•·.·°¯`·.·• أســنــانــيــات •·.·°¯`·.·•

[hadeel a]

يا ناس قصتك حلوه يا Kaira مرره أتحمست معاكي و أنا بقرأها..ماشاء الله عليكي ما صرختي عشان لا تصحي أختك .. أنا بعد ما طلعت نتايج التسكين و قلت لأهلي اللي كانو صاحيين كانت أختي الصغيره نايمه و ما هان عليه أسيبها رحت صحيتها وقلتلها.. على فكره اش معنى اسمك Kaira يعني لي معنى معين و لا دلع لاسم ؟

---

معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

[Dr~NanoOok]

المشاركة الأصلية كتبت بواسطة hadeel a معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

أنا حيكتكم عن تجربتي.. وإن شاء الله البقية يحكونا بالتفصيل عن تجربتهم
وحابة أسمعكم انا كمان =)


وحوضح بشكل عام كده..

العملي في سنة ثانية للأسنان قليل.. بما أنه مادة واحده بس
الترم الأول حتاخدوا wax carving
والترم الثاني waxing up


__________________________________________________ _________

المشاركة الأصلية كتبت بواسطة ريال سعودي ما شاء الله .. د. نانوك دائما موضيعك مفيدة ومحمسة وحتى المناقشات يكون فيها تعاون ان اقترح على الإدارة انهم يغيرو اسم المنتدى ويسموه منتدى د. نانوك بصراحة المنتدى بدونك ميت زي منتدى الطب ههههه كنت اتمنى يكون هذا الموضوع عام مو بس للأسنانيين عشان الكل يشارك فيه الله يوفقك ويسعدك يا دكتورة ويعطيك على قد نيتك ^ــ^

شكرا لك د.محمد وتسلم على الاطراء ^_^

بالعكس المنتدى بأعضاءه الرائعين.. وما أقدر أعمل اي شي بدونكم

خاصة قبل التسكين.. وكل واحد راح منتداه الخاص وانشغل بالدراسة
كان المنتدى كئيييب.. ومهما حاولت أعمل فيه ما كان فيه فايدة "^^
ههههه كانت حجتيني حالة من الموضوع دا :p


و بالعكس.. كان منتدى الطب كثيرين متفاعلين فيه ويردوا كتير
لكن بالاجازة هذه أظنهم ماخدين اجازة :p

لكن تقدر بنفسك تحاول تنشط القسم الفترة هذه وتحمسهم للمشاركة


وطبعا أهلا بالجميع بالموضوع.. وفعلا جابين نسمع تجاربكم و كيف استقبلتوا خبر التسكين وسبب اختياركم الطب البشري

هيا شاركنا وحكينا ^_^

[Dr~NanoOok]

سؤال كده ع الطاير


هل شاركتكم وقلتلكم قصة قبولي وشعوري وقتها ولا لسه ؟؟

<< من كتر الكلام نسيت اذا قلت أو لأ

وصراحة مافيا أعيد وأزيد كلام "وعشان أرحمهم شوية من الكلاااام الكتير حقي" .. وخاصة اليوم ماشالله كسرت الرقم القياسي في الرد على الردود في موضوع واحد !
تقريبا ساعتين قاعدة أقرأ واكتب هنا هههههههههههههههه

[hadeel a]

المشاركة الأصلية كتبت بواسطة dr~nanoook سؤال كده ع الطاير هل شاركتكم وقلتلكم قصة قبولي وشعوري وقتها ولا لسه ؟؟ << من كتر الكلام نسيت اذا قلت أو لأ وصراحة مافيا أعيد وأزيد كلام "وعشان أرحمهم شوية من الكلاااام الكتير حقي" .. وخاصة اليوم ماشالله كسرت الرقم القياسي في الرد على الردود في موضوع واحد ! تقريبا ساعتين قاعدة أقرأ واكتب هنا هههههههههههههههه

أمم .. قيد حكتينا كيف حولتي من كليه العلوم الطبيه لكلية طب الاسنان ..بس ما قلتينا التفاصيل و اش حسيتي وكده ..

