كــم ســؤال عــن الـصــيدلــة . | . عــن سـنـة ثــانـي .. ~

[Qotaiba HBK]

السلام عليكم ورحمة الله وبركاته ..

شخباركم .. ان شاء الله طيبين ..

.......


..


عندي كذا استفسار عن سنة ثانية صيدلة .. :

1- الكيمياء اللي درسناها بالتحضيري لها أي ارتباط بهذي السنة ... وأبغى أعرف لأني صراحة كنت مش ولابد فيها حتى أني اخذت فيها c وفي كذا شيء ما استوعبته كويس زي الروابط الكيميائية والأشياء القريبة منها .. ؟

2- أنا عندي كتاب مصطلحات طبية ( هوا لأختي حق الطب بس خلاص ما تبغاه خخ ) ومادري ينفع لي ولا لا .. واذا ما ينفع ايش أحسن دكشنري لـ الصيدلة بحيث يكون انجليزي وترجمته انجليزي .. ؟

...

بس هذي استفساراتي وإن شاء الله ألاقي أجوبتها عندكم ..

والله يوفقكم أجمعين ..~

[sniper-1100]

والله اننا متحمسين


بس مافيه احد يشجعنا ويدعمنا

لاالمنتدى ولاالشعب

اتمنى اللي يعرف مدرسين خصوصيين يقولنا عليهم او اي شي يفيدنا ولااحد يبخل


موفقين

[Qotaiba HBK]

المشاركة الأصلية كتبت بواسطة sniper-1100 والله اننا متحمسين بس مافيه احد يشجعنا ويدعمنا لاالمنتدى ولاالشعب اتمنى اللي يعرف مدرسين خصوصيين يقولنا عليهم او اي شي يفيدنا ولااحد يبخل موفقين

أومآ خصوصي من ذحين خخخخ

لا اللي أشوفه حيفيدنا كتب المصطلحات بس مادري ايش الأحسن لأنو في كذا كتاب .. ؟

...

[drug]

السلام عليكم ورحمة الله وبركاته .. شخباركم .. ان شاء الله طيبين ..

وعليكم السلام و رحمة الله و بركاته
الحمدلله بأحسن حال :)

عندي كذا استفسار عن سنة ثانية صيدلة .. :

تفضل

1- الكيمياء اللي درسناها بالتحضيري لها أي ارتباط بهذي السنة ... وأبغى أعرف لأني صراحة كنت مش ولابد فيها حتى أني اخذت فيها c وفي كذا شيء ما استوعبته كويس زي الروابط الكيميائية والأشياء القريبة منها .. ؟

الكيمياء إلي أخدتها في التحضيري و الثنوي هيا أساسيات الكيمياء
حتاخد جزئيه صغيره عنها في بداية منهج الـ organic بس بعد كدا ماراح تسمع عنها تاني
بس لازم تكون فاهمها عشان الكيمياء مبنيه على بعض و دي أساسيات

2- أنا عندي كتاب مصطلحات طبية ( هوا لأختي حق الطب بس خلاص ما تبغاه خخ ) ومادري ينفع لي ولا لا .. واذا ما ينفع ايش أحسن دكشنري لـ الصيدلة بحيث يكون انجليزي وترجمته انجليزي .. ؟

اممممم بصراحه ما أعرف
أنا عن نفسي ما كنت أستخدم أي دكشنري فما عندي علم
و كتاب المصطلحات الطبيه ممكن تستفيد منه في بعض المواد خليك محتفظ فيه

بس هذي استفساراتي وإن شاء الله ألاقي أجوبتها عندكم .. والله يوفقكم أجمعين ..~

آمين الجميع يارب ^ــ^

والله اننا متحمسين بس مافيه احد يشجعنا ويدعمنا لاالمنتدى ولاالشعب اتمنى اللي يعرف مدرسين خصوصيين يقولنا عليهم او اي شي يفيدنا ولااحد يبخل موفقين

يا أخويا الكريم إحنا لمن دحين ما خلصنا اختبارات عشان كدا محد فاضي للمنتدى و لا لأي شيء
و العذر على التقصير ^ــ^

بعدين ليش أحسك معطي الموضوع أكبر من حجمه
أول شيء كنت تبغى الشيتات و دحين مدرسين خصوصين
ترى المسأله ما تستاهل كل دا إنتا ركز في المحاضره و إن شاء الله ماراح تحتاج أحد أبداً و لو عندك سؤال أسأل الدكاتره و ماراح يقصروا :)

[Qotaiba HBK]

drug ~


يعطيكي العافية ع التجاوب السريع وبالتوفيق لكِ ..


بس انا كنت أقصد بالدكشنري حق الصيدلة اللي هو مصطلحات الصيدلة لأنو قبل فترة رحت جرير وشفت كتب مصطلحات للطب وفي للصيدلة واللي عندي زي ما قلت حق الطب بس مادري يعني كيف مصطلحات الصيدلة نفس حقت الطب ولا تختلف ... ؟

[ميعاد]

المشاركة الأصلية كتبت بواسطة qotaiba hbk drug ~ يعطيكي العافية ع التجاوب السريع وبالتوفيق لكِ .. بس انا كنت أقصد بالدكشنري حق الصيدلة اللي هو مصطلحات الصيدلة لأنو قبل فترة رحت جرير وشفت كتب مصطلحات للطب وفي للصيدلة واللي عندي زي ما قلت حق الطب بس مادري يعني كيف مصطلحات الصيدلة نفس حقت الطب ولا تختلف ... ؟

اتوقع ماايحتاج لانو الدكاتره بيشرحوا بالعربي, وبيترجموا اغلب الكلمات , يعني تقدر كمان تسأله اش معنى ذي الكلمة ماحيقووولك لا.. انا كنت كذا بداية السنه كنت حاشتري . بس لمن شفت شرحهم قلت مايحتاااج..

