بطاقة الصراف انسحبت !!

[meno-chan]

السلام عليكم

يا جماعه انا رحت الصراف و دخلت البطاقه و دخلت الرقم صح
و اخترت المبلغ ..يوم جيت استنى الفلوس تطلع انسحبت بطاقتي ولا رضيت تطلع
مو عارفه ليش

ايش السالفه؟
و اذا ابي اراجع لازم سامبا الجامعه ؟ لاني ماقدر عندي دوام من سبعه الصبح لين اربعه العصر
حلوني

و شكرا

[(( محمد ))]

وعليكم السلام ورحمة الله وبركاته
إذا كان أنتهى تاريخها راجعي العمادة - قسم شئون المكافأت تلقين الجديده
إذا كان عطل في جهاز الصراف وسحب البطاقه راجعي سامبا الفرع الرئيسي ( جدة - حي الرويس )

كيف تعرفين إذا انتهت البطاقه اولى ؟
- على البطاقه تاريخ , إذا ناسيه تاريخ بطاقتك اسألي زميلاتك إلي بنفس دفعتك عن التاريخ إلى على بطائقهم

الله يوفقك

[(( محمد ))]

رقم سامبا لو حابه تتصلي بهم
8001242000

لو متصله من خارج المملكة او من الجوال

014797400

[الخلوق]

بطايق الطلاب إذا انسحبت تجي لسامبا فرع الجامعة ..... لأن كل بطاقة انسحبت يودونها للفرع الذي أصدرت منه ، وبطاقة الطالب الجامعي ترجع لفرع الجامعه ............... أنا قد انسحبت بطاقتي في مكة وجابوها لفرع الجامعه ما ودوها فرع مكه وخلال أسبوعين تقريبا وصلت البطاقة لفرع الجامعه وراجعتهم وأخذتها

[(( محمد ))]

المشاركة الأصلية كتبت بواسطة الخلوق بطايق الطلاب إذا انسحبت تجي لسامبا فرع الجامعة .....

أرى أن هذا الرأي أصح من رأي

مشكور أخوي

والله يعينك يا أختي

[مداوي الجروح]

لو كملتي سنتين معناته انتهت وتروحي لقسم المكافئات يطلعولك غيرها

[meno-chan]

محمد
الخلوق
مداوي الجروح

يعطيكم الف عافيه ..افدتوني كثير