الحكم على اشخاص من اول لقاء

[LeLou]

أهلا مساء الخير..

أنا من النوع إللي لما أشوف شخص و آخذ عنه فكرة من أول نظرة..
مثلا بنت شفتها و حسيت انها نقالة كلام..
ما أتعامل معاها على أنها كدا بس في نفس الوقت ما انفي هذا الاحتمال و اراقب تصرفاتها الين اتأكد..
حتى لو أخذت فكرة أنها طيبة ما افتح لها قلبي و ما إلى ذلك استنى و أشوف..
لأنه أنا في النادر جدًا لما آخذ نظرة عن أحد و تطلع غلط لكن في نفس الوقت ما اتعامل على أساسها عشان ما اكون ظلمت الشخص أو ظلمت نفسي الين أتأكد من أنه بالفعل فيه هذي الصفة..

بالنسبة للشخص اللي راح يقول لي أنا اخذت عنك فكرة كدا و كدا أول ما شفتك..
بصراحة ما راح أزعل منه لانه في ناس سبحان الله وجوههم توحي بشي غير شخصيتهم..
أنا مثلا أغلب اللي أعرفهم ياخذوا عني واحدة من ثلاثة فكرات:~
مغرورة،، قوية،، بريئة أو طفلة..

خصوصًا مغرورة..
فما أزعل بالعكس عادي لانه ما في أحد حيجي يقول لي ده الشي من الباب للشباك كدا أول ما شافني..
يقولوها بعد ما يتعرفوا عليا و يكتشفوا أني غير كدا..

و شكرًا عالموضوع الحلو و أعتذر على الاطالة||~