اللي اخذ ماده السينتاكس 334 مع مروان الصايغ ارجو الدخول

[Romantic]

اخوي الطيار الكتاب اسمه Syntax وموجود بمكتبه خوارزم

[منطلق]

السلام عليكم ورحمة الله
يا اخوان انا اخذت مادتين عند الدكتور عبدالله الشهري و3 مواد عند الدكتور الصايغ ,الدكتور عبدالله مثل ما قلت طلته حلوه ويمشي لكن صعب تفهمه , على سهولة المواد جداً جداً الي عنده ( وانا اتحدث عن المادتين الي انا اخذتها عنده نحو , لغويات اجتماعيه ) الا انك في الاختبار تصدم بالاسئله ونوعيتها وللأسف النهايه اسوء الدرجات .
الدكتور مروان سهل تفهمه ركز في المنهج وتحقق اعلى الدرجات ( والله تحقق درجات ما تحققها لا عند الشهري ولا عند صالح بدره ولا عند اغلب الدكاتره الي يمتدحهم الاكثريه وهذا من تجربه شخصيه) .

[Romantic]

المشاركة الأصلية كتبت بواسطة منطلق السلام عليكم ورحمة الله يا اخوان انا اخذت مادتين عند الدكتور عبدالله الشهري و3 مواد عند الدكتور الصايغ ,الدكتور عبدالله مثل ما قلت طلته حلوه ويمشي لكن صعب تفهمه , على سهولة المواد جداً جداً الي عنده ( وانا اتحدث عن المادتين الي انا اخذتها عنده نحو , لغويات اجتماعيه ) الا انك في الاختبار تصدم بالاسئله ونوعيتها وللأسف النهايه اسوء الدرجات . الدكتور مروان سهل تفهمه ركز في المنهج وتحقق اعلى الدرجات ( والله تحقق درجات ما تحققها لا عند الشهري ولا عند صالح بدره ولا عند اغلب الدكاتره الي يمتدحهم الاكثريه وهذا من تجربه شخصيه) .

تسلم اخوي منطلق على مرورك وطلتك الحلوة بس انت تدري المسئله نفسيه يعني الدكتور عبدالله الشهري وصالح بدره تضمن النجاح عندهم صح انك ماتاخذ حقك لكن تكون مرتاح نفسيا وانت تدري الاستاذ مروان الصايغ مشكلته شديد يعني حتى لما تسئله عن شي مايجاوب ولا يعطيك فرصه وانا داري انه استاذ حقاني ومنصف الى ابعد حد ومن خيرة الدكاترة لكن حتى لما تسئله عن طريقه الاسئله يقول انت ذاكر وبس وانت تدري السماحه والطيبه مطلوبه

[ابو ثامر03]

هلا والله يا شباب والف شكر بوليمر على المعلومه ... بس بالنسبه للاختبار اللي اذكره بقايا ذاك الاختبار هو ... اول الصفحات كانت تعاريف كله تكتبه وهذا ياخذ وقت ، انا توقعت انه تدوير ، اختيار متعدد ، صح وخطا وتوقعت انه بيعطيك تعاريف ويقول لك اختار واحد منها ( اقل شي يكون كاتبه وذا ما يخليك تنلخم في الـ spilling ويضيع عليك الوقت ) بس هذا لا ، انا اذكر انه عطانا الجمل مكتوبه تحت بعضها والاوراق الباقيه ترسم فيها الشجر ، وتعال شف اخوك يوم رسم له اول شجره وربي كنها برج الفيصليه متصادم مع برج المملكه في دوار ، الشجره ما تعرف لها راس من رجلين. يا خوي قلبت علي المواجع !!

[Romantic]

المشاركة الأصلية كتبت بواسطة ابو ثامر03 هلا والله يا شباب والف شكر بوليمر على المعلومه ... بس بالنسبه للاختبار اللي اذكره بقايا ذاك الاختبار هو ... اول الصفحات كانت تعاريف كله تكتبه وهذا ياخذ وقت ، انا توقعت انه تدوير ، اختيار متعدد ، صح وخطا وتوقعت انه بيعطيك تعاريف ويقول لك اختار واحد منها ( اقل شي يكون كاتبه وذا ما يخليك تنلخم في الـ spilling ويضيع عليك الوقت ) بس هذا لا ، انا اذكر انه عطانا الجمل مكتوبه تحت بعضها والاوراق الباقيه ترسم فيها الشجر ، وتعال شف اخوك يوم رسم له اول شجره وربي كنها برج الفيصليه متصادم مع برج المملكه في دوار ، الشجره ما تعرف لها راس من رجلين. يا خوي قلبت علي المواجع !!

حياك اخوي ابو ثامر ان شاء الله مااكون قلبت المواجع عليك وان شاء الله بعد نكون فال خير عليك وتعدي الماده وترى الموضوع مو مستاهل هالكلام ومواجع بالعكس انت المفروض الحين تكون عارف طريقه مروان الصايغ يعني مستحيل يغير بالاسئله لان المنهج واضح ولا يقدر يغير بالاسئله كثير وبالنسبه للتشجير والله سهله بس يبي لها شويه تركيز وