موضوع المقابله الشخصية التي أجريت لي البارحه

[spark]

والله أنا عملت المقابله في الرياض و عند موظف واحد فقط وأستمرت 43 دقيقة و الله ما فيها عربي إلا إسمي يوم نطقته و الباقي كله بالانجليزي والمقابلة كانت عامة وكل سالفة تسحب سالفه ..و طلع في النهاية إنه مشرف تربوي لمادة اللغة الانجليزية ومؤهله ماستر في اللغويات و أظرف سؤال في آخر المقابلة قال لي أنت متزوج قلت لا .. وضحك وقال وش تفضل تتزوج بواحده تتكلم اللغة الانجليزية والا لا ؟ وقلت أفضل إنها متخصصه لغة إنجليزية ( أجامل و مستحى ) و قال وش يكون مؤهلها ؟ وقلت ماستر و أعلى .. ضحك وقال ليش تقول ماستر علشان مؤهلي أنا ماستر وقلت لا لا أنا آسف والله مأقصد أي شئ و أرتبكت وقام يضحك و أبى يسكت من الضحك و قال على العموم إذا مؤهلها ماستر بتكون أفضل منك في اللغة الانجليزية والا لا وش رايك .. قلت أكيد أكيد بتكون أحسن مني و قال مبروووووووووووووك أجتزت المقابلة وإن شاء الله أجيك في الحصة و أشوف طلابك ناسين اللغة العربية وأنتهت المقابلة