سؤال عن التخرج

[jojo111]

انا الحين خلصت مستوى سادس
بس باقيلي 15 ماده كلها ثلاث ساعات
يعني لو اخذت المستوى السابع 6مواد والمستوى الثامن6 مواد يبقى 3مواد
حرام اخذ ترم وفلوس عشان 3مواد
ماممكن يضيفوها لي مع آخر ترم تسير 9مواد او يحذفو ماده مثلا ابغا اعرف اش طريقتهم لتخرج بالتفصيييييل
وفي حاجه ابغى اعرفها اسمع بنات يقولو انهم جمعو ساعات مدري كم وكم وانهم يحتاجو عشان يتخرجو زياده
اش يعني انا عارفه انو لكل ماده ساعات طيب يعني بتجمعها كل ماعدت ترم اكيد

[SkAyLaR]

مآيضيفو اكثر من الحد الاقصى إلآ في ترم التخررج

وانا على مافهمت ان حدك الاقصى 18 ساعه يعني لو نضيف ثلاثه مواد بـ 3 ساعات

18+9=27 ساعه ..

والمعدل الاقصى لترم التخرج 24 ساعه .. يعني عندك ماده فوق المعدل المسموح لذلك ماعتقد انهم يقبلو

وحيكون ملزوم عليكي تاخذي ترم زياده للمواد الباقيه ..

بس هذا لآ يمنع انك تحاولي معاهم وجاايز انهم يقبلو .. في النهايه مافي شي مستحيل ..

وباللتوفيق ..

[مطنوخ بس طفران]

اختي ماراح يضيفون لك 18 ساعه في الترم الواحد الا معدلك مرتفع من 3 وفوق وبالنسبه لاخر ترم مثل ماتفضل اخوي سكايلر لك الى 24 ساعه بشرط تغير من طالب الى متوقع تخرجه عن طريق الكليه

[مملكة مساعد]

حبيبي الترم الثامن تقدري تضيفي اخر حد 24 ساعه يعني اذا معدلك فوق ال3 حتقدر تاخذي 6 ساعات الترم الجاي ويبقى 27 ساعه ماتقدري تاخذيها ترم واحد لاتهلكين نفسك اهم شي حافضي على معدلك

[أغدا ألقاكــ]

الله يعينك

خليها كل ترم 18 ساعه وزيدي ترم وانتي


مرتاحه و خذي الباقي ولا تتعبين نفسك