سؤال عن مادة من قسم الماث..

[LeLou]

السلام عليكم و رحمة الله و بركاته..

أنا أبغى أسأل عن مادة من قسم الماث إللي هي 204..
قبل ما ينزل الحذف و الإضافة و عشاني فاضية اليوم ماما قالت لي لا تسوي شي عالفطور خخخ..

المهم أنا طالبة فيزياء و أخذت السمستر اللي فات ماث 202 و كانت حلوة و الحمد لله نجحت فيها بدرجة كويسة و كنت شايفتها سهلة..

و باقي لي من قسم الرياضيات 204 في بنات قالوا لي أنه الأفضل تاخذيها بعد 202 على طول..
هل المادة محتاجة تركيز كبير و لا كيف لأني لو أخذتها السمستر الجاي راح تعمل لي شوية ضغط..

و أنا مو ناوية أضغط على نفسي بعدد المواد و ناوية أتخرج بعد سمستر زيادة..
فلو ما أخذتها دحين حاخذها يمكن في المستوى السابع..
هل بالفعل المادة مرتبطة 202 و لازم آخذها بعدها مباشرة؟!

و مواد الفيزياء اللي حاخذها 3 مواد و البنات يقولوا لي حلوة و سهلة و حتنبسطي فيها..
بس فيزيا أكيد يبغالها تركيز..

فكيف 204 زي 202 و لا أصعب و لا أسهل و تنصحوني آخذها دحين و لا بعدين..
و مين أفضل الدكاترة اللي يعطوها..

أنا ما راح آخذ الكلام على أنه مسلم بيه بس أبغى أعرف وجهة نظر اللي أخذ المادة دي فيها..
و ما خاب من استشار،، و إن شاء الله راح أستخير..

و شكرًا مقدمًا..
و أعتذر على الإطالة~

اللهم أتم علينا رمضان بالغفران و العتق من النيران..

[أمــير الـــروح]

انا بفيدك بالي اعرفه
ماث 204 متطلبها ماث 202
واكيد انها بتعتمد عليها وهي عبارة عن معادلات تفاضلية وانا حسب ما سألت اكثر من شخص المادة دي مو سهلة
يعني متوسطة المستوى
لو نزلتيها وذاكرتيها اول باول رح تكون سهلة عليكي
اتمنى اني اكون افدتك ...

[LeLou]

المشاركة الأصلية كتبت بواسطة أمــير الـــروح انا بفيدك بالي اعرفه ماث 204 متطلبها ماث 202 واكيد انها بتعتمد عليها وهي عبارة عن معادلات تفاضلية وانا حسب ما سألت اكثر من شخص المادة دي مو سهلة يعني متوسطة المستوى لو نزلتيها وذاكرتيها اول باول رح تكون سهلة عليكي اتمنى اني اكون افدتك ...

جزاك الله خير ما قصرت..
أنا كنت أبغى أعرف مستوى صعوبتها بالنسبة 202 لأنه هي بصراحة كانت مو صعبة بس أنا كنت ظالمتها لأني كنت أركز أكثر على مواد تخصصي..
بس إذا متوسطة المستوى يكون كويس..

[أمــير الـــروح]

هي بالتاكيد اصعب من 202

[~..candy..~]

204 عشان اكون صادقه معاكي اصصعب من 202 بمرااااااااحل
يبغالها تركيز ومذاكره ومرتبطه بقوانين 202 نوعا ما صح تتكلم عن معادلات تفاضليه ومو زي 202 بس الافضل تاخذي بعدها على طول احنا احيانا كنا نرجع لدفتر 202 نراجع منه لانو في قوانين يبغالها حفظ من التفاضل والتكامل وتجي في اختبار المعادلات فلازم تكوني مراجعه الجزئيه اللي تقلكم عليها الاستاذه
واذا اخذتي 202 الترم اللي راح مع استاذه اسيا فلاتقيسي عليه 204 وتهمليه لانو استاذه اسيا مره تسهل المنهج
المعادلات والله جد يبغالها مذاكره وانك تحلي السكاشن بيدك
واختباراتها كانت تجي صعبه بس لو اانك متعوده على المذاكره يمشي حالك
انصحك ماتاخري الماده خذيها بعد 202 على طول