[amiwa]

المشاركة الأصلية كتبت بواسطة hadeel a أمم .. قيد حكتينا كيف حولتي من كليه العلوم الطبيه لكلية طب الاسنان ..بس ما قلتينا التفاصيل و اش حسيتي وكده ..

واااااااااااااااه فين دا ما قريييييتو!! (أول مرة أسمع بيه)
د.نانوووووك معليش حنتعبك معانا بس بلييييييز ممكن تحكينا دا المقطع بالتفصيل؟؟
.................................................. ..........

د.كايرا أموووووووووووووووت في الضحكة دي >>> أهاهاهاهاهاهاهاهاها
واللـــــــــــه تجنننننننن أحللللللللللللللى ضحكة مرت عليا لين دحين

[hadeel a]

المشاركة الأصلية كتبت بواسطة amiwa واااااااااااااااه فين دا ما قريييييتو!! (أول مرة أسمع بيه)

اتفضلي يا حلوه ..
http://www.skaau.com/vb/showthread.php?t=225358
في هدا الموضوع في البدايه مكتوبه القصه بالازرق الفاتح ..

[Glamor Mada]

هههههههههههه سوري دوبي طليت طله على المشاركتين اللي كتبتهم هنا بهالموضوع واكتشفت اني قلت قصه حيااااتي مشالله عشروميه سطر هههههههههههه.. احس عيونك دوكتوره نانوك صارت كذا اليوم من جد حطمنا كل الارقام القياسيه ك أطول رد في منتدى..وين كتاب جينيس عننا بس هههههههههه
بس ايش اسوي والله ماعرف اختصر .. يالله على ايام المدرسه كنت اسوأ واحد في حصة التعبير بالذات في درس التلخيص >_< يعطينا الاستاذ 15 سطر يقولنا لخصولي هوا .. ارجعلو الدفتر 14 سطر ونص هههههههه

المشاركة الأصلية كتبت بواسطة hadeel a معلي عندي طلب و ياريت كلكم تردو عليه قد اي تاخدو عملي في سنه تانيه ومعلي تحكونا عن تجاربكم في سنه تانيه ؟؟

اممممممممم بحاول اقولك هيا باختصار .. عاد شوفي الاختصار حقي كيف هههههه
اول شي العملي حق الدينتال يوم واحد في الاسبوع و مدته ساعتين.. من 2 الى 4
بالنسبه ينقسم لترمين .. الترم الاول نعمل سنه كامله من الشمع زي موضوع دوكتوره نانوك اللي نزلتو ..
في البدايه اول 3 اسابيع ما قدرنا نشتغل لانه الادوات ما وصلتنا لسه بس كنا ننزل المعمل واتقسمنا 4 قروبات وكل قروب معاه دوكتور او دكتوره.. اول شي وروونا الصور كيف ننحت عالشمع وبعدها ورونا القياسات وعلطول بدات الدكتور تنحت وتشرحلنا واحنا نتفرج طبعا اللي يتفرج هيقول بسيطه وسهله.. واللاب الاول والثاني قعدنا بس نتفرج .. الين جات الادوات في الاسبوع الثالث علطول بدينا نشتغل .. اول ما مسكت الواكس نسيت كل الخطوات هههه وما كنت اعرف كيف امسك السكينه بيدي فا شغلي كان خبيصه.. لكن اول ما عرفت كيف امسكها بديت اتحكم وصارت يدي خفيفه اكثر .. بديت انحت بدون خطوات ههههه جالس اقشر اي كلام وبدون ما استعين بقياسات ولا صور ولا اي شي .. يعني من مخيلتي وطبعا خلص الوقت وانا ما كملتها .. رجعت البيت وكملتها وطلعت شكلها زي الصاروخ ذا

