جامعة الملك عبدالله للعلوم والتقنية ....

[seham alwead]

مشكورين على مشاعركم الطيبة .. بس هل اللغة الانجليزية بتكون شرط اساسي للقبول ولا زى باقي الجامعات تقبل وبعدين تجيب اختبار اللغة وهل اختبار ستيب يكفي عن التوفل العالمي ولا لا.. ياريت يا استاذ عماد توضح هل بيكون فيه قاعة خاصة للبنات ولا كيف لانه انا بصراحة خايفة من حكاية الاختلاط لانه وضع جديد على ويمكن الوالد يتحفظ عليه فابغى اعرف عشان اقدر ارد عليه في حال طلب مني توضيح (لانه جوابه لى لما حاولت اقدم على بعثة للخارج قدمي في جامعة عبدالعزيز كلها بنات واقرب ونفس الشهادة )..لان موقع الجامعة بعيد جدا عن مكان سكني.
وكمان انا في موقف لا احسد عليه لانه المكان اللى كنت اشتغل فيه راح يجددون معاى العقد ان شاء الله في بداية شهر 10 وهو موعد بداية دراسة الماستر بالجامعة واخاف ما يوافقون على دراستي...
يمكن البعض بيقول هذى فرصة وانا معاكم بس انك تضمن وظيفة كمان فرصة ماراح تتعوض خاصة في زمن شح الوظائف وارتفاع البطالة.. انا بصرااحة محتاره لو كنتوا في مكانى كيف تتصرفون ؟؟؟