الله يووفقك

[LeLou]

المشاركة الأصلية كتبت بواسطة ~..candy..~ 204 عشان اكون صادقه معاكي اصصعب من 202 بمرااااااااحل يبغالها تركيز ومذاكره ومرتبطه بقوانين 202 نوعا ما صح تتكلم عن معادلات تفاضليه ومو زي 202 بس الافضل تاخذي بعدها على طول احنا احيانا كنا نرجع لدفتر 202 نراجع منه لانو في قوانين يبغالها حفظ من التفاضل والتكامل وتجي في اختبار المعادلات فلازم تكوني مراجعه الجزئيه اللي تقلكم عليها الاستاذه واذا اخذتي 202 الترم اللي راح مع استاذه اسيا فلاتقيسي عليه 204 وتهمليه لانو استاذه اسيا مره تسهل المنهج المعادلات والله جد يبغالها مذاكره وانك تحلي السكاشن بيدك واختباراتها كانت تجي صعبه بس لو اانك متعوده على المذاكره يمشي حالك انصحك ماتاخري الماده خذيها بعد 202 على طول الله يووفقك

جزاك الله خير كاندي..
أنا أخذت 202 مع استاذة غادة مطر..
صراحة أنا مو متعودة عالمذاكرة صراحة لعابة إلى حد ما،، خخخ..
بس شكلي حتوكل على ربنا و آخذها لانه إن شاء الله السمستر الجاي ما عندي معامل غير معمل الكيمياء 281..

السمستر اللي راح اللي كان مخليني ما أركز في شي المعامل كان عندي 3 معامل و كل معمل من 1 الى 4،، ثلاثة أيام في الأسبوع كنت أوصل البيت قريب الساعة 5،، ناهيك عن الريبورتات و الاختبارات في مواد الفيزياء كانوا جايبين أجلنا<< سوري قمت أحكي قصة حياتي..

بس إن شاء الله السمستر الجاي أكون في تفرغ أكثر و ححاول أني أبدأ صفحة جديدة مع المذاكرة خخخ..
و حشوف كيف الوضع أول أسبوعين أو 3 أسابيع و لو حسيت بضغط أو اني مضيعة حروح أحذفها طوالي..

بس كنت بسألك لا هنتي تنصحيني مع مين آخذها..
لأنه أغلب البنات مدحولي في استاذة نهلة..

و شكرًا مقدمًا و سامحيني تعبتك معايا~

[الخلوق]

المشاركة الأصلية كتبت بواسطة lelou السلام عليكم و رحمة الله و بركاته.. أنا أبغى أسأل عن مادة من قسم الماث إللي هي 204.. قبل ما ينزل الحذف و الإضافة و عشاني فاضية اليوم ماما قالت لي لا تسوي شي عالفطور خخخ.. المهم أنا طالبة فيزياء و أخذت السمستر اللي فات ماث 202 و كانت حلوة و الحمد لله نجحت فيها بدرجة كويسة و كنت شايفتها سهلة.. و باقي لي من قسم الرياضيات 204 في بنات قالوا لي أنه الأفضل تاخذيها بعد 202 على طول.. هل المادة محتاجة تركيز كبير و لا كيف لأني لو أخذتها السمستر الجاي راح تعمل لي شوية ضغط.. و أنا مو ناوية أضغط على نفسي بعدد المواد و ناوية أتخرج بعد سمستر زيادة.. فلو ما أخذتها دحين حاخذها يمكن في المستوى السابع.. هل بالفعل المادة مرتبطة 202 و لازم آخذها بعدها مباشرة؟! و مواد الفيزياء اللي حاخذها 3 مواد و البنات يقولوا لي حلوة و سهلة و حتنبسطي فيها.. بس فيزيا أكيد يبغالها تركيز.. فكيف 204 زي 202 و لا أصعب و لا أسهل و تنصحوني آخذها دحين و لا بعدين.. و مين أفضل الدكاترة اللي يعطوها.. أنا ما راح آخذ الكلام على أنه مسلم بيه بس أبغى أعرف وجهة نظر اللي أخذ المادة دي فيها.. و ما خاب من استشار،، و إن شاء الله راح أستخير.. و شكرًا مقدمًا.. و أعتذر على الإطالة~ اللهم أتم علينا رمضان بالغفران و العتق من النيران..

