.:: حقيــقة وواقع أم مجرد كلامـ " طبيــعة علاقات الحب - غير المتزوجين - " ::.

[سنفورة موت]

^^

نستناك بس لاتتعدى الحدود مررا تكفى ^_~

[Majed7]

آسف ما أقدر أرد اقتباس متكرر لأنيـ ما أعرف له والله ^_×

المشاركة الأصلية كتبت بواسطة lelou باكـ.. ولكمـ حياك ^_^ ترى الموضوع عاجبني و شكلي ملصقة فيه.. خذيـ راحتك كمان أنا ما احب أشوف أحد تعبانة نفسيته و معقد من موضوع من غير ما أساعده<< مسوية مصلحة نفسية.. والله تسوينـ خير لو قدرتيـ تغيري نظرتيـ للموضوع المهم نرجع لموضوعنا.. خلي الكآبة عنك شوية و اسمعني براسك دحين يا دكتور.. معاك حق في النقطة هذي البنت صح لو لها سوابق ما احد راح يدرى عنها غير صاحباتها و المقربات منها جدًا.. بس هي لو تابت توبة نصوح معليش ساعتها حتى انت ما راح تدري إللي حتكون مستمرة بدا الحال و جاية تتزوج و تدري زوجها بكل عين وقحة دي يبغالها قطع راس.. شوفيـ كل إنسان يخطئ له طريق رجعة وهو التوبة .. الموضوعـ أشوفه - قابلـ للتقبل ( فلسفله ) - لو اقتصر على مكالمات أو مسن .. لكنـ إنه الوضع يصير مقابلات وأحضان وتقبيل وغيره وغيره لا والله أبدا غير مقبول طبعا لو كانتـ الزوجة مستمرة على ماضيها مع زوجها قطع الراس قليل عليها >> والكلام يشمل الزوج برضوا و مو معناته أنه البنت ما تطلع مع شباب أنه تفكيرها مو مسموم.. و ما راح تعاير زوجها بأحد ثاني.. أعرف واحدة على حد علمي أنها ما خرجت مع شباب قبل كدا و جاها عريس ما شاء الله تبارك الله طالب طب و هي لما جاها طلعت تتحزم و ترقص على السرير و قالت أنا جاني فارس أحلام<< القصة دي حقيقية 100% لأنه البنت و الولد يقربوا لي.. و اتزوجوا و كان مدلعها دلع و معيشها رومنسيات زي اللي في المسلسلات و الولد صراحة حليوة ما شاء الله.. قامت أيش تقول له: أنا نفسي أتزوج كاكا .. بكل عين وقحة تخيل و هما متزوجين.. المصيبة أنها ما عرفت لاعبين الكورة غير بعد ما ملكت من زوجها.. طيبـ أنا فاهم إنه ممكن فيه بنات ما طلعوا مع شباب بس تفكيرهم سيء .. ولكن البنت اللي طلعت ورضيت على نفسها يصير لها كذا وكذا - هذا تفكيرها مسموم مع كورس تطبيق - .! وهذيـ قريبتك " رفست النعمه " .. المفروضـ تحمد ربها وتشكره إنه رزقها بإنسان عاقلـ ووسيم لكن سبحان الله شوفيـ كيف انقلبت أحوالهم فالوقحة وقحة و راح يبان عليها فما عليك بصاحباتها و ما اعرف أيه لأنه حيبان معاك.. ساعتها بيت أهلها أولى بيها.. بابا يقول الزواج زي البطيخة تشتريها و تفتحها لو طلعت حمراء أكلتها و لو طلعت بيضاء ارميها.. و ترى أبغى أقول لك حاجة البنت اللي من دي العينة يبان عليها و إنت لما تجي تخطب أمك و إذا عندك أخوات أو خالات او