الاسرار لفهد المساعد

[سمية السلمي]

تحت الارض أح ب ك

لأن مي أرق بنت..ولو قسـت ماهـوب لايـق
حيّرتني مي..الأجمل : هـي..والا أحساسهـا !؟

بالها لاضاق زانت..كيف لامن صار رايـق!؟
في انتباهتها براءه..كيـف اجـل هوجاسهـا !؟

العمر لو كـان ضحكـه مـي تكفينـي دقايـق
بس اخاف ان مت..تحني مـي فوقـي راسهـا

مي لـو تبكـي لموتـي مالـي الا افـز فايـق
من قبـل لاامـوت أكثر..مـن نشيـج انفاسهـا

مي .. لاتعطين بال لمن يقـول المـوت عايـق
الجسـد موتـه يفـك الـروح مـن حراسهـا

ماأحبك فـوق الارض وبـس ياكـل الخلايـق
حتى تحت الارض أحبـك يابعـد مـن داسهـا

مي لو ماقلـت فيهـا بيـت واحـد ماتضايـق
لأن مالي شعـر ينشـر لـو رفـض كراسهـا

[]


للاستماع

http://www.al7an.com/ar/song-41176.ram








الاسـرار ..


شي واحد قبل ما أبـدأ .. مـا أبـي أي شـي ثانـي
يخطر ف بالك .. وأنا أكشف لك شعـور تجهلينـه !

إن أنا .. وبكـل مـا تحملـه "أحبـك" مـن معانـي
كنت،وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هـواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك.. الله مـا خلقهـا إلا عشـانـي
كيف كانت تبتسم لـه؟!.. قولـي إنـك تخدعينـه !!


للاستماع

http://www.al7an.com/ar/song-41167.ram






آخــر دروبيّ

يا بشـر تكفـون حـلـّو عن سـمـايـه
ما يصيب الهرج لو الهرج صوبي


كم سـكـت لـكـم بما فـيه الـكـفــايـة
اشتمـونـي لو زعلتوا واشـمتـوا بي


عـيـبـوني واتـركـونـي فـي عـمـايه
واتـركـوا لـي واحد يرضى عيوبـي



للاستماع


http://www.al7an.com/ar/song-41165.ram





العـذر


يعنـي كـذا يـاأم الوفـا والمحبـة
كـذا المحبـة والوفـاء ياوفيـه

أغيـب عنـك أيـام ولا أتنبّـه
إلا وانا أشوفـك زعلتـي عليـه

وش زعلك ؟ وش هز قلبك وشبه ؟
يعني عشاني غبت صارت قضيه !




للاستماع

http://www.al7an.com/ar/song-41166.ram



الغــربه



ياخي أذا الحب عيب ! فـ شفني آنادي :
سجل ..... أنا من عرف عيبه وجاهربه

وسجّل هنا كلمةٍ تستاهل عنادي
بقولها قبل أسافر وأترك التربه :

والله ماأقسى من الغربه عن ابلادي
الا .. شعوري وانا فـ بلادي بالغربه



للاستماع

http://www.al7an.com/ar/song-41168.ram



بسم الله عليك


جيت في ليلة وداعه تايه ٍ بين البيوت
صحت وينك جيت اوادع عمري اللي ضاع فيك

ماسمعت الا صدى صوته وكان ارق صوت
ينطق اسمي ثم يهمس من متى وانا احتريك

قلت وهمومي تغافل زفرت الحزن وتفوت
هذا انا جيتك ياليت الموت جاني قبل اجيك

بعدها يادوب عدة عبرته حد السكوت
قال وعيونه تغارق دمع بسم الله عليك

قلت يابن الناس عادي ماورا هالموت موت
وش وراها لافقدت عيونك ولمسة يديك



للاستماع

http://www.al7an.com/ar/song-41170.ram



ـــــــــــــــــــــــــــــــــــــــــــــــ



تعال


من عز نومي صحيت وشفت في عينـي
دمع تهـادى علـى جفنـي وأنـا غافـي

ستـرت دمعـي بكمـي قبـل يغرينـي
وأخذت هذا الجسـد مـن باقـي لحافـي

وسريـت تايـه ورا خطـوات رجلينـي
لا الوجه وجهي ولا أوصافي هي أوصافي

أمشـي وأقـول لطريقـي لا توديـنـي
لعيون ناس تبـي تـدري عـن الخافـي



للاستماع

http://www.al7an.com/ar/song-41175.ram



تمنيت مووتك ..

اللي بقا لـي فـي غيابـك .. سكوتـك
واللـي فقدتـه مـن غيابـك .. حنانـك

عـذرك معـك لوخبـرونـي بمـوتـك
وحقي عليك ان كـان عـذرك زمانـك

ماكان موعد .. وأعـذرك لـو يفوتـك
أنـا انتــظـرت العمـر كلـه عشـانـك

غبت ورضيت .. وبعدها .. غاب صوتك
وأبطيت أكذب .. من يقولـون : خانـك



للاستماع

http://www.al7an.com/ar/song-41177.ram






حبيت أوضح لك ..