استمريت اتدرب في اللابات اللي بعدها واحيانا وقت البريك .. ولاحظت التحسن وفرق واضح وبديت استخدم النار .. لاني كنت انحت بدون النار عشان كنت اخاف اخربها فا قلت خليني العب عالمضمون ههههه الين جا وقت الاختبار المصيبه .. مصيبه لأنه دكتور هشام جابلنا واكس غير عن الازرق اللي عندنا طبعا لانه اختبار وعشان لحد مننا يجيب سنه قديمه ويسلمها .. فا جبلنا واكس لونو زي لون اللايم بس المشكله الواكس كان جدا جدا سيئ ويتكسر معانا واحنا بننحت ! كان يوم مأسااااوي ومحد قدر يزبط الشغل لانه كنا نوصل لمرحله ونوقف عشان خايفين ينكسر واغلب الاولاد انكسرت عليهم .. الواكس كان غريب ومليان هوا ويفتفت بسرعه .. المهم انا ما قدرت اكمل السنه عشان لا تنكسر.. فا قلت ااحسن شي اسلمها كذا وهيا كبيره ولسه مو مزبوطه عالاقل احسن من انها تنكسر عليا .. فا شوفي كيف طلعت >_<

في النهايه وقت الدرجات اخذت عليه 3 ونص من 5
طبعا العملي حق الترم الاول مقسم قسمين .. يعني نشتغل على سنتين ( السنترال و الكناين )
الكنااين مع انه عند اغلب الاولاد يعتبر اصعب .. بس انا كنت عكسهم وكان بالنسبالي اسهل مدري ليه في الاختبار جبت فيه 4 بس للاسف ما صورته وقتها
في الترم الثاني الشغل يختلف .. اشترينا ارتيكوليتر واعطونا مودل على شكل الفك وركبناه عالارتيكوليتر .. طبعا وقتها حسينا نفسنا سباكين .. وافتكر وانا بركبو وسخت نفسسسي وملابسي ههههههه ووجهي صار ابيض من البودره هههههههههه شكلي كان تحفه .. هتاخدو البودره وتحطو عليها مويا وتلخبطو الين يصير زي الجبس وتركبو المودل في الارتيكوليتر وتستنو الين ينشف ..
المودل اللي على شكل الفك هيكون مكسوره منو سنتين مختلفتين وحده فوق ووحده تحت .. واحنا نحاول نبني السنه بنفس شكلها الاصلي ( بدون الجذر حقها ) بس الكراون .. طبعا كان اصعب من الترم الاول ويبغالو دقه اكثر وبحلقة عيون وصورتها وقت الاختبار

في الاختبار مدري كم جبت لانه ما قالولنا النتيجه .. كانت الدرجات كلها مجموعه مع بعضها ومع اختبار التعريف حق الاسنان .. بالفاينل جابولنا سنتين (اسنان الكبار والصغار ) ويطلبو مننا اننا نكتب اسم كل سنه ( للكبار ولا للاطفال + فوق ولا تحت + اسم السنه نفسها ) بس طبعا لازم نكون عارفين الاسنان كلها مو بس اثنين .. ونكتب الارقام حقتها يعني في اي عمر يبدا تكوينها ؟ ومتى يكتمل الكراون ومتى يكتمل الجذر ومتى تبدا تبان في الفك .. لخخخخخبطه وارقام مرررررره كثيره وحفظها صعب .. ومني فاكرها الحين خلاص نسيتها هههههه

وتوته توته خلصت الحدوته .. الله يعينك وانتي بتقرأي هرررجي كثيييييير داري بس انتي اللي طلبتي انا مالي صلاح ههههههه

[hadeel a]

Glamor Mada:جزاك الله خير و يعطيك الله ألف عافيه ..
من جد أفدتني بردك و أستمعت و أنا بقرأ الموضوع و مرره عجبتني الصور ..
و إن شاء الله كل دفعتنا يشوفو ردك عشان أنا متأكده انهم حيسفيدو منه ..
بس ممكن تكبرالكلام شويه في الردود الجايه و مرره شكرا لك ..

[Dr~NanoOok]

مشوار الحلم لم يبدأ من السنة الثانية.. وبلحظة دخولي طب الأسنان ..
مشوارٌ بدأ منذ لحظة قبولي بالجامعة.. وبأول سنة "المفرتض انها تكون الأجمل" لكل انسان


وبعد ظهور نتائج القدرات..
واحتساب المعدل الموزون لدخول الكليات ..


كنت قد سألت احدى صديقاتي التي تكبرني بسنة.. عن معدل نسب القبول في سنتهم
وبشرتني بأني حققت معدل عالي يدخلني الطب وبكل ايرحية !