عمات أكيد راح يشوفوها و ساعتها راح يبان و الحريم لهم نظرة.. لا صدقينيـ الموضوع مو بالسهولة هذي .. أنا أعرف ناس أقاربي - لهم علاقات سابقة وخربطة - وما يعرفهم الا القريب منهم .. ولا البقية من أقاربنا ومعارفنا يحسبونـ إنهم رجالـ ومالهم في الحركات هذي .. فـ أكيد برضوا البنت ممكن يكونـ ظاهرها طيب وبطانها عكس هالشيء :) .. لا تحكم من تجربتك الشخصية إذا إنت كان نصيبك انك توقع في ناس من دي العينة.. أنا عن نفسي صاحباتي إللي أعرفهم ما فيهم واحدة تكلم شباب و لاتخرج مع شباب و لا لها سوابق.. و اللي لهم ينعدوا على الأصابع،، و أنا الأشكل دي أسيبها من بدري.. و مع كدا ما اقدر أقول أنه العالم وردي و أنه اللي زي كدا هما الاكثرية.. ما أدري ممكن أنا في جميع المواقف انحطيتـ مع ناسـ سيئة ؟! يعني أبدا مو معقولة أقاربي وأصحابي بالثانوي وجامعه الملك سعود .. وعينات كبيرة بالجامعه هنا كلهمـ طايحينـ مكالمات وطلعات .. :) ربي يحفظك ويحفظ صاحباتك ويعطيكم على قد نيتكم .. آمين يا رب.. شفت البنت اللي حكيتك عليها هذي أكبر مثال.. البنت لما اتزوجت ما كانت نيتها انها تنستر و تفتح بيت،، لا تبغى تتفاخر قدام عماتها و بنات عماتها انه جاها واحد في الأحلام.. و سبحان الله قعد معاها فترة زي ما قلت لك زي المسلسلات و بعدين قلب حياتها جحيم و بصراحة ما أبغى أتشمت بس هي جابته لنفسها بتصرفاتها الغير طبيعية.. الله يهديها بس .. ممكن هذا درس من زوجها إلى ما يتعدلـ وضعها .. ربي يحنن قلبهم على بعض ويبعد عنهم المشاكل معاك حق بس إنت شكلك ما تعرف شي عن الزواج،، من جد و لا تعرف بلاوي الحريم،، إن كيدهن عظيم.. ترى أنا في يوم كنت أقول الحمد لله أني لم أخلق رجل كي لا أتزوج امرأة.. و أبغى أعطيك مثال أنا مثلا.. ما قد عمري كلمت رجال غير في منتديات أحيانا و على العام و أصلا أنا حتى المنتديات حالفة أني ما أشارك فيها و سكاو هو المنتدى الوحيد إللي أشارك فيه على اعتبار انه ما فيه حركات نص كم.. لكن و بصراحة فيني صفات أنا أشوف أنها ما تؤهلني أني أكون زوجة فلا تقول الكلام الفاضي ده،، شوفيـ أنا أؤمن إنه مافيـ شيء كاملـ في الحياة .. ومتوقع إنيـ راح أشوف أشياء تضايقني أو ما تعجبني من البنت اللي راح أكمل حياتي معاها , وهيا برضوا نفس الشيء راح تشوفـ أشياء فيني مو كاملة فـ لازم نصبر ونتغاضى عن بعض السلبيات .. لكن سلبية عن سلبية تفرق .. وسلبية العلاقات السابقة أتوقع إنها أسوأ كابوس ممكن يمر على المقبلين عالزواج وإنتيـ ما شاء الله عليكيـ دامكـ بعيده عن هالشيء فـ الباقيـ أمره هين ^_^ من جد ما تعرف يمكن تكون أبواب السماء مفتوحة و تجيك واحدة تخلي مو بس الغابات،، إلا