ماذا استفدتـ/ي من السنة التحضيرية؟؟

[RHF]

اخت زمرد عجبني كلامك

لاكن حابة اتفلسف شوية ،،

انا عن نفسي نفس فكرة التحضيري ( انو كل واحد يدخل التخصص حسب معدلو و كدا )
لمن دحين مو مقتنعة بالشي دا

انا مقتنعة انو كل واحد يدخل التخصص اللي يبغاه و يبدع فيه ،،
اما انو يدخل تخصص حسب نتايجو ف مواد عامة مالها داعي

بالنسبة ليا انا استفدت من التحضيرية ف ايه ؟؟

دوبي لاحظت انو بسبب التحضيري : ، الحمدولله اني ما استعجلت و دخلت تخصص طبي < كنت رايحة مكة
الآن انا على مر الايام ف السنة دي ، اكتشفت اني ابغا (ادارة واقتصاد )

يعني احتجت لوقت عبال استنتج انو دا الشي ينفعلي اكتر من داك و كدا يعني

بالنسبة للمواد ، انا دوبي اكتشف ، انو التحضيرية بسيطة للي يزاكر ،
ماهو شي تعجيزي يعني ،،

كلها اشياء درسناها ف السكول بالعربي ، ورجعنا اخدناها نفسها بالانقلش

وما ابا اقول انو غلط اخدناها بالانقلش بالعكس ،، الحياة كلها سايرة انقلش ، ودا شي صح ، احسن حاجة ف التحضيري انها انقلش ،

ممممممم على قولك زمرد ، اتعلمنا قيمة الوقت

وربي نجرررري ، جررررررررري جرررررررري هههههه

نبا نلحق ناكل و نسلم عالبنات ونحضر ونسأل الدكتورة مدري ايش
هههههه كل دا في زمن قياسي و قدرهو ههههههه


الانقليزي كان فعلن مضيعة للوقت ، ماهو الشي الخطير اللي اتعلمناه ،

كلها مبادئي عارفينها من المتوسط و السنوي ؟؟


لمن دحين حاسة انو التحضيري من ناحية المواد ما كان لها داعي ،،

لاكن اعتبرت انو حلو كان عندنا وقت اكتر ، اما نكتشف ميولنا الحقيقة ، اما نغيرها ، اما نزيد اقتناع بيها ،،


و شوكرا < لكم المايك