في عز ماكنت أهوجس فيك وافتح لك
أبواب قلبي خذتني رجلي لبابك

وجيتك وأنا مااذكرإني كنت رايح لك
بس اذكر أني كذا لاطول غيابك

ياما ترددت مدري كيف بشرح لك
أجيك وارجع. .أبيك تقول وش جابك

يابن الأوادم ترى مليت ألمح لك
أنا أعزك. .وأحبك. .وأعشق ترابك
للاستماع



http://www.al7an.com/ar/song-41163.ram




سؤال


لا تكدر خاطرك ضيقة حبيبك يوم قال..
أيه أحبك يابعدهم .. بس أنا وين أغدي..؟؟
.
ضيقتي ما هي بس اليوم يابنت الحلال ..
ضيقتي لها ثلاث سنين تاكل من يدي ..
.
ضيقتي مافي وفاها يابعد عمري جدال ..
كل ليلة تبسط يديها وتفرش مرقدي ..
.
ودي اسكت بس اعرف الحظ لا من مال مال ..
لي متى والصمت ينهش في ضلوعي وجسدي ..
.
شوفة عيونك .. هموم وضيق خلق وقل حال ..
وش اسوي دام حظي يابعد عمري ردي ..



للاستماع

http://www.al7an.com/ar/song-41174.ram






سحابه

حبي لهـا لـوأدري ان فيـه مخلـوق
قدّ حبّ مثلـه .. قلـت : "ياللغرابـه"
هالآدمي من وين له قلـب وعـروق؟!
والصبر هالمسكين مـن ويـن جابـه؟

وأنـا أتكلّـم .. ردّت عيونهـا فــوق
ثم تمتمت : من هي هالأكثر رحابـه؟؟

قلت ويدينـي تحتضنهـا مثـل طـوق
فـي ذمتـي ماشفـت غيـرك سحابـه


للاستماع لاجمل قصيده

http://www.al7an.com/ar/song-41172.ram






سكة الذكرى الحزينه

مرني طيفك..وطيفك صاحبي ما أدري عدوي؟!
جايبٍ صوتك..وصوتك سكة الذكرى الحزينه

قال: انا جوي تكدر..قلت:ماهو كثر جوي
قال:فرقانا غبينه..قلت: واكثر من غبينه


للاستماع

http://www.al7an.com/ar/song-41173.ram







صلاة وعناقيد

عدّى عمر .. ياليت الأعمار تنعـاد
وأرجع بـلا شيـب وبليـا تجاعيـد

أرجع وأضم أبوي وأقـول: لا عـاد
تموت وتتركنـي مثـل ليلـة العيـد

يوم اسألوا عنك الصبايا والاولا
وقلت ان أميّ تقول مسافر بعيد

بكيت ليلتها وناديت .../..مافاد
وظليت اصوت.... لك .....الخ



للاستماع

http://www.al7an.com/ar/song-41164.ram





عين بدويّ

يا الحقيقه في الزمان الممتلي كذب ورياء
مابقى لي غير كلمه قبل ما الصوت يهوي

أقسم برب البروق اللي كما مبسم هيا إنك اغلى من بكور الوسم في عين بدوي ...


للاستماع

http://www.al7an.com/ar/song-41162.ram


مشاوير

ياقلب طالت قسوتك وأنت ليّن ..
في قسوتك /.. ياقلب ..وش أنت لاقيّ !!


للاستماع

http://www.al7an.com/ar/song-41171.ram


التفاصيل الصغيره


أدري فيك تموت فيني
وأنا ميت من برودك
لي متى وانتا تبيني
وماتحسني بوجودك
ايه ... حسسني بوجودك
لمّ صوتي
بعثر حكاية سكوتي
لاتخلي الحب يفقد همسك العذب ويمووت
قل احبك ..
قل احبك بأعلى صوت
انا مليت السكوت
*
ياإبتسامة قلبي ولهفة حنينه
ياشقاه وياحنانه
يابعد كل المسافات الحزينه
معك امانه
الدروب اللي مشينا .. لاتضيع وتغترب
بالتفاصيل الصغيره
نقدر نعيش ونحب



للاستماع

http://www.al7an.com/ar/song-41169.ram

[جذور...الغلا]

موضوع راااااااااااااااااااااااااائع

من الناحية التنسـيـق والمحتوى


فهد المساااعد من الشعراء المميزين .... تروق لي اشعااااره




جهد تشكـــــــرين عليه بحراره

[مغادر الحياة]

شكرا لك على هذا الاختيار من الباقات
فهد المساعد شاعر استطاع ان يقول كلمته المسموعه في الشعر
جميل شعر هذا الشاعر

عرفته من قبل اكثر من 10 سنوات عندما كان صغيرا
ماروع شعره

[هذيان]

مسهراجفاني ... !

الشكر لك ... !

و الإبداع تقاسمتيه مع المساعد ... !

[سمية السلمي]

جذور الغلا يسلملي قلبك

اشكرك على مرورك

[سمية السلمي]

مغادر الحياه

العفوا اخوي تسلم على المرور

[سمية السلمي]

هذيان .. اشكرك على الاطراء

وتسلم على المرور

[يــ<ـق لـ&ـا]

روعه ياعسسسسل تسلمييييين