جرب انت اول اسبوع اذا مانفع اشتريلك بعدييين

[Qotaiba HBK]

ميعاد ~

مشكورة أختي ما قصرتي، بس في سؤال أخير خخ <- ما خلصت

س \ بما أنكم خلصتوا تقريباً سنة ثاني كيف الوضع يعني بشكل عام السنة تحسوها كانت سهلة ولا فيها وفيها .. طبعاً بشكل عام بدون ما تدخلوا بالعميق خخ .. ؟

[drug]

س \ بما أنكم خلصتوا تقريباً سنة ثاني كيف الوضع يعني بشكل عام السنة تحسوها كانت سهلة ولا فيها وفيها .. طبعاً بشكل عام بدون ما تدخلوا بالعميق خخ .. ؟

امممم شوف ماراح أكدب عليك و أقولك سهله و في نفس الوقت مو صعبه
هوا بالنسبه للصيدله ما ينفع حكاية إنك تدخل الإختبار و إنتا مره مو مذاكر يعني ماراح يمشي الحال خصوصاً في بعض المواد
عشان أريحك حأقولك شيء واحد
لو أعطيت كل ماده حقها ( بدون تشدد أو مبالغه ) راح تمشي معاك زي الحلاوه :)

[Qotaiba HBK]

المشاركة الأصلية كتبت بواسطة drug امممم شوف ماراح أكدب عليك و أقولك سهله و في نفس الوقت مو صعبه هوا بالنسبه للصيدله ما ينفع حكاية إنك تدخل الإختبار و إنتا مره مو مذاكر يعني ماراح يمشي الحال خصوصاً في بعض المواد عشان أريحك حأقولك شيء واحد لو أعطيت كل ماده حقها ( بدون تشدد أو مبالغه ) راح تمشي معاك زي الحلاوه :)

حلو والله يعني الكلام اللي نسمعو انها صعبة ومدري ايش كله كلام فاضي .. بس باقي سؤال أخير ثاني عشان توصل الفكرة كاملة خخخ .. الاختبارات كلها أختياري ولا فيه كرف ع الورق . ؟

وإذا مو اختياري يعني ع الورق أنا سمعت من أختي انو في بعض الدكاترة في الطب يعني مو كلهم يقّيم حلك واجابتك على حسب ما يشوف هوا يعني اذا عجبه يديك درجة حلوة والعكس صح .. فـ ياريت تقولولي الصيدلة كيف نظامها اختياري ولا كتابة وكيف وضع الدرجات والدكاترة اذا كنتوا تختبروا كتابة مش اختياري ..؟

والله يوفقكم كلم ما قصرتوا .. أعرف تعبناكم معانا .. بس تحملونا شوي مو كثير مرة هع ..

[drug]

حلو والله يعني الكلام اللي نسمعو انها صعبة ومدري ايش كله كلام فاضي .. بس باقي سؤال أخير ثاني عشان توصل الفكرة كاملة خخخ .. الاختبارات كلها أختياري ولا فيه كرف ع الورق . ؟

طيب بقولك شيء عشان ما تنفجع
أول أسبوع راح تحس الوضع مستحيل و ممكن يفضل معاك دا الإحساس فتره و ممكن يستمر للإختبارات النصفيه لكن بعدها راح تعرف طريقة الأسئله و أسلوب الدكاتره و حتحس الموضوع عادي
فلا تكتئب لو حسيت نفسك تايه في البدايه

أما موضوع الإختياري فأنصحك تودعه مع السنه التحضيريه :)
ما أقولك مافي اختياري في لكن جزء بسيط من الأسئله ( طبعاً أتكلم عن مواد التخصص فقط )
الفسيولوجي كله اختياري
و الأنتومي و الهستولوجي اختبارات الميد تيرم اختياري لكن الفاينل في كتابه
و مواد التخصص فيها اختياري بس زي ما قلتلك شيء بسيط مره

وإذا مو اختياري يعني ع الورق أنا سمعت من أختي انو في بعض الدكاترة في الطب يعني مو كلهم يقّيم حلك واجابتك على حسب ما يشوف هوا يعني اذا عجبه يديك درجة حلوة والعكس صح .. فـ ياريت تقولولي الصيدلة كيف نظامها اختياري ولا كتابة وكيف وضع الدرجات والدكاترة اذا كنتوا تختبروا كتابة مش اختياري ..؟

للأمانه عمره دا الشيء ما حصل معايا أو مع البنات إلي في سنتي و لا عمري سمعت حكايات عن شيء زي كدا
بس ما أعرف لو مستقبلاً حأقابل دا النوع ( لا سمح الله )

والله يوفقكم كلم ما قصرتوا .. أعرف تعبناكم معانا .. بس تحملونا شوي مو كثير مرة هع ..

جميعاً يارب
خدوا راحتكم إحنا قبلكم تعبنا إلي قبلنا الله يعطيهم العافيه و ما قصروا ^ــ^