مشهــد اختبــار ! سـؤال لو سمحـتو

[مالي خلق]

سسـلام عليـكم

مسـآكم اللـه بالخيـر واحـد واحـد

يطـولي بعمـركم شبـاب

اليـوم وانـا مـداوم وقـاعد بالمكتـب

جـت علـى بـآلي الاختبـآرات وقمـت اتفلسـف على العيـال في المكتب

شـوي قـلت لهم انـا عنـدي اجـازه وقت الاختبـآرات

قـالو وين وين على كيفـك الدعـوه حسبـالك بتـاخذ اجـازه من البـاب للطـاقه

تقولهم عنـدي اختبـارات ويقولون لـك رح اختـبر واعتبر نفسـك باجأزه

شـوي الا يقـولون لازم تجيـب مشهـد انـك تختـبر

اللـحين انـا ادرس انتسـاب اول سنـه لي

وموضـف

كيـف اجيـب مشـهد اختبـار اني اختبـر علشـان يعطوني اجـازه

وانـا من الرياض هل لازم اروح للجامعه بجده ؟؟

ولا وش السـالفه

اللـي عنـده خبـر او اي فكـره عن الشي هـآذا بالللـه يفيدنـا الله لا يهينـه

وربي يطـول بـأعمـآركم

ويوفقكم جميـع

(:

[خجلانه]

دام مالك خلق اجل بتبطي عظم

هههه
آسفه بس ما عندي فكره << طيب وش جابك يا بنت

بالتوفيق

[مالي خلق]

(:


لا خـلاص صـآر لي خلـق شـربت كـآس مـوكـآ وروقت

وقاعد اقـلب الملخصـات وحده ورى الثـانيه

حـآولت افهـم بس مـآنفع


شبـاب اللي عنـده خبـر لا يبـخل علينـا


مـابقـى شي على الاختبـآرات


والوقـت يمشـي بسـرعه




.

[انتساب222]

المشهد تطلبه من الجامعه بعد الاختبارات وتقدمه لجهة عملك ...
لكن اهم شيء انك اخذت الموافقه من جهة عملك على الدراسه ..

[مالي خلق]

لا واللـه مـاأخـذت

علـى طول قـدمت ومـآدريت عن العمـل

اصــلاً اليوم استـغربت يــوم قـآلو لي مشـهد اختبـآر


قمـت حكيـت راسي وقـلت مـآلي غير منتـدى الجـآمعه يمكن احـد مـر بحـآلتي قبـلي

طيـب يعنـي لازم اروح للجـآمعه بـجده ااذا طلبـته ؟

انـآ بـآختبر بمعهد العـآلميـه

[انتساب222]

المشهد امره بسيط لكن لازم تاخذ موافقة جهة العمل لان اذا مااخذت الموافقه ماراح يقبلون منك المشهد ...
الموافقه شرط اساسي من شروط الجامعه وراح يطلبونه منك اذا طلبت المشهد ..

[مالي خلق]

اللـه يستـر لا يعكـر مـزاجي مـديـرنـآ ويقـول تـوك تـآخذ رأيي

يوم جـت الاختبـآرات


شـكراً شكـراً لـك يـآمنتسـب

واللـه يوفقـك ويزوجك (؛



ويـوفقنـآ جميـع


من وين طلـع لي هاذا المشـهد

كـنت قلقـآن مع الاختبـآرات

جـآني قلق ثـآني