اسسسسئلة

[Noufii]

طب الحين ايش الحل انا مو عارفه !!

[سبحانك اللهم ..~]

حبيبي انتي لاتحوسي نفسك ,, لنو مارح تنزلي جدول تكوني مقتنعا منو 100% من حيث الدكاترا والوقت يعني لازم تعملي تنازلات بمواد عشان مواد تانيا
شوفي لو تخلي الكيميا الحيوي س وث و ر
ومعاها العربي والثقافا اوكي
ومعمل الكيميا مثلا الربوع
والامن والسلامه السبت
اتوقع كدا اوكي . انتي لاتحوسي حالك قبل العربي والثقافا ماتضيفيها

بالاخير بالاخير لو الامن والسلامه دي , او معمل الاحياء دا وكولهم بساعا , بس معمل الاحياء صح بساعا بس المعمل حتقعدي فيه 3 ساعات اجباري >_<
يعني لو وحدا من دولا صارت بيوم لحالها وهيا راس مالها كلها ساعه , احدفيها وريحي راسك

وحتا لو حدفتيهم الاتنين !!
بيكون كيميا حيوي 4 ,, والثقافا ب 2 , العربي 3 , معمل كيميا 1 , الحره ب 2 او 3 , يعني المجموع كلو 12 او 13 ساعا
كدا حلو ليييييكي لنك بالاول والاخر رح تنقلي !
وادا ما اراد الله انك تنقلي تكوني ع الاقل فهمتي وضع المعامل ! وفهمتي وضع التخصص كيف
ويارب فهمتي كلامي لنو احس شابك ببعض -_-

[Noufii]

بس انا ماابغى مواد حررره كثير احسها صعبه

يعني المواد الاساسيه اسهل

طب ليش انتي مااقتنعتي بالمواد حقتي عشان بس انه بساعه ؟

[سبحانك اللهم ..~]

لا ياحبيبي مو مواد حره كتير اقصد ماده وحدا ب ساعتين او 3
ومو اني مو مقتنعا بانها بساعا بس عشان انتي تقولي ماتبيها بيوم لحالها فقولت احدفيها لنو هيا كولها ساعا مارح تضرك
داقصدي ياروحي

[Noufii]

يآربييييييييييييييييييييييييييي

اختي العزيزة

انا معدلي 3.96
دخلت كلية العلوم وانا ماابغاها ابغى الكليات الصحية حلو ؟

وجيت هنا سالت بيو كميائية انه انا ابغى احول ايش اختار مواد ؟
قالت:
كيمياء حيوي201 -كمياء281- امن وسلامة - احياء281-عربي-ثقافة- مادة حرة

وقالت انتي معدلك حلو ان شاءالله خلال سنه تقدري ترفعيه

وانا بناء على كذا ابغى ارتب جدولي عشان ابغى ارفع المعدل ان شاءالله وماابغى مواد دسمة او اني اتعمق في التخصص

وهذا جدولي:


وابغى احط اهم شي الكيمياء الحيوي السبت عشان يصير اخذها 3 مرات بالأسبوع
وهم حاطينها لي الاحد والثلوث خلاص باقي المواد مقدور عليها ان شاءالله
بس انا اهم شي عندي مايكون في ضغط يعني ع الاقل الاحد والثلوث يكون اخف من باقي الايام

[سبحانك اللهم ..~]

طيب ياحبيبي شوفي قائمة الشعب الدراسيه وشوفي الكيميا الحيوي لعام 2012 للترم الاول
وشوفي دكاترتها ومواعيدهم وغيري بجدولك حتا لو اضطريتي تعيدي ترتيب جدولك من جديييييد
اوكي ما اقدر اشكك بكلام بيو انو تقدري ترفعيه بسنه بس لازم + لازم + لازم تجيبي فيه +a عشان ينرفع
واوكي ادا مصره تاخدي احياء 281 , لازم ياقلبي كل معمل المجاهر تحاولي تصوريها , لنو بالاختبار رح تجيب لكي مجهر وشريحه وتقولك ركبي الشريحه وتعرفي عليها والتعرف لاسم الشريحه رح يكون بالعربي وبالانقلش
اوكي فلازم تصوريها لنو عدد الشرايح كتير بس مرا حلوا
والماده دي بالعربي بس فيها حاجات انقلش لازم كل كلمه فيها بالانقلش ! تحفظيها صم لنو يموتو بالمصطلحات الانجليزيه
وموفقا يارب وشدي حيلك

[Noufii]

قصدك كل المواد لازم اجيب فيها a+ ؟

[their moon]

يب لازم تجيبي فيها a+

[سلاش احمر]

يابنات ساعدوني للان ولا اعرف جدولي ولا تخصص للحين مكتوب مستجد علوم !!؟وانا مالي نفس في العلوم ابا احول لمختبرات ومعدلي 3.81 هل حاقدر اني اتحول ؟؟ويوم السبت باذن االله حاروح للكليه وبستفسر استفسر مين ؟؟للحين انا حايسه ومني فاهمه شي في دي الكليه؟؟ ايش تنصحوني افيدون ارجوكم ؟؟؟؟