سؤال لطلاب وطالبات قسم القانون

[loletaaaaa]

السلام عليكم كيف حالكم
اتمنا تفيدوني عن تلاته مواد فقسمكم
كيف صعوبتها وسهولتها ومع مين اسهل شي
لانو ابا انزل وحده منها اختياريه حسب ارائكم لانكم درستوها وتعرفو فالقانون احسن مني :$
القانون البحري والجوي bl313
العقود المدنيه bl323
قانون دولي عام ومنظمات bl350

انا الي اتحمستلها عقود مدنيه

[عاطل بس دافور في القانون]

المشاركة الأصلية كتبت بواسطة loletaaaaa السلام عليكم كيف حالكم اتمنا تفيدوني عن تلاته مواد فقسمكم كيف صعوبتها وسهولتها ومع مين اسهل شي لانو ابا انزل وحده منها اختياريه حسب ارائكم لانكم درستوها وتعرفو فالقانون احسن مني :$ القانون البحري والجوي bl313 العقود المدنيه bl323 قانون دولي عام ومنظمات bl350 انا الي اتحمستلها عقود مدنيه

يا أهلا وسهلا بأختنا الغالية لوليتا ...
أول شئ القانون البحري والجوي أنا ما أخذتها قبل كده بس باين من اسمها إنو شكلها حلو
ثاني شئ العقود المدنية جدا جدا ممتعة وحلوة وسهلة وهي بتتكلم في الأساس عن البيع والايجار
>> ما أعتقد إنك ما بتعرفي عن البيع والايجار
ثالث شئ القانون الدولي العام أنا أخذتها من أول بس مدري اش هوا المنهج بس اذا لقيتي
اسم يوسف العمري خذيها عندو على طول
يا ليت أكون أفدتك
مع التحــــــــــــــيه

[loletaaaaa]

شكرااااا عالرد
:d
عقود مدنيه اصلا مره اتحمستلها من اسمها وانا مااعرف شي عنها ومدامها بيع وايجار كويس ان شالله سهله
بس الماده نازله فمبنى شبكات
يعني حتكون مع دكتور كيف الدكاتره حقونها كويسين ؟

[عاطل بس دافور في القانون]

المشاركة الأصلية كتبت بواسطة loletaaaaa شكرااااا عالرد :d عقود مدنيه اصلا مره اتحمستلها من اسمها وانا مااعرف شي عنها ومدامها بيع وايجار كويس ان شالله سهله بس الماده نازله فمبنى شبكات يعني حتكون مع دكتور كيف الدكاتره حقونها كويسين ؟

بالنسبة لدكاترة العقود المدنية أنا في رأيي أحسن وأفضل وأروع دكتور
ممكن تدرسي معاه المادة دي هوا الدكتور القدير محمد العثمان
ودحين في دكتور جديد اسمه جمال عبدالرحمن يقولوا انو كويس
بس أنا في رأيي أهم شئ إنو المادة سهلة بغض النظر عن الدكتور
مع التحـــــــــــــيه

[loletaaaaa]

اخر سؤال :-#
ايش اسم الكتاب المقرر والمؤلفين عشان اروح جرير افرو شويه قبل لاانزل الماده
مع اني خلاص ان شالله 90 % حاخدها :)
بس برضو احب قبل لاانزل ماده اشوف منهجها وخصوصا انها اختياريه

اخالفك الراي فنقطه اهم شي الماده سهله
لانو احيان مواد مره سهلـــــــــــــــه ويجيك دكتور او دكتوره قلق ويجيبو اساله مره صعبه
بس مدام الاتنين الي بيدو الماده كويسين ان شالله اخدها الترم الجاي

[عاطل بس دافور في القانون]

