كيف اسحب ملفي نهائي .

[قلم ازرق]

بسم الله الرحمن الرحيم

السلام عليكم ورحمة الله وبركاته

صباح الخير على الجميع .

حبيت اسأل كيف اقدر اسحب ملفي نهائي ؟؟

وهذا ثاني فصل ليه .

مع العلم اني مسدد الرسوم من اسبوع عن طريق الصراف .. كم الملبغ الي راح يخصموه عليه ؟

سؤال اخر.. بالنسبه لسنة 09 اختيار الكليه يكون عن طريق المعدل بالثانوي ؟ او المعدل الجامعي؟

انا اتصلت عليهم كثير لكن مافي احد يرد ولا كل واحد يحولني ولخبطه.

وانتم ماتقصرون ويعطيكم الله الف عافيه

[العلم والعالم]

سحب الملف يكون عن طريق العمادة لكن ياليتكـ تواصل أفضل مجرد فكره ورأي وأنت في الخيار

أما المبلغ اللي يرجع فهذا الرابط يفيدك

http://community.kau.edu.sa/content....ng=AR&cid=1510

أما المعدل المعترف به هو المعدل الجامعي وليس الثانوي

[قلم ازرق]

ماشاء الله تبارك الله ..

شكرا لك اخوي ع الرد السريع ..

ان شاء الله ماعليك بواصل لكن هي ظروف وفكره .. وربك يكتب الي فيه الخير

الرابط اخوي مايفتح معي

[العلم والعالم]

تفضل الشروط

شروط الإنسحاب من البرنامج
اللائحة المالية:


1- إذا انسحب الطالب نهائياً من البرنامج قبل تاريخ بدء الفصل الدراسي تخصم نسبة 10% تكاليف إدارية.
2- إذا انسحب الطالب نهائياً من البرنامج في مدة أقصاها أسبوع من تاريخ بدء الفصل الدراسي تخصم نسبة 25% من التكاليف المقررة.
3- إذا انسحب الطالب نهائياً من البرنامج في مدة أقصاها أربعة أسابيع من تاريخ بدء الفصل الدراسي تخصم نسبة 50% من التكاليف المقررة.
4- لا يستحق الطالب أي نسبة بعد انتهاء الأسبوع الرابع من تاريخ بدء الفصل الدراسي.
5- إذا تقدم الطالب بطلب اعتذار عن الفصل الدراسي في الفترة المحددة للاعتذار ترحل له التكاليف الدراسية للفصل القادم.


للاستفسار :

للطلاب : تليفون 6951232 تحويله 204 - 203

للطالبات: تليفون 6952000 تحويله 26004 - 26329

[قلم ازرق]

الف شكر لك اخوي .. بس والله مايردون . على نفس الرقم ..

طيب انا لي اسبوع بالضبط مسدد يعني مايرجع لي شي ؟؟

[العلم والعالم]

والله يا أخي العزيز مثل ماشفت الشررروط يقولك ((من بداية الفصل الدراسي )) يعني ما قال من تاريخ سداد

الطالب للرسوم والفصل الدراسي هذا بدأ له أكثر من 3 شهور يعني اللي أفهمه من شرووطهم إن الله يخلف عليكـ

لذلك دام الفليسات رايحه رايحه ليش ما توكل على الله وتكمل هذا الفصل وتشوف لعل الوضع يتغير إن شاء الله وتراجع

عن قرارك

[قلم ازرق]

الا شايف ونا اخوك لكن حبيت اتأكدت اكثر ..


ومثل ماتفضلت دامها رايحه رايحه بنشوف لعل الله ييسرها يارب ..

لكن لابد اني امرهم واشوف كيف الوضع ..

اخيرا اخوي سليمان .. لا املك الا الدعاء لك على هذه المساعده .. والله يجزاك خير ويوفقك دنيا واخره ويصلح حالك واحوالك .. آمين يارب .

زجيل الشكر لشخصك الكريم .


دمت في حفظ الرحمن.

سلام عليكم

[العلم والعالم]

الله يباركـ فيك على الدعوه ولك بالمثل