تخلي العصافير تعشش على راسك و القرود تنطط من شجرة لشجرة.. زي ما قلنا الواحد ربنا يديه على قد نيته قول اللهم ارزقني بنت الحلال اللي تعينني على آخرتي و دنياي.. أفرض جاتك واحدة أبوها أو أمها غضبانه عليها هذي بالنسبة ليا أشد و أنكى،، لأنه هذي واحدة كمان ربنا غاضب عليها يعني أتوقع جميع المصايب تحل على راسكم.. الواحد المفروض لما يدعي يطلب أعلى شي،، المفروض ما يقول اللهم إني أسألك الجنة،، المفروض اللهم إني أسألك الفردوس الأعلى.. فلما تطلب من ربنا أطلب أحسن شي.. ونعم بالله سبحانه .. معاكيـ حق الواحد دايمـ يطمح للأفضل واللي ربه كاتبه له هوا الخير إن شاء الله :) الله يسلمك.. تلقاك قلت يا ريتها ما رجعت خخخ.. لا خلاص الحدم لله شربت نسكافيه و خف الصداع هو سببه اني من فترة مخلص من عندنا البن و ما أشرب قهوة تركي و أنا عندي فنجان كبير للنسكافيه قد فنجانين عشان تعوض بدل القهوة و كسروه عيال أخواتي .. آها عندك إدمان كافيين .. الحمد لله وسلامتك مره ثانيه .. وبالعكس شكرا لكيـ على تفاعلك وردك ربي يجعله بموازين حسناتك ^_^ معليش سوري ترى الكلام مرة ملخبط أنا لسا مزاجي ما انعدل << آثار قلة القهوة.. من جد كان نفسي أكتب كلام مرتب شوية عشان تقتنع أتمنى تكون غيرت رأيك شوية.. ما شاء الله إذا هذا ملخبط كيف لو تكتبيـ وإنتيـ مروقة إنتيـ فتحتيـ عيني على أشياء أنا ما فكرت فيها , وإنـ شاء الله مع الأيام والتجارب تتغير النظرة ^_^ و بقول لك حاجة أنا هذي متبعتها قاعدة في حياتي.. بالنسبة للزواج،، ترى اللي راح تتزوجها شكلها و اخلاقها و عيلتها و طولها و وزنها و فصيلة دمها و الساعة و الدقيقة و الثانية اللي راح تتزوجها فيها و القاعة اللي راح تسووا فيها الفرح و الشقة اللي راح تسكوا فيها و المدينة اللي راح تعيشوا فيها هذا كله مكتوب و متحدد و متقرر خلاص انتهى.. فريح بالك و حط أعصابك في فريزر أنا كدا اسوي في موضوع الزواج ما احب لا افكر فيه و لا اتكلم عنه.. و أي شي يجي في بالي أبغاه في زوج المستقبل إن شاء الله أقوله لربنا.. عشان هو عارف الأحسن ليا أولا و اخيرًا،، الله يرضى عننا و يهدينا و يرحمنا برحمته و يغفر لنا.. كلـ شيء مكتوب من قبل لا نولد .. وأنا سمعت حديث فيما معناه ( لا يرد القدر إلا الدعآء ) فـ نحنا ندعي ربنا إنه يرزقنا من واسع فضله ويكتب لنا الخير في كلـ خطوة بحياتنا والله يبعد عننا الشر وين ما كان و شوف من الآخر ترى ربنا ما يجمع بين اثنين إلا يكونوا هما الأنسب لبعض.. و الطيور على أشكالها تقع.. فخلي أملك بربنا كبير و ربنا ما يخيب عبده.. ونعم بالله .. ربي يكتب لنا الخير :) و سامحني على الإطالة شكلي بنقل لك الصداع خخخ..

