المقبولات ماجستير دراسات إسلامية-الفيصلية

[eeewy]

المشاركة الأصلية كتبت بواسطة أنامل مبدعة يعني مافي ارقام للبوابات ؟ بس ادخل ع البوابه اللي مقابله المستشفى ,, الله يسعدك جزاك الله خير

_________________________________

شوفي ياأنامل أنا معرف بالضبط أرقام البوابات مع العلم بإني راح أتخرج بس ماعمري حفظت أرقام البوابات بس أنا حافظة أماكنها و إلي فيها يعني مثلا لو إنتي جيه من دوار الدراجة ومشيتي طوالي على كلية الفيصلية حيصادفك أول بوابة طبعن ماراح تدخليها وراح تطولي كمان وبعدين راح تلاقي البوابة التانية الي راح تكون مقابلة لمستشفى عرفان يسير تدخليها و أول ماتدخلها هتلاقي بوابة قدامك على طول أدخليها و حيصادفك أمن وممكن تسأليهم عن مكتب الدراسات العليا ولا تدخلي البوابة التانية او التالة لأنها أبعد و البوابة الاولى هيه أقرب وماراح تضيعي ( أما ) لو ماحالفك الحظ تدخلي من البوابة الاولى راح تضطري تدخلي البوابة التانية ومن هناك حتسألي الأمن عن مكتب الدراسات العليا وراح يخلوكي توقعي أوراق وبعدين حيدخلوكي ولمن تخوشي في عندك طريقتين عشان تروحي مكتب الدراسات العليا :

1. أول ماتعدي البوابة حقت الامن وتخوشي الكلية حيصادفك عاليمين مسجد وحتلاقي ورا المسجد ممر حتمشي لحدت ماتلاقي بوابة وحتدخليها ومن هناك هتلاقي المكتب .

2. هادي معقده يبغالك أول ماتعدي من بوابة الأمن وتخوشي الكلية تطولي يعني حتعدي المصلى وراح تمشي و حتلاقي مباني كتيرة خوشي أول مبنى على يدك اليمين والي إسمها ( مبنى a ) و أول ماتخوشي المبنى أمشي على يدك اليمين لحدت ماتوصلي بوابة قسم الجغرافية والعربي والانجليزي وراح تطولي وتخرجي من دا القسم وحتلاقي في آخر الممر مفرق برضو خودي يدك اليمين و أمشي حيصادفك دخله على اليمين أدخليها وطولي وهناك راح تلاقي مكتب الدراسات العليا .

أتمنى أفدتك ( دعواتك ^___^ )