المواد الدراسيه باول سنه في الهندسه

[TRo0ok]

المشاركة الأصلية كتبت بواسطة f_r اهلين حياك الله في السنة الاولى قبل تخصص الهندسة تدرس سنه تحضيرية عبارة عن مواد عامة زي مواد الثانوية بالاضافة الى كورس مكثف انجليزي طبعا مستويا من 1 الى 5 السنة التانية تكون مواد عامة عن الهندسة من كل قسم ياخدولك كم مادة وتدرس كمان باقي مستويات الماث 202 - 203 - 204 لكن طبعا انت تنظمها وممكن تاجل جزء منها للاترام الي بعدها وكمان تاخد المستوى الثاني للفيزياء ، وايضا في مواد اقتصاد هندسي وبرمجة بلغه ماتلاب ورسم هندسي وورش عمل ، وفي مادة لغة انجليزية تعلمك كيفية البحث وكتابة التقارير واخيرا في مادة تاخدها وتدرسها مع تيمات واخر الفصل تطلعوا بفكرة مشروع وتطبقوها طبعا المواد مارح تقدر تاخدها كلها في ترم او سنه ، ممكن تاخد مثلا 5 مواد او 6 في كل ترم ومادتين في الصيفي والباقي تأجلها للاترام الي بعدها. بالنسبة لمستوى الصعوبة صعب اني اقلك لأنو لكل واحد ورأي يعني انا ممكن اقلك وسط غيري يقلك سهلة والتاني يقلك صعبة فهالشي يعتمد عليك ، ولكن احب اقلك انو الدراسة طبعا كل المواد انجليزي فهالشي كمان يعتمد على مستواك في الانجليزي. بالنسبة للتحويل اعتقد تقدر تدرس هنا وبعدين تحول للرياض ويعادلولك المواد الي مشتركة بين الجامعتين بالتوفيق ..

طيب السنه التحضيريه هذي اقدر ادرس الترم الاول بالرياض ؟؟ لأني سمعت ان بعض المعاهد تدرس اللغه الانقليزية للسنه التحضيريه بعدين اختبر واكمل الفصل الثاني بجده ..

وبالنسبه للمناهج في السنه التحضيرية هي نفسها اللي بسعود وبااقي الجامعات لاني سمعت انها موحده المناهج ولا ..؟؟