لا وربي بالعكس من جد فرحتــينيـ الله يسعدك ^_^

ولا تعتبريه غزل .. بسـ ما شاء الله قلبك كبير ولا كانـ ما تعبتيـ نفسك برد طويلـ زي هذا ^_^

ربي يحفظك لعين ترجيكيـ :)

شكرا مليون مره أختيـ ليلو ^_^

[Brilliant Shores]

نقدر نقول إنك اقتنعت يا أخ ماجد ؟؟؟


والله يبعد عننا وعنك الكآآبة ويجعل حياتك فرح وسرووور

وصدقني مافيه احد مرتاح لا اللي لهم علاقات ولا الي مريحين دماغهم

لكن اجزم لك انه فيه كثيــــــــــــــــــــــر بيحسدوك على إنك اشتريت دماغك وارضيت رب العالمين

شي ثاني ممكن نعرفه ركعتيــــــــــــــــن قيام الليل والله تحسوا فيها بسعادة تتقدر بالدنيا ومافيها ورااحة لاتوصف

داوم عليها وعلى الاستغفار بيساعدوك كثييييييييير ،،،



واصبر وطوول بالك أنا برضه كذا سيبت ناس عشان علاقاتهم وفيه نااس الحمدلله أثرت فيهم والحمدلله اعتدل حالهم


وصاروا افضل من اول بكثيررر ،،،>>> سووري والله احس كلامي مقربع حبتين بس إن شاالله تفهم عليا

[Dr.'3eer]

الظاهرة منتشرة فعلا والله يهدي الشباب والبنات اللي يلعبون بمشاعر بعض ,,
بس في شغله حبيت أعلق عليها وهي " لأنـ حتى لو تابت البنت - وربي يقبل توبة الجميع بإذنه -لكنـ ماضيـ زي كذا أبدا غير مقبول "

انت كتبت بنفسك "ماضي " يعني شي راح وفات والكثير يتوب ويبغى الستر , فليش مانعطي هدول البنات فرصة ثانية ,, الكل يغلط والله يغفر للعبد بعد التوبة ,, فكيف لايغفر البشر زلات بعض؟؟؟
وأنا متأكده أن معظم حالات الطلاق اللي تحصل في فترة الملكة أن الشاب يبدأ يفتش عشان يتأكد من ماضي البنت بينما ماضيها شي لايخصه , اللي يخصه هو الفترة اللي أصبح فيها زوجها وإن في هذي الفترة البنت ماغلطت وصانت زوجها وحفظته

شاكرة لك طرح الموضوع والله يعطيك العافية ^^

[حبي لذاتي قمة أولوياتي ~]

لكل منا وجهه نظر

ولكل منا رأي يختلف عن الأخر أو يوافقه


وتبقى العقليات تختلف في تقبل الأمر أو رفضة ~

فقد تعلمت من دورة التغيير الذاتي أنا من يستحق ان تنتطق لنفسها أحلى الكلمات فصباحي غير لأني بخير ، ومسائي أفضل لأني أجمل ... إلخ ~

ولكم الأفضل أن نؤمن بوجوده كما قالت د / دلال قرنفلة

ما حكم الحب ؟

فلم يجيب أحد رغم أن الحضور كان من أعضاء هيئة التدريس وطالبات من كافة المراحل

فقلت كلمتين لاثالث لهما ~

على حسب << فرددت جزاك الله خيراً

لو النية شريفة لم لا ؟

اما غير ذلك فكما تدين تدان ~

شكراً لموضوع يستحق أن يناقش وبكل رقي ،’

[تلميذ منتسب]

المشاركة الأصلية كتبت بواسطة majed7 بالضبط أخوي هذا السبب الرئيسي فيـ كلـ العلاقات .. الكلمة الحلوة ما تسمعها في البيت وأقرب شخص يقولها لها راح تنجرف له :) وبرضوا ما نحط اللوم كله على الشاب فيه بنات هما اللي يوقعوا الشباب في هالشيء .. :: الحلـ لتجنب هالشيء مستقبلا إعطاء الاهتمام الكافي للبنت من طرف الأهلـ .. وبرضوا أنا أشوفـ ثقافة الخطبة المبكرة لازم تتفعل - يعني خطبة والزواج بعدها بـ 3 سنوات راح يحلـ كثير من المشاكل - والشاب اللي ممكن ينقاد لهالأمور راح يغير رايه ويطلب من أهله يخطبونـ له .. ___ سرنيـ مرورك أخوي ^_^

8

نعم صدقت اخي هناك بنات هم من يبحثوا عن الشباب

وقد صدمت كثيرا عندما قرأت بموضوعك الكريم ذلك الشخص الذي كل مادخل السوق خرج ببنت معه ويذهب بها الى الشقه

إنـ فيه شخص يطلع يوميا الصيرفي - صاحبه سيكورتيـ - وكلـ يوم يدخلـ فاضيـ ويطلع ببنت معاه عالبيت !!!

