ما دريت إلا عيونـي أربـع أربـع يذرفـون ..

[Aowedh Alsolmi]

بسم الله الرحمن الرحيم

قــريت القصه وحبيت أطرحها لكـــم

وان شاء الله تعجبكم

قصة فتـــاهـ كانت تطالع واحد بعين قويه المهم

الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟

.
.
كل شبر بهالوسعيـه ملـك ربـي تعلميـن
وأعلم إن اللي خلقني هو خلق لـك هالعيـون


لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون


لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون


ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون


الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون


تعرفينـي ؟! أعرفـك ؟! ماأذكـر إنــا ملتقـيـن
لا أعرفك من تكوني و لا تعرفي مـن أكـون


وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون


مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون


وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون


وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون


بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون


ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون


وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون


إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون


لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون


آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون


قلت سنّـة هالحيـاة وحـن ترانـا مؤمنيـن
الله اللـي مسيّرنّـا بيـن كافـ وبيـن نــون


وكل أبونا نختلف مع إننا مـن أصـل طيـن
سبحان يلي مصورنا ولله في خلقـه شـؤون


يعني حنا كل أبونـا عـاد إسمنـا بنادميـن
وليا قضى ربك أمر وقـال لـه كـن فيكـون


فينـا يلـي رازقه خيـر رب العالمـيـن
وفينا يلي هو لعطفه بحاجة القلـب الحنـون


وفينا يلي مـا شكـى مـن علـةٍ كالآخريـن
صـمٌ و بكـمٌ و عمـيٌ فـهـم لا يفقـهـون


بس قليل عـاد فينـا للنعـم هـم شاكريـن
والله يرزق هالخلايق من حيث هم لا يعلمون


وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون


يالكفيفه يالعفيفه إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟
.
.

تعليقي : اساءة الضن والتسرع بالحكم على الأخرين صفه ليست جميله وراح نندم عليها مثل شاعرنا ..


تحيتيـ ..

[موت اهواك]

.. كلمــآتـو مؤثـرهـ .. وتعـوور القــلبـ ..

.. يعطــيكـ العــآأإفـية اخووي ع الاختــيــآآر الراائع ..

.. دمـــتـ ..

[سنفورة موت]

^^


انا قد قريتها جاءتني على ايميلي

بكيت منها


ربي يسعدك يااخوي روعه هالقصه

^^

[tota7]

يا الله مررره أليمه

المشاركة الأصلية كتبت بواسطة طالب منكوب تعليقي : اساءة الضن والتسرع بالحكم على الأخرين صفه ليست جميله وراح نندم عليها مثل شاعرنا ..

^^^
فعلا ياخوي صدقت !!
سلمت اناملك على نقلك المتميز
لامست احساسي بالحيل
ربي يسعدك

[آثير جدة]

كلمات جميله ورائعه

[Aowedh Alsolmi]

المشاركة الأصلية كتبت بواسطة موت اهواك .. كلمــآتـو مؤثـرهـ .. وتعـوور القــلبـ .. .. يعطــيكـ العــآأإفـية اخووي ع الاختــيــآآر الراائع .. .. دمـــتـ ..

الله يعافيك , شكراً جزيلا على مرورك ..

تحيتيـ ..