بعض الاسئلة عن التعليم عن بعد

[الجوهرة11]

السلام عليكم ورحمة الله وبركاته

كل سنه وانتم طيبين

عندي اسئلة وياليت احصل عندكم الاجابات الوافيه

كم رسوم التعليم عن بعد

وقت المحاضرات محدد لكم او تختارون الوقت المناسب

ويعني تبدا عادة من الساعة كم الين متى

قصدي المحاضرات صباحيه ؟اقصى حصه الساعة كم واول حصه متى تبدأ تقريبا

ومحاضراتكم زينا الانتساب سنترا والا فيه اختلاف عن السنترا

وشكرا مقدما.

[بنت عبده]

للرفع

[طيف }..]

وعليكم السلام ورحمة الله وبركاته
وأنتي بخير وصحة وسلامه

رسوم التعليم عن بعد 3000لكل ترم
وقت المحاضرات محدد مسائي من 4 العصر إلى10 اقصى شيء
وعلى حسب جدولك يعني يمكن يوم تخلصي الساعه 8مو شرط كل يوم 10

المحاضرات المباشره أوالمسجله حتكون في السنترا
بالاضافه للايميس اللي حيكون فيه المنهج الإلكتروني والواجبات
والاختبارات الدوريه والبريد للتواصل مع الأساتذه

موفقه

[الجوهرة11]

الله يسعدكم يارب

طيف يعطيكي العافيه يارب ماقصرتي

طيب انا افكر احول تعليم عن بعد كيف اسهل من الانتساب

انا خايفه ماعرف لنظام ايميس هو لازم له برامج زي السنترا

والحضور اجباري ينقصو للي ماتحضر صحيح
طيب الانتساب محاضراتهم 3 اسابيع فقط كيف التعليم عن بعد
تستمر شهر مثلا!!


سوري طفشتك

اي احد عنده معلوم لايبخل علي

ربي يسلمكم جميعا

[طيف }..]

الله يعافيك ويسلمك
ماطفشتيني ولاشئ بالعكس

التعليم عن بعد مثل الانتظام بالضبط
الفرق انك حتضري المحاضرات وأنتي في بيتك:)
مايحتاج تروحي الجامعه إلا وقت الاختبارات النهائيه

مافي مقارنة بينه وبين الانتساب أبدا
الانتساب تعتمدي على نفسك في المذاكره وكل شيء
وماعندك غير 3أسابيع يكرفوكم فيها :)
ونهاية الترم تختبري وكل درجات السنة حتكون على الاختبار
يعني ياتصيب ياتخيب

عكس التعليم عن بعد محاضراتك حتحضريها أول بأول
ومافي شيء اسمه 3 أسابيع..طول السنة زي الانتظام لكن عن طريق النت
والايميس ممتع وسهل حسب مأقرات حتلقي فيه كل المواد
والاختبارات الدوريه راح تكون فيه
البرامج اللي يحتاج تحملينها الفلاش والجافا ومشغل السنترا
راح تلقين روابط تحميل البرامج في الموضوع المثبت
(قروب طلاب وطالبات السنة التحضيريه دفعه 12)وحمليها
وأنصحك تقرأي الموضوع بالكاامل عشان تعرفي كل ماهو متعلق بالتعليم عن بعد
حضور المحاضرات عن طريق النت إلزامي وعليه درجات وإذا تكرر غيابك في ماذه معينه يمكن تنحرمي منها..

وإذا قررتي التحويل لتعليم عن بعد راسلي الأستاذ عبدالفتاح المشاط على أيميله
أرسليله رقمك الجامعي وأطلبي التحويل

اعتذر إذا في أخطاء أملائيه داخله بإلجوال
وأي سؤال أنا حاضره
موفقه بإذن الله

[الجوهرة11]

روحي ياشيخه عسى الله يسعدك دنيا واخره على هذي الاجابات

الوافيه

ويوفقك يارب وين ماتروحي

[بنت عبده]

ابي أسالك :في تخصص علم اجتماع ولابس علم نفس؟؟
لأني ابي احول تعليم عن بعد

[Alwaleed Bin Omar]

السلام عليكم راجعي يا اختي بنت عبده هالرابط وراح تعرفي كل شي باذن الله :

http://prod.kau.edu.sa/admission/MAI...erv_1_3_9.aspx

وأتمنى اكون ساعدتك ... تقبلوا مروري

[بنت عبده]

مشكور اخوي الله يفرحك مثل مافرحتني