واحسست ان مثل هؤلاء البنات كدورة المياه العامة اعزك الله والقارئين كل من جائها يأتي ليقضي حاجته فيها ومن ثم يأتي الاخر وهكذا ...

[LeLou]

المشاركة الأصلية كتبت بواسطة Majed7 آسف ما أقدر أرد اقتباس متكرر لأنيـ ما أعرف له والله ^_×

شفت الزر إللي عليه شكل الــQuote جنب إدراج الصورة منه..

لا وربي بالعكس من جد فرحتــينيـ الله يسعدك ^_^ ولا تعتبريه غزل .. بسـ ما شاء الله قلبك كبير ولا كانـ ما تعبتيـ نفسك برد طويلـ زي هذا ^_^ ربي يحفظك لعين ترجيكيـ :) شكرا مليون مره أختيـ ليلو ^_^

آمين يا رب،، و الله يريح بالك من ده الموضوع..
العفو،، و لا تعب و لا شي أتمنى بس يكون الكلام جاب نتيجة معاك و مع غيرك من الأعضاء..
و الحمد لله أنه في شي في نظرك اتغير..
لأنه أنا ما أحب الهرج الكثير من غير فايدة و الجدل العقيم و لو حسيت انه الكلام ما راح يجيب نتيجة ما كان اتكلمت..
الواحد لازم تكون نظرته أعمق شوي و ما ينظر بطريقة سطحية،، و ما يحكم على المجتمع من شريحة..
و ترى الإنسان ما يشوف العالم غير في الإطار اللي هو يحدده،، أحيانًا يكون في خارج الإطار أشياء جميلة و داخل الإطار صورة بشعة..

بس كنت بعلق على نقطة قلتها إللي هي:~

لا صدقينيـ الموضوع مو بالسهولة هذي .. أنا أعرف ناس أقاربي - لهم علاقات سابقة وخربطة - وما يعرفهم الا القريب منهم .. ولا البقية من أقاربنا ومعارفنا يحسبونـ إنهم رجالـ ومالهم في الحركات هذي .. فـ أكيد برضوا البنت ممكن يكونـ ظاهرها طيب وبطانها عكس هالشيء :) ..

خيو في شي اسمه ملكة..
في هذي الفترة راح تتعرف عليها أكثر و صدقني مهما كان البنت إللي مسويه كدا أشياء إلا ما راح يبان فيها..
و لو ما بان راح يبان في أول الزواج إلا لو كانت البنت من جد قررت بينها و بين ربنا إنها ما ترجع للأشياء هذي ثاني و لو ربنا تاب عليها راح يفتحها معاها و لو تبغى الستر ربنا راح يسترها..
لكن لو هي لسا على ده الحال ربنا راح يكشفها عاجلا أو آجلا..

و كمان شغلة:~

الموضوعـ أشوفه - قابلـ للتقبل ( فلسفله ) - لو اقتصر على مكالمات أو مسن .. لكنـ إنه الوضع يصير مقابلات وأحضان وتقبيل وغيره وغيره لا والله أبدا غير مقبول طبعا لو كانتـ الزوجة مستمرة على ماضيها مع زوجها قطع الراس قليل عليها >> والكلام يشمل الزوج برضوا

ترى على فكرة الأغلب هما اللي عالمسن و الجوال و مقابلات وصلت أبعد شي لكوفي شوب..
أما إللي ذهبوا إلى أبعد من ذلك أنا أشوفهم أقل..
هذا لا ينفي وجودهم و شفت و سمعت لكن أنا من معرفتي و من شرائح البنات إللي شفتها و أسمع عنها من صاحباتي زي ما قلت لك الأغلب لم يذهبوا لأبعد من الكوفي شوب أو مقابلة عالباب أو لفة بالسيارة..
و في كثيييير بطلوا من بعدها و أنا أعرف بنات كثير اتوقفوا عند هذي المرحلة وحسوا بتأنيب الضمير و بعضهم من قبل كمان و بعضهم انجرفوا لأبعد من كذا االحمد لله الذي عافانا..

