ابغى استفسار ضروري من طالبات العلاج الطبيعي بخصوص الدكتورات

[صدى الأحلام]

السلام عليكم ورحمة الله وبركاته
كيفكم يا حلويين؟
بصراحة حابة اسألكم عن الدكاترة في قسمكم( العلاج الطبيعي) واتمنى انكم تجاوبوني بكل صراحة بصراحة يا بنات لانو انا عندي ظرووف خاصة فياليت تتفاعلو معايا وتفرجولي همي الله يفرج همكم ياارب . الاسئلة الي بدي اسالكم هيا دي الاسئلة:
1) هل الدكاترة كويسين من ناحية الشرح؟
2) هل الدكاترة يعذروكم يوم ما يكون عندكم اختبارات يعني يراعو ظروفكم مثلا لو وحدة حصلها ظرف وما قدرت تذاكر وزي كدا؟
3) من فين تذاكروا ؟ هل من الكتب ام من السلايدات ؟ ومن. فين تتحصلو عايها؟
اخر سؤااااااااال: كيف القسم حلو وممتع ولا مو كتيير؟ وهل من اول سنة تخصص تروحو المستشفى ؟
يمكن تقولو اسئلتي غبية ومالها داعي بس فعلا انا احتاج ردوووووودكم ضروووري لانو زي ما قلتلكم عندي ظروووف خاصة .. لا تنسوني من دعواتكم
موفقييييييين يارب

[weddah]

وعليكم السلام ورحمة الله وبركاته
يا هلا فيكِ أختي


الدكاترة كويسين اغلبهم في الشرح وممتازين

مادري اش قصدك ثاني سؤال يعني الاختبار محد يراعي فيه بس لو فيه عذر وما حضرت البنت الاختبار وقبلت الدكتورة العذر ممكن تختبرها بعد كذا

نذاكر من ملازم يعطونا هي الدكاترة بداية السنة او بعض الدكاترة كل محاضرة تاخذيها بيومها وبعض المواد من سلايدات

القسم مره حلو وممتع وكل ما نتعلم شي جديد يصير يحمس أكثر وننزل المستشفى سنة ثالث

ربي يوفقك ويساعدك

واي سؤال اتفضلي

[صدى الأحلام]

مشكوووووورة اختي الله يعطيكي العافية .
بس عندي كمان سؤال كيف اختباراتكم المعامل يعني انا الي اعرفو انو ما عندكم غير وحدة مادة تشريح طيب يعني المعامل ايش تاخذو فيها ؟
اسفة اختي ع الاطالة ولا تنزعجي من اسئلتي
ربي يوفقكم ..

[JoudY]

المشاركة الأصلية كتبت بواسطة صدى الأحلام مشكوووووورة اختي الله يعطيكي العافية . بس عندي كمان سؤال كيف اختباراتكم المعامل يعني انا الي اعرفو انو ما عندكم غير وحدة مادة تشريح طيب يعني المعامل ايش تاخذو فيها ؟ اسفة اختي ع الاطالة ولا تنزعجي من اسئلتي ربي يوفقكم ..

وددهـ معليش حرد عليها

بالنسبه للتشريح رديت عليك في الموضوع التاني اللي سالتي فيه

وبعدين مو بس التشريح لووه معمل

عندنا لابات لكل مواد التخصص والفسيولوجي كمان

واختبار اللاب تبع مواد التخصص بيكون في اخر السنه بعد ما نختبر النظري نختبر العملي في نفس اليوم وكل بنتين يخشو سوا يختبرو وكل وحدة تسحب ورقه واحيان يكون في سؤالين او سؤال في الورقه
وعاد انتي وحظك احيان يجي سؤال تافه واحيان يجي شويا فيلو عك


واحيان بعض الدكتورات يعملولنا كويز صغير في العملي ع نهايه الترم قبل الاختبارات كدرجات نشاط

[Mecooo]

بس احوب اضيف عـ كلام اخواتي ودده و جودي

انو دكاتره العلاج الطبيعي كلهم ماشاء الله تمام و يتفهمو و يراعو من ناحية الغياب كتير

بس احنا كنا نتعب مع دكتورات قسم الفيسولوجي و البايوكميستري من ناحية الشرح
يعني لازم الا ما تجي كم دكتوره ما تشرح زي الناس