المشاركة الأصلية كتبت بواسطة loletaaaaa اخر سؤال :-# ايش اسم الكتاب المقرر والمؤلفين عشان اروح جرير افرو شويه قبل لاانزل الماده مع اني خلاص ان شالله 90 % حاخدها :) بس برضو احب قبل لاانزل ماده اشوف منهجها وخصوصا انها اختياريه فكرة كويسه إنك تشوفي المنهج أول عشان إذا ما عجبك أو شفتي المادة صعبة ما تاخذيها >> ماشاء الله عليكي اللهم لا حسد طيب على الأقل خلصي المواد اللي عندك أول >>> والله والله إني ماسك خشبة جمبي >> ترا أنا صايم يعني صادق المنهج اللي درسته هوا مذكرة إسمها الوجيز في العقود المدنية للدكتور جعفر الفضلي اخالفك الراي فنقطه اهم شي الماده سهله لانو احيان مواد مره سهلـــــــــــــــه ويجيك دكتور او دكتوره قلق ويجيبو اساله مره صعبه بس مدام الاتنين الي بيدو الماده كويسين ان شالله اخدها الترم الجاي بالعكس ترا أنا معاكي في الرأي ، أنا أشوف إنو إختيار الدكتور أهم من إختيار المادة نفسها بس بالنسبة للمادة دي أنا شايفها سهلة وبصفة عامة الدكاترة كويسين بس أهم شئ إنك تذاكري أول بأول معاهم وحطي أول إختيار لكي العثمان ثم جمال ثم أيمن

مع التحـــــــــــــــيه

[loletaaaaa]

ههههههههههه
ايوا صح دايما كنت تحسدني بس كان على مشاركات شي مو مهم بس دحين مستقبلي :p:p:p

تقبل الله ياااارب

مو انت عارف الجامعه الغريبه دي الين دحين مانزلو الجداول حقت الاختبار ونزلو الشعب بس بدون اسماء وانا احب ارتب نفسي من بدرييييي

عشان اول ماايفتحو حدف واضافه هجووووووووووووم:d
ومره شكرااا الله يسعدك على رودوك السريعه
انا اليوم حشوف الوجيز في العقود المدنيه من جرير افرفرو لو لقيتو حلو حتم واخد الماده
وان شالله ادعيلك عالفطور ;)

[قانونيه]

هلا لوليتا ..

عقود مدنيه كويسه جدا مع الدكتور محمد العثمان.. ودا الترم نازله مع ايمن سليم والبنات بيولولو معاه..

قانون دولي عام ماده دسمه جداا حرام ماتنفع لانك ماخدتها اختياري..

والقانون البحري والجوي ماعندنا كلنا اي فكره عنو لانو الترم الجاي حتنزل يعني جديده ..

بس نصيحه لوجه الله لو انا منك كماده اختياريه مااخد من قسم القانون لانو موو سهل بالاضافه حسب حظك مع اي دكتور

حتنزل الماده..

والله يوفقك

[loletaaaaa]

قانونيه:s
يعني عقود قانونيه لا :(
انا احب القانون مره عشان كده نفسي اخد من قسمكم شي ومالي رغبه فمحاسبه ولا مواد من قسمنا والسياسه بيقولو صعبه سارت مع امل عرب كانت سهله ودحين صعبتها
مابقي قدامي الا قانون
واقتصاد فقلت الجاي قانون والي بعدو اقتصاد
بس والله حيرتيني دحين اجل استنا الين ماينزلو الشعب واخلي خيار تاني جنبها ازا طلعت مع ايمن سليم مااخدها

قانون بحري ان شالله لمن تاخدوها اشوف مو على قولك حرام ماده اختياريه والواحد يتعب فيها مع انو كلو تعب فالاخير
بس برضو نفسي اجيب فيها درجه حلوه

الله يسعدك ومره شكرا على مرورك افادني كتير

[Amo0o0ol]

أختي لوليتا أنا باخد قانون دولي مع دكتورة نجاة
المادة مره سهلة معاها لو أخدتيها ماراح تندمي أبدا..موفقة يارب