والله ان جــِـِسمي سوار المقبره

[ابو رابح]

قد عطيتك وانت ماضنك لئيم ..
.. والنصيحه لليالي تذكره

لاتحرك جرحي الماضي الاليم ..
.. ولاتحسب ان طول بعدك طهره

كل جرح يهون يالجرح القديم ..
.. وكل شي قد مضا معك اذكره

جرحي وذكراك والليل البهيم ..
.. حزت فوادي بمثل المنشره

العذول غراب وانا اكبر غشيم ..
.. والجروح الماء وطاريك حجره

والزمان اكرم من الحظ الكريم ..
.. لانفتح لي باب صوبك سكره

وحبك اللي لاطرى لي رحت اهيم ..
.. قمت احسب اصغر كلامك واكبره

ليتني عاد الهوا توه فطيم ..
.. انعذلت لعاذلي بس خيره

مالقيت من الوفاء يااول نديم ..
.. كون صدق الحزن وجهه وظهره

عقب رمح الشوق في وجه الصميم ..
.. سيف هجرك في قفاه وشف ثره

وانت شكلك تحسبني في نعيم ..
.. لني اخبي صوابي واستره

لايغرك حلم رجال حليم ..
.. مهون اللي من سكوته فجره

ولاتحسب الجفن من دمعه عقيم ..
.. يستحي منك والى اقفيت انثره

ولايغرك وان بدا جسمي سليم ..
.. والله ان جسمي سوار المقبره

والله ان امر من ضحك الغريم ..
.. شوف حقي بين اياديه اشكره

والله ان احر من دمع اليتيم ..
.. دمعة الرجال من فرقا مره

[سنفورة موت]

ابو رابح شكرا من الاعمااق ذوقك رفيع ماشاءالله ...

ربي يسعدك .......

[فرواله]

والله ان احر من دمع اليتيم ..
.. دمعة الرجال من فرقا مره
روووووووووووووووعه اخوي ابو رابح
مشاعر في الصميم
تقبل مروري

[ابو رابح]

المشاركة الأصلية كتبت بواسطة سنفورة موت ابو رابح شكرا من الاعمااق ذوقك رفيع ماشاءالله ... ربي يسعدك .......

العفو سنفورة وشاكر لك متابعتك لمواضيعي
لا حرمنا مرورك المشرف



تحيتي

[ابو رابح]

المشاركة الأصلية كتبت بواسطة فرواله والله ان احر من دمع اليتيم .. .. دمعة الرجال من فرقا مره روووووووووووووووعه اخوي ابو رابح مشاعر في الصميم تقبل مروري

مرورك على العين والراس فرواله

شاكر لك مرورك المنور