ابغى اسأل عن بنك الدم عندنا

[Dr.Passed]

السلام عليكم ورحمه الله وبركاته ورضوانه
كيف حالكم..؟ وكيف صيامكم...؟


يا جماعه انا حابه اسأل عن التبرع عندنا في المستشفى. لازم الناس تاخود مواعيد طويـــــــله؟ وازا لأ كيف الموضوع يسير نروح نسحب من اول مره ويتأكدو انو كلو اوكي وبعد يومين الشخص ممكن يتبرع؟

ومن سن كم يبدأوو ياخدو؟ و الهيموجلوبين لازم يكون 12+ طبعا على ما اظن ؟؟

ايش وضعهم في رمضان؟

و لازم احد يوقع عن المتبرع؟ كيف الأمور هادي تسيـــــر
؟؟

ما اعرف شي عن دا الموضوع ياريت تفيدوني


شكرا

[DR.MOHAMMED ALJUNAID]

افتكر مره جيت ابغا اتبرع في المستشفى العسكري
مره ماخد وقت ع طول رحت مكان التبرع واعطوني ورقه اعبيها انو اسأله كدا شامله عليا وع صحتي هل اعاني من كدا وكدا الين نهايه الورقه
بعد كدا قاسولي الضغط والنبض ولازم يكون النبض تحت ال 100 وانا طول منا قاعد 110 او 120 واستنوني يمكن نص ساعه يقولولي اهدا ومافي فايده
ف الاخير قشعوني قالو لمن تهدا تعاال هههههههه ^_^
بخصوص الهيموقلوبين هما مارح يعرفوه الا بعد ماياخدو الدم منك وانا ع حسب ماعرف انو هما اول شي ياخدو الدم ويفحصوه ويشوفو اش السليم منو وممكن ياخدوه لحالو يعني زي البلازما بامكانهم انو ياخدوها لحالها وزي كدا
دا الي اعرفو تقريبا واتمنى اكون افدتك ورمضان كريم عليكي وعلى جميع المسلمين يارب :)

[Dr.Passed]

شكرا دكتور انا نفس الشي حاولت اسحب قالولي ما نبغا دمك ارفعي الهيموجلوبين وتعالي...بس هادا مستشفى برا
يتشرطو!!!

إن شاء الله يكون ارتفع دحين ...بس ابغى اعرف وضع مستشفى الجامعه ( كل الأسئله اعلاه)

شكرا دكتور

[Dr.Passed]

uppppppppppppp
اكسبو اجر وقولولي لو تعرفو حاجه =)

[Beeshoob]

ان شاء الله تلاقي احد يعرف في الموضوع ويجاوب على اسئلتك

وانا كمان حابه اعرف من باب اضافة معلومات << فلسفه

معليه ما افدتك بشي

الله يوفقك د معان

[Dr~NanoOok]

التبرع بالدم يكون وقته مفتوح .. ودوامهم يكون زي دوام المستشفى والعيادات
أعتقد من 8 إلى 3 او 4 العصر

أول شي تعطيهم صورة من بطاقة الهوية أو بطاقة الجامعة
وتعبي ورقة استبيان.. فيها أسئلة عن صحتك وعن أماكن سفرك اذا كان فيها أي مرض متفشي وقتها
و عن الأدوية اللي بتاخدها أو اخدتها خلال الأشهر القليلة السابقة

بعدين تدخل عند دكتور.. يشوف الورقة ويبدأ يسألك ويتأكد من المعلومات

اذا قلك أوكي ومناسب للتبرع .. يصير تروح لغرفة قياس الضغط و الهيموجلوبين و الوزن

الوزن لا يقل عن 50 كيلو
الهيموجلوبين لا يقل عن 14 عند الذكور
و 12 عند الاناث
وضغط الدم يكون طبيعي

واللي يدخن.. يكون ممتنع عن التدخين أقل شي ساعة قبل التبرع
والأفضل يكون المتبرع آكل وجبة قبل التبرع عشان لا يدوخ ويتعب

وبعدها تنتظر دورك للتبرع بالدم.. وغالبا تاخد العملية 10 - 20 دقيقة