لكن ليس لهذه السنة للاسف .. لوصول المعدلات لأرقام فلكية !!


~


حينما تُغلّق أبواب التخصصات أمامي واحدةً تلو الأخرى
ومع انقطاع القلب فيه مع كل مره !


أغلق باب التسجيل بالطب البشري.. ومن ثم الصيدلة.. ومن ثم العلوم الطبية !
(علما بأنه باليوم الثاني فتحوا التسجيل من جديد في الصيدلة والعلوم الطبية.. لوجود خلل بالنظام فأقفل التسجيل مبكرا في يومي ! )
فيال حظي !


حينها.. مازال قلبي يُردد دعاء ً واحدًا لا غيره
"يارب اختر لي الخير حيث كان.. ثم رضني به"


لم أدعو ربي ان يختار لي الطب مهما كان.. بل الخييير .. فقط الخير لي !


وقد كان .. وقُبلت في كلية لم أبغيها أو اتوقع نفسي فيها يومًا
قُبلت في كلية العلوم التطبية التطبيقية.. تخصص تمريض !!


أوَ أصبح ممرضة ! الأقل شأنا من الطبيب اللي كنت أحلم !
لا .. لا أريد وأصمم على التحويل من بعد أول سنة !


الكل قال كم ذالك صعبٌ.. بل مستحيل !
والكل استنقص مني لكوني دخلت هذا التخصص ! يالَ جهلهم وصغر أفق تفكيرهم حقًا !!


مازلت أدعو ربي أن يريح قلبي.. هو قد اختار الخير لي
نعم أنا متأكده أن ما فيه الآن هو الخير لي..
فياربي الهمني الحكمة وارح قلبي المُعنّى !


أقتنعت بالتخصص.. بذلت فيه أقصى ما أقدر.. حتى أحببته !
قمت أبحث عنه ! أدافع عنه !
صرت ممرضة قلبا وقالبا.. صرت احدى ملائكة الرحمة !


~


وبعد عام كامل.. عام بكل مافيه من أحداث وأمور
أجمل السنين بل أروعها على الاطلاق ..


تعرفت على صديقاتي الأقرب لقلبي أبدا ..
تعرفت على أمورٍ بداخلي لم أكن اتوقع وجودها فيّ حقا !


كنت بأفضل حالاتي وقتها..
وأجمل مافيّ.. أظهره التمريض الحبيب وكل التجارب التي عشتها من خلاله
من الصعوبات والتحديات.. لأجمل الصداقات !


عندما عرفته حقا.. وعرفت حقيقته ماهيته..
نظرة الناس وفكرتهم عنه..
كم هو رائع.. هو هي مهنة مشرّفة.. مهنة عظيمة
وضعت هدفٌ جديد أمامي..
وهو الدفاع عنه بكل جوارحي


منذ صغري.. وعلمت أن الجهاد والمثابرة هي من شيمي..
النضال لأجل غايتي وهدفي.. جّل ما أحب واطمح
أحب الدفاع عن قيمي.. عن أمورٍ بها أؤمن.. وكم أحب تغيير نظرة وفكرة الناس عنه !


عندما يقول لي أحدهم.. ذاك صعب عليكِ
وعندما أحقق انجازي فيه.. وارى نظرتهم لي من بعدها
ما اجملها من مكافئة بعد مشوار تعبٍ وجّد


لذا.. كان التمريض هو مكاني حينها ..
( ولله الحمد أنجزت شيئًا من مخططي فيه.. ودافعت عنه وأظهرت بعضا مما فيه
وقد منحني شعورا بداخلي.. شعور احترام وتعظيم
لكل ممرضة ولكل مَن له دور في التمريض ما حييت )

~


وعندما أحببته .. وتأصّل حبه بالفؤادِ قلبا
يجيء يوم لأفاجأ بتغير تخصصي من التمريض إلى طب الأسنان.. أحقا ؟!


أحقًا ما أشاهد ؟! أهناك خلل بعيني أو بالعقل حينما يُجاهد ؟!

محولة من كلية إلى كلية أخرى !
وتخصصي هو طب الأسنان !!


أول ما خطر ببالي هو : "لكن التمريض الحبيب ؟؟؟"
ليس طب الأسنان ما أريد !


