بآش مهندس مستجد .! وعندك ( خبر - حدث - معلومة - مشكلة ) > اذا تفضل هنا <

[rival soul]

صح اليوم بالنسبة للie200 اللي هي مهارت الاتصال التقنية اعتقد المووووهم حضرنا حوالي 7 طلاب من شعب مختلفة وجمعونا كلنا في قاعة وحدة وبعدين في قصص بالانجليزي على الطاولة تروح تختار قصة وتقراها وتحل التمارين حقتها حوالي 8 تمارين وتختلف كل قصة عن التانية في نوع التمارين وتتشابه في البعض انا التمارين اللي جاتني اختيارات عن مفهومك للقصة وكلمات ليها معاني بكلمات اخرى في القصة ويحددلك هوا في اي قسم من القصة تبحث وسؤال يعطيك جمل وتحدد نوع الكلمات سزاء الفعل والصفة والاسم والفعل المتصل وكدا وسؤال يعطيك جمل برضو ونحدد الفعل المساعد والفعل الاساسي ودا اللي فاكرو وترا يشرحلك في السؤال بعض الاشياء زي حق الفعل يقولك انو الفعل المساعد يجي قبل الفعل الاساسي وكدا يعني لو تفهم تعرف تحل ونخلص وتعطي الدكتور يصحح ويقولك انت كيف كويس في القراءة ولا لا .....وقهرني التيفوني جا دخل الكلاس وفي طالب قاعد في الركن شكلو طيب وعلى نياتو ومو عارف انجليزي مرا المهم قلو كيف القصة قال الطالب صعبة وانا في الانجليزي ضعيف عشان كدا يقوم يقول التيفوني يقولو ليش طيب تدخل هندسة لما انت مو كويس في الانجليزي !!! والذي نفسي بيده لولا اني طالب لكان حذائي موضع رأسه ههههه قاهرني يتشطر عالضعاف وبعدين داخلين عشان ندرس ولا كيف اروح اخد معهد انجليزي وادرس ميكانيكا في المعهد الياباني واحضرلي محاضرتين في الحرم واخد سنة سكرتارية وبعدين اجي ادرس هندسة فعزوز عشان افهم خخخخخ هبل