الحمدلله طابقت اليوم اوراقي لماستر خدمات صحية وعندي لكم علوم طيبه تفضلوو ..

[clouds]

السلام عليكم ورحمة الله وبركاته
كيف الحال يابنات وياشباب ..
اليوم كنت اول وحده اطابق اوراقي عندهم واخذو مني
( الوثيقه + كشف الدرجات + 2 توصيتان +
صورتان شخصية وكتبت خلفها اسمي وتخصصي + الهوية ) كلها صور ..
واخذت 5 دقايق وخلصت وعملو لي افاده في وقتها انه انقبلت عندهم عشان اذا تبي تقدمها لعملك او تستفيد منها ..

الرقم الجامعي اخذه بعد اسبوعين والبطاقه اول يوم بالدراسه ان شاء الله لان عندهم زحمه وماراح يلحقوا يخلصوها ..

رحت سالت كليتي بخصوص الجدول راح ينزل بثلاث مواد ومانقدر نختار الدكاتره هم راح ينزلو االاسماء ، وبالصيف نقدر ندرس بس مادتين بالكثير
وبخصوص المواد العربي والانجلش راح تكون بالكثير 5 مواد انجليزي والباقي عربي وبخصوص بحث التخرج احنا نختار الموضوع وهم ( الكلية ) راح يطرحوه للدكاتره وهم يختارو من راح يمسك البحث معي .. وقالت لي الموظفة لا تشترو الكتب راح احنا نعطيكم اياها .. لكن اذا تبي تاخذي كتب تبي تقري وتاخذي فكره شوفي اول مقررات الترم الاول واقري فيهم .

ياليت اذا عندكم معلومه جديده اوااضافه على الي قلته .. افيدونا

[sara_2009]

ماشاء الله
الله يوفقك بس اختي انتي درستي دبلوم تربوي
ولالا

[clouds]

لا ياحلوه مادرست

[عماد الحسن]

عليكم السلام ورحمة الله ،، مبروك عليكم القبول النهائي في الماجستير وعمل المطابقة
وأشكر لكم هذه المعلومات المفيدة لأخوانك من الطلاب والطالبات وننتظر تشريف منسوبي القسم لنستفيد منهم.

[محور إرتكاز]

الله يوفقكِ ... وشكرا على هذي المعلومات

أنا سويت المطابقة امس.. لكن أخذو مني صورة واحده وطابق الشهادات ورجعها ليا

وعملولي البطاقة الجامعية

ما أعطوني ورقة الافادة اللي بتقولي عليها..قلت للموظف خلاص كذا؟؟ قال ايوهـ


بصراحة الان محتار

لاني شوفت ناس اخذوا اوراق قلت ممكن تخصص ثاني...

سؤال هل ورقة الافاده مهمه؟ وهل اقدر اخذها بعدين والا ارجع لهم ؟؟

[بندرناصر]

المشاركة الأصلية كتبت بواسطة محور إرتكاز الله يوفقكِ ... وشكرا على هذي المعلومات أنا سويت المطابقة امس.. لكن أخذو مني صورة واحده وطابق الشهادات ورجعها ليا وعملولي البطاقة الجامعية ما أعطوني ورقة الافادة اللي بتقولي عليها..قلت للموظف خلاص كذا؟؟ قال ايوهـ بصراحة الان محتار لاني شوفت ناس اخذوا اوراق قلت ممكن تخصص ثاني... سؤال هل ورقة الافاده مهمه؟ وهل اقدر اخذها بعدين والا ارجع لهم ؟؟

الاخت /clouds
الله يسعدك على هذا الخبر بخصوص انه ما فيه إلا خمس مواد بالكثير وان شاء الله تكون اقل
و مبروووك المطابقة .. وعقبال الدكتوراه


اخي الكريم محور إرتكاز
بالنسبة للشباب الواضح ان الوضع يختلف شئ بسيط بالنسبة للصور
فانا اخذوا مني صورة واحده فقط
وبالنسبة للافادة انت لازم تطلب منهم لانه اجراء اضافي مو ضروري لبعض الدارسين عشان كذا ما يعطون إلا اللى يطلب وانا طلبته وفي دقيقة جاب لي الافادة
وهي مهمة عشان تقديمها في العمل عشان اللى يبغى موافقة من العمل لاعتماد الشهادة وعشان اجازة الاختبارات
واعتقد انك لو رجعت عندهم يعطونك عادي بدون اي تردد

وبالتوفيق الدائم

[مشوار الوله]

الاخت cloud
مبروك المطابقة والله يوفقك

انا مثل الاخوان
اخذوا مني صورة وحده لانه في الملف صورة البطاقة تكفي لمعرفة هوية الشخص
وبعد خمس دقايق عطوني البطاقة

وافادة القبول انا طلبتها وبدقايق خلصوها
وبعد بغيت اطلب تخفيض طيران بس استحيت على دمي ومشيت ههههههههههههه

[clouds]

يسعدلي مساكم جميعا ..
والله يبارك فيكم كلكم .،. ومبارك علينا كلنا
يمكن احنا البنات غير ولازم صورتين .. ويمكن عندكم بالقسم العدد قليل عشان كذا بيخلصو لكم البطاقه بسرعه
ويسلمو اخ بندر جاوبت وماقصرت لاخونا محور ارتكاز .. اليوم تاخرت ومادخلت المنتدى وكنت مشغوله بالعمل والحمدلله على كل حال
اما بخصوص الاخ مشوار الوله اللحين خلصت اهم مرحله .. عاد اعطيهم فرصه كم اسبوع واطلب خصم على التذكرة بس بصراحه كويس انك ذكرتني بالتخفيض عاد ننتهز الفرصه وكل سنه بنشد حلينا حليهم (:

[محور إرتكاز]

المشاركة الأصلية كتبت بواسطة بندرناصر اخي الكريم محور إرتكاز بالنسبة للشباب الواضح ان الوضع يختلف شئ بسيط بالنسبة للصور فانا اخذوا مني صورة واحده فقط وبالنسبة للافادة انت لازم تطلب منهم لانه اجراء اضافي مو ضروري لبعض الدارسين عشان كذا ما يعطون إلا اللى يطلب وانا طلبته وفي دقيقة جاب لي الافادة وهي مهمة عشان تقديمها في العمل عشان اللى يبغى موافقة من العمل لاعتماد الشهادة وعشان اجازة الاختبارات واعتقد انك لو رجعت عندهم يعطونك عادي بدون اي تردد وبالتوفيق الدائم

الله يعطيك العافية اخوي بندر والله يعيننا نرجعلهم ..

وربنا يوفقك لما يحب ويرضى

تحياتي

[هاني الجعيد]

الكتب غير متوفره في مكتبة جرير ..........لكن لقيت المراجع التي باللغة الانجليزية على موقع أميزون
وانا جبت اسماء المراجع واضفتها في تجمع ماجستير الخدمات الصحية
وقرأت كتاب اقتصاديات الصحة الذي يباع في الجامعة لكن الكتاب مخبص شوي وقرأت كتاب لدكتور حزام العتيبي في ادارة الخدمات الصحية الجزء الثاني في فصلين كاملين واحد عن اقتصاديات الصحة والآخر عن التأمين فهمت منه بشكل مبسط وسهل فكرة عن المواد ..........لكن الدكاترة لا يركزون على الكتاب او المرجع الكثير يركزوا على المحاضرة والواجبات وطرق أخرى

اتمنى التوفيق للجميع........