الله يهدينا و يهدي جميع شباب و بنات المسلمين و يستر علينا..
و هذا إن شاء الله آخر تعليق لي في هذا الموضوع لأني ما أحب الكلام الكثير و أنا دشيت هنا دش مرة كثير<< شكلها الإدارة بتوقف عضويتي..
مع أنه في كلام كثير في بالي بس إن شاء الله في مناسبات أخرى..

اللهم ما كان صوابًا فمنك و ما كان خطأً فمني و من الشيطان..

[لندنية]

أكـــــــــــــــــــرهـ أكـــــــــــــــــــــــــــرهـ اي شي فيه
{ قلـــــــــة حيـــــــــا وتـــربية}
بالله ايش دي المسخره اللي سايره !!
سارت قلة الحيا عاااااااااادي والوحده تكلم واحد او تخرج معاه عااااااادي
ياسااااااتر يااارب !!
واقهر حاجه لما تجي الوحده وتقول فلان يحبني ويبغى يتزوجني و24 ساعه يكلمني وو.........
لاياشيخه !!! تلعبي على نفسك انتي !
بلا حب بلابطيخ
يازواج تقليدي ياحب وبمعرفة اهلك كلهم
واللي يحبك منجد يعرف بيت اهلك
مو مسخره وقلة حيا
والمشكلة لما تجي وتنصح وحده تقوم تزعل وتقول اني اغار منها !!
بالله احد يجي ويفهمني يعني اغار من ايش بالضبط؟
من سواد فعلتك والا من قلة التربية اللي انتي عايشه فيها ؟
والله سرت اكره الجامعه والسبب قلة الحيا اللي فيها
وتلاقي دي تكلم حبيبها ودي معرف ايش ؟
والمصيبة انو فيه بنات { مو متربـــــــــيات }وظيفتها تشوف البنات وتروح وتنقل اوصافهم وكل شي للشباب
وتعالوا ياالشباب فلانه بيضا وفلانه نحيفه وفلانه معرف ايه
حتى سرت اكره اجي الجامعه واحضر تجمعات البنات والسبب زي ماقلت
قلة تربية بعض البنات الله لايبلانا
والله والله اني افكر وبقوووووووه احول من الجامعة بالرغم ماباقي ليا اللي كم سمستر
والسبب قلة الادب اللي حاصله بين البنات { طبعا مو الكل فيه بنات ناس ومتربيات }
سرت اخاف على نفسي لما اجي للجامعة !!
واخاف سمعتي تتلوث بسبب بعض .. ..!!
اعتذر عن ذكرهم عشان { ماتتلوث لساني بذكرهم }
وكلوا دوووووب ولما تجي وحده او واحد من المنتدى ويطلع اشاعه على عضو\هـ
ويقول انا اكلمها او معرف ايش ؟؟ ليش الكذب وتطلعوا اشاعات على غيركم ؟
بصراحه الوضع لايطآآآآآآآآآآآآق استغفر الله بس
واولا واخيرا مو كل البنات والشباب زي دي العينة
بالعكس فيه كثير فيهم الخير
وغلط اننا نعمم على الكل
والحمدلله انو اهلي عرفوا يربوني صح
وعلموني الصح والغلط من يوم كنت صغيره
ومااقول الا
الحمدلله اللذي عافانا مما ابتلى به كثيرا من خلقه
وبالاخير سوري عصبت ويمكن خرجت عن الموضوع بس والله كلوا بسبب اللي حاصل
::
ثآآآآآنكس عالموضوع

[Tomy]

//
قرأت موضوعكـ و يآليتني مآ قرأتهـ



لكن لآ أقول إلآ اللهم أصلح ضآل المسلمين و إلم تصلحهم فــ خذهم
إليكـ يآرب و اللهم لآ تعذبنآ بمآ فعل السفهآء منآ اللهم آمين
::

[قاهر المتكبرين]

صراحة ما قريت كل الردود .. لكن لابد أن نفرق بين "الحب قبل الزواج" والـ "العلاقة قبل الزواج" ..

وأنا من اشد المؤيدين للحب قبل الزواج ..