هو انه بعد قبولي للماجستير خاطبت إدارة التدريب التربوي في القصيم عن أمكانية التفريغ اسوة بزميلاتنا في الأعوام السابقه فأخبروني انه لايمكن دلك على الرغم من توفر البديل واستكمال اوراقي اللازمه للتفريغ ودالك لأن ديوان الخدمة المدنيه ارسل تعميم بمنع تفريغ المعلمات او المشرفات اللواتي يدرسن الماجستير المسائي في نهاية الأسبوع

سؤالي : مالسبب ؟ وكيف يمكننا الموافقه بين العمل والدراسة علماً ان دوام يوم الأربعاء في الجامعة يبدأ من الساعة الثالثة مساءً وحتى الساعة الثانية عشر والنصف بعد منتصف اليل
يعني اطلع من الدوام الساعه وحده ونصف الظهر وعلى الجامعه لحد نصف اليل ومن بكرا الخميس نفس الشي
طيب متى نرتاح ؟ مو كأن المسأله صعبه شوي علينا

عندما ناقشت أحد المسؤلات في إدارة التدريب قالت لي ممكن تقنعون الجامعة إن الدراسه تكون السبت والأحد مثلا عشان نقدر نرفع لكم تفريغ ، لأن تعميم ديوان الخدمه يرفض تفريغ الدارسات في نهاية الأسبوع

بصراحة التفريغ ضروري ماأقدر اتخيل نفسي إني طول الأسبوع تدريس ومناهج وتعب ونهاية الأسبوع دراسه وتعب طيب متى نرتاح ؟ وليش مايساوونا في زميلاتنا اللي فرغوهم قبلنا

اخواتي ياليت تتفاعلون معاي وتعطوني اقتراحاتكم ايش انسوي بالضبط عشان يغير ديوان الخدمه كلامه ؟
وإدا ماغير كلامه هل ممكن أن الجامعة تغير مواعيد الدراسه بحيث انها تكون السبت والأحد أوالثلاثاء والأربعاء ( سؤال موجه للأستاد : عماد الحسن )

وجزاكم الله خيرا

[أم فارس 3]

للرفع

[أم فارس 3]

غررررررررررررررررررررررررررررريبه خمسين مشاهدة
ولا واحده فيهم معلمه او مشرفه ؟؟؟؟؟؟؟؟؟
ياجماعة الخير انا احب نتساعد عشان يصير صوتنا واحد
شكل اللي ماردو اصلا مادريو عن التعميم لكن بكرا لمل ياخدو القبول ويقدموه لإدارة التدريب عشان التفريغ راح ينصدمو بالخبر

[ام الهجر]

انصدمنا وخلصنا والاقتراح مايناسبنا أبد لأنا من خارج القصيم ليس كل المقبولات من القصيم هناك من تبعد عن القصيم الف كيلو وهناك اربعمائه وهناك من هم في حايل اصلا لو ماكانت كل اربعاء وخميس كان ماقدمنا عليها والأيفاد غاسلين ايدينا منه وكرشونا ولله الحمد والمنه

[ورقة بنفسج]

أهلين عزيزتي
لكن فيه معلمات يجون من برا القصيم وهم قدموا على القصيم علشانها بنهاية الأسبوع
وشكرا..

[احلى وقت]

السلام عليكم
اختي ام فارس اولا مبروك عليك القبول
بالنسبة لوقت الدراسه الافضل انه يكون يومي الاربعاء والخميس
اما بالنسبة لتعب يوم الاربعاء ممكن المديره تكون متعاونه
وتساعدك بتخطي هالصعوبه اما بتفريغك من الحصص يوم الاربعاء
وتوزعها على الاسبوع بحيث تجين تدرسين في المدرسه أو تستأذنين نصف الوقت
هذا راجع لتقدير المديره
أتمنا أني افدتك بالحل

[أم فارس 3]

المشاركة الأصلية كتبت بواسطة ام الهجر انصدمنا وخلصنا والاقتراح مايناسبنا أبد لأنا من خارج القصيم ليس كل المقبولات من القصيم هناك من تبعد عن القصيم الف كيلو وهناك اربعمائه وهناك من هم في حايل اصلا لو ماكانت كل اربعاء وخميس كان ماقدمنا عليها والأيفاد غاسلين ايدينا منه وكرشونا ولله الحمد والمنه

أهلين أختي أم الهجر :
اناماتكلمت من وجهة نظر انانية عشان تعصبين لأنه اساساً ماعندي خلفيه انه فيه ناس مقدمين من برا القصيم فأنا ادور على حل يرضي الجميع ولو رجعتي لموضوعي راح تلاقين ان هدا اقتراحي الثاني
ومعليش ان كنت غلطت فانا اسفه وحقك علي
لكن حبيت نتساعد اننا نحصل كلنا على التفريغ يعني ديوان الخدمة المدنية ليش عمم على جميع إدارات التدريب برفض تفريغ الدارسات إدا كانت الدراسة مسائية ؟؟؟
على الرغم من ان جميع شروط التفريغ تنطبق علينا ؟ واحنا نبغى نتفرغ زي ماتفرغو زميلااتنا اللي قبلنا

اختي : احلى وقت
اشكرك على تفاعلك معي لإيجاد الحل
وان ماكان فيه تفريغ راح اسوي زي ماقلتي والله يوفقك

تحياتي للجميع

[جبال سلمى]

الله يعينكم يارب

[ام الهجر]

هلا بك اختى ام فارس معليش عذرا اذا حسيتى انى معصبه لكن انا كنت راجعه من التوجيه وكانو صادمينى بقراراتهم وانى ماأقدر أحصل على ايفاد لأن الماجستير مسائى ويبعد أكثر من150 كيلو بالعربى غثونى وكتبت الرد والعذر والسموحه منك اذا حسيتى انى قسيت عليك بالرد وهلا بك أخت عزيزه وهذى بدايه المعرفه مع تمنياتى لك بالتوفيق وللجميع وتسهيل أموركم.

[أم فارس 3]

المشاركة الأصلية كتبت بواسطة ام الهجر هلا بك اختى ام فارس معليش عذرا اذا حسيتى انى معصبه لكن انا كنت راجعه من التوجيه وكانو صادمينى بقراراتهم وانى ماأقدر أحصل على ايفاد لأن الماجستير مسائى ويبعد أكثر من150 كيلو بالعربى غثونى وكتبت الرد والعذر والسموحه منك اذا حسيتى انى قسيت عليك بالرد وهلا بك أخت عزيزه وهذى بدايه المعرفه مع تمنياتى لك بالتوفيق وللجميع وتسهيل أموركم.

اهلين اختي أم الهجر
اهلا فيك اخت عزيزة وغاليه وإن شاء الله راح نتعرف على بعض في بداية العام الجديد إن كان لنا عمر
عموماً انا ابحاول ارفع خطاب لديوان الخدمة المدنية اطالب فيه بالتفريغ لأنه ليش وقفت علينا احنا
وياليت اللي تقدر ترفع كمان ترفع عشان يصير صوتنا واحد

وربي يوفقنا ويسهل امورنا