وعليكم السلام ورحمة الله وبركاته

حياك الله أختي

-من ناحية سؤالكي هل المادة مرتبطة بـ 202 ؟

نعم المادة مرتبطة بها بشكل كبييير وخاصة في أبواب التكامل واحتفظي بأوراقك وملازمك حقت 202 لأنك راح ترجعين لها


-المادة يبغالها شغل وممارسه أكثر من 202 ويبغالها مذاكره أول بأول ، 202 ما تسمى شي عند هذي الماده


وبإمكانك تشوفين المنهج (السلابلس) حق المادة حق السنة الماضيه (تلقينه في المكتبه إذا ما ضيعوه)وتشوفين مواضيع الدروس

[جالكسي22]

اهليين بيكي ي عسسوولة
ماقصروو معاكي مآشآءالله وماعندي شي ازييدو ع كلآمهم غير اني أأكد لك مدى صعوووبتها بسس لوو ذاكرتيها اول بأوول ان شآءالله حتمشي فيها..
وخووديها مع أ: نهلة مرررره كووويسسه
وربي يوووفقكـ يآآآرب ♥ ..

[~..candy..~]

لا ان شاء الله بتذاكري انتبهي لا تجيبي العيد

انا كمان انصحك مع نهله مششالله شرحها حلووو الله يووفقك

[LeLou]

المشاركة الأصلية كتبت بواسطة الخلوق وعليكم السلام ورحمة الله وبركاته حياك الله أختي -من ناحية سؤالكي هل المادة مرتبطة بـ 202 ؟ نعم المادة مرتبطة بها بشكل كبييير وخاصة في أبواب التكامل واحتفظي بأوراقك وملازمك حقت 202 لأنك راح ترجعين لها -المادة يبغالها شغل وممارسه أكثر من 202 ويبغالها مذاكره أول بأول ، 202 ما تسمى شي عند هذي الماده وبإمكانك تشوفين المنهج (السلابلس) حق المادة حق السنة الماضيه (تلقينه في المكتبه إذا ما ضيعوه)وتشوفين مواضيع الدروس

جزاك الله خير..
الحمد لله أنا محتفظة بكل شي ما رميت و لا وزعت حاجة..
إن شاء الله أشوف السلابلس ممكن أدور عليه مع البنات لأني ما أظن ألقاه في المكتبة..

المشاركة الأصلية كتبت بواسطة جالكسي22 اهليين بيكي ي عسسوولة ماقصروو معاكي مآشآءالله وماعندي شي ازييدو ع كلآمهم غير اني أأكد لك مدى صعوووبتها بسس لوو ذاكرتيها اول بأوول ان شآءالله حتمشي فيها.. وخووديها مع أ: نهلة مرررره كووويسسه وربي يوووفقكـ يآآآرب ♥ ..

يعطيك العافية،، بس صراحة خوفتوني الكل يقول أنها صعبة..
أنا كنت أبغى آخذها صيفي بس طلع مافي 204 في الصيف السنة هذي..
المشكلة أنا ما أبغى معدلي ينزل لأني لسا مستوى رابع بالعكس أبغى أرفعه قبل فوات الأوان..

المشاركة الأصلية كتبت بواسطة ~..candy..~ لا ان شاء الله بتذاكري انتبهي لا تجيبي العيد انا كمان انصحك مع نهله مششالله شرحها حلووو الله يووفقك

إن شاء الله بذاكر و بشد حيلي هذا إذا أخذتها..
لأني بصراحة من جد صرت محتارة بموضوع المادة دي..
و من جد خفت تكون صعبة جدًا و معدلي ينزل بس السمستر الجاي هو أسهل سمستر بالخطة الدراسية..
و أحس صعب آخذها عالتخرج حيكون الماث كله اتبخر من راسي..
من جد ماني عارفة،، أنا بستخير و من هنا لما أول السنة ربنا يجيب اللي فيه الخير..
//
و شكرًا جدًا جدًا لكل من رد علي..
الله يتقبل منكم صيامكم و قيامكم..