✿ نصآئح للطلبه المقبولين + والغير مرشحين ✿ { دعوهـ لطُلآب دفعه 11 ، تفضل أكتب نصيحتك}

[besho2009]

مررة شكرا ع الموضوع المفيد دا ..
ــــــــــــ

دفعة12
* من بداية السنة استخيروا وادعوا ربي يختارلكم الخير ..
وهوا سبحانه حييسرلكم اموركم ..

* حافظوا على صلاواتكم عشان ربنا يعطيكم اللي تتمنوه وادعوا دايمااا زي ماقلتلكم

* لاتسمعوا كلام الناس ابداااا وانطباعاتهم عن مادة مسلن او استاذ غير لمن انتو تجربوا بنفسكم ..

ساعتها احكموا ..

* ابعدوا عن المحبطين قدر الامكان لانو كلامهم راح يؤثر فيكم سلبا ..

* السنة التحضيرية يا انت حتتغلب عليها ولا هيا حتتغلب عليك ( انتا اختار )

* اثبت للكل انو انتا قدهااا وحط في بالك انا اقدر انا اسوي انا قددهاااا =)

وراح تكون قدها إن شاء الله ..

* حط في بالك في منافسة على التخصصات عشان تشد حيلك اكتر واكتر وترفع من عزيمتك :)

* الجامعة راح تعلمك اشياء كثيرة حط في بالك حتلاقي صعوبات في البداية اكييييد

بس راح تخرج بفوائد إن شاء الله

* ثابر وثابر اليييين ماتوصل ..

* اذا حسيت نفسك متضايق ومخنوق وتبا تسحب من الجامعة >> استعيذ بالله من الشيطان

واستخير لاتسوي شي منتا مقتنع بيه لانك راح تندم بعدين ..

* اسال اي شي منتا عارفو واستشير وخد واعطي وفي النهاية خد انتا القرار :)

واتذكروا احنا دايما موجودييين :)