ولم أكن أعتقد نفسي فيه ! بل الطب البشري فقط.. فروحي فيه !

~


تخبّط.. وحيرة.. وألم !
لازمني أيـــــــــــــام عدة..

ألم أذكر لكم أني تلقيت هذا الخبر بأول يومٍ برمضان
وكان كالهدية.. كالهبة.. كالمعجزة من رب العباد !


عشت أسبوعي ذاك دون نوم .. فقط التفكير.. التفكير.. ثم التفكير !
و استخاراتٌ عدة لربي.. حتى يأتيني اليقين !

إلى أن جاء يوم ٌ قررت فيه الذهاب إلى الجامعة لتأكيد التحويل ..
حينها فقط .. وحينما حملت بطاقة جامعية تحمل تخصص طب الأسنان


حينها.. شعرت بسعادة وغبطة ! لم أشعر بها منذ مــــــــــــــــــــــــدة ^_^


زففت الخبر لأهلي.. قبلها لم أخبر أحدا سوى والداي..
لم أكن أريد أي ضغوطات في اتخاذ القرار..

لم أعتمد سوى على الله.. خالقي.. ومن سيختار الأفضل لي..
الذي وكلته جميع أمري.. ولن يفيدني أحدا غيره..

أسْعد الجميع بالخبر ! وبهم تضاعفت سعادتي.. بعدد الضحكات والدعوات منهم لي
ويا عجبا.. حتى مَن انتقص مني قبلا لكوني بالتمريض
اليوم أجده يُمجدني ويرفعني بنظره .. يال النقيض !

~


فكرت كثيرًا.. لِـمَ طب الأسنان بالتحديد ؟؟
ولمَ يا الهي ادخلتني أولا قسم التمريض ؟

ما هي الحكمة من ذلك.. الهي ارحني واشعرني ولو ببعضٍ من رحمتك


وأيقنت بأنه كان مرحلة تمهيد !
و تهذيبٍ للنفسِ ومرحلة اعداد لي .. حتى أكون كما أريد


بحثت عن تخصصي الجديد.. بتّ ابحث واقرأ عنه الكثير
حتى اذا ما بدأت الدراسة وأنا أملك معلومات جيدة عن التخصص.. التي ظننت بأنها كافية !


ومع كل يوم يمّر.. أحببت تخصصي و وجدته حلوةً كحلاوة التمر
وأن كل ما تمنيته من قبل ..
ومن تجارب أعيشها من خلال الطب وعلاج البشر..
حققته هنا بتخصصي الأسناني في ثاني سنة منه


أعالج القلوب لأخفف عنها.. ألام الروح قبل البدن حتى !
اصبح لي دور في علاج الناس..
أصبح لي بابٌ رزقٍ وأجر
اكتسبه منة جرّاء عملي.. ومساعدة المضطرِ


~


ومع كل سنة تمّر عليّ بطب الأسنان..
بل مع كل معلومةٍ جديدة أتعلمها فيه..


ازداد حبه بالقلبِ.. ليصبح هو قلبي !
أصبحت أتنفس طب الأسنان.. وأمسي عليه


أيقنت.. بأن دخول الطب ليس هو الحلم والهدف
بل هو الطريق لتحقيق الهدف !


من خلال دراستي وتخصصي.. يمكنني تحققي طموحي ومجدي !
أخدم ديني و وطني.. احقق انجازًا به ارفع أمتي


أريد أن ابدع.. ولم أجد أفضل منه .. ليبرز و يساعد الابداع ان يُشرق !


نعم وسأظل أكررها دومًا ..
" وفطنتُ سّر تحمسي.. وهو حبي وشغفي بطبِ الأسنان تخصصي! "

[hadeel a]

Dr~NanoOok ما شاء الله عليكي كل يوم أعجب بشخصيتك أكتر ..
ربنا يوفقك و يسعدك يارب زي ما أسعدتيني و أنا بقراء كلامك ..
كلامك مؤثر و يدخل القلب و الصوره اللي حطتيها مرره حلوه ..
و أسلوب السجع ماشاء الله مرره روعه ..
أول مره أحس و أنا بأرد على أحد أن الكلام ما يعطيه حقه ..