مأساة مدينة سياحية

[gold king]

نبدأ في الحكايهـ ونخوش في الموضوع

تعالو ناخذ جوله في المدينه السياحيهـ
مدينة جده غير في المنطـقه الغربيـــهـ
طـــبعا الحلو مايكمل لو ايـــــــش ما صـــــار
والدليل موقف زي الزفت وانا ماشي بـالكار
كل يوم السياره تخرب واطيح في حـفره
وادعي ربي واقول يـــــــارب تتصلح بكره
وامر من نفس الشارع من بعد ست شهور
والوضع ماتغير والشارع لسى محـــــــــــفور
ولا كل ماتمشي شبر لازم تصقع في مطب
يا ينفقع عليك الكفر ولا يطير الاســــــــــطب
غير الاسواق الجديده والزحمه كل مالها تكثر
والشوارع ماتستحمل والمدينه بدأت تصـــــغر
يعني مو كفايه الواحد زهق من المطبات
حتى قدام بيتك تلاقي زحمة سيـــــارات
جدهـ..جده ستي
مدينه سياحيه مافيها بلديه
جدهـ..جده ستي
.لو تشوفها عالطبيعه غير الصور الوهمية
خلوني اتكلم عن موضوع قاهرني من زمان
عن جده الســــــــياحيه المليئـــه بـ الغربان
كلامي اليوم حقيقي مافيه ولا شي خاطىء
لو كان زحمة شـــــوارع او تلـــوث الشواطىء
لو منت مصدق روح شم الريحه عند البحر
كأنها ريحة كلب ميت لو صطعشر شهـــــر
يعني مـدينه على البحر والمويه فيها تنقطع
علشان تجيبلك وايت في الطابور لازم تتطلع
في المويه فيها ازمه حتى الشــــــوارع في ازمه
حتى السكن هنا في جده صـاير مقرف مالو لزمه
لما توقف في الاشاره راح تشوف حاجات عــجيبه
كا العاده الناس بتشحت او تبيع اشياء غريــــــــبه
الي يبعلك اللبان والي يبيع مكسـرات
صارو حتى مايخافو من وجود الجوازات
نفس الشحات في الاشاره لو سنتين
يامكافحة التســـول ياناس انتــو فين
جدهـ..جده ستي
مدينه سياحيه مافيها بلديه
جدهـ..جده ستي
.لو تشوفها عالطبيعه غير الصور الوهمية
تخيــــــــل وانتا نايـــم والكـــــهربه تنفصل
ماراح ترجعلك لاتحاول حتى لو انك تتصل
عدد الســــكان كــبير والكــــــهربه ضعيـــفه
حتى من كثر السكان ما بتلاقي اي وظيفه
ويلومولك الشباب الي عازب والي عاطل
وكل ماتبغى تروح مكـــــان يقولو عوائـــل
والمناظر في الشوارع ماتتغير هيه هيه
واحد يبعلك مناشف ولاحجه تدف عربيه
حتى المطار صغير بـ القوه يشـــــــيل يا دوب
لو تحسبها بلمسافه تلاقيه اصغر من الدانوب
بس مايصبرنا على جده الا نــاسهــا الطيبين
اهل الرخا واهل الشده وعالخير متعاونين
لاتاخذو على كلامي اني مجرد واحد حاقد
هذا كلام اهـــــــل جده وكل كلام واحد ناقد
وطبعا في النهايه لاحيـــــــــــــــــاة لمن تنادي
وانا عارف انو كلامي في وادي وانتو في وادي
جدهـ..جده ستي
مدينه سياحيه مافيها بلديه
جدهـ..جده ستي
.لو تشوفها عالطبيعه غير الصور الوهمية

[رغد محمد]

،’



ولكن ..!!

جدة حلوة .. مهما كان الكلام إليِّ فيها تبقى في عيني أجمل وأحلى مَدينة بـِ العالم كله ..!!

صحيح ماذكرت .. ولكن مافي مدينة كاملة ..!!

وربي أحبها وما أحب أسمع أي كلام سيئ عنها ..!! >> ..~

بجد الكلام جدًا قاسي ...!!

،’

شُكرًا لـِ تطبيقكَ السَّريع .. الله يحفظك ويحميك يارب العالمين ..~

رغد محمد..

،’

[gold king]

مشكورة على مرورك الرائع
وانا كمان اعشق جدة لكن هذا الواقع
وان شاء الله تسير جدة من احلى مدن العالم

[O-DODY-O]

صحيح 100 بالـ100

ووين البلديه اللي يقولو انها تصلح الشوارع دحين

الى يومي هاااااااااذا لم ارى اي تغير

اصلن السيارات تتكسر بسبب الحفر

ماتمشي شبر الا ولاقيلك ذيك الحفره اللي يدخل فيها بعير <اتأثرت بطاش هههههههههههه

[الدُنيا مدرسة]

هههههه

نو كومينت ..
وصف ولا أروع


الله يصبرنا ع الحُفر .. من جده مالك مفر
هذا اللي بان وظهر .. والواقع فلاً أمَرّ

جدة ضحية أمانة .. خانتها أكبر خيانه
قصة أليمة ياعالم .. فيها المخبّى ظهر

في يوم أسوأ يوم .. زارت سماها الغيوم
والفرحة خلتنا نصرخ: .. مطر بينزل! مطر

ولما نزل وانتهى .. كل شيء معااه انتهى
مابقي إلا خبر .. لعروس ماتت ... قــ هـ ررر!!

ما فادها فستانها .. وزين الملامح خانها
ولما طفت في المياة .. بانت (عجوز البحر)!

جده = حُفر .. ومسؤول ماله أثر
بالمختصر ياجماعه .. قصة وما تُختصر

آآآخ ياجده لو أكتب لبكرا ما لحقت أوصف معانتك..

نقل موفق.. بوركت~

[gold king]

مشكورة على مرورك والابيات الجميلة

[قمر جهينه]

كلماات رائعه
بس تبقى جده مدينتا اللي نحبها
تقبل مروري

[tota7]

بغض النظر عن "جده" اللي كلنا نعشقها جدا
فأنت مبدع بحق ..
يسلم يمينك ويعطيك الف عافيه
رآآآقت لي كثيرا ولو انها تحكي الواقع المر
بإنتظار قصيده جديده تحكي الجانب المشرق فيها
دمت بكل خير :)

[gold king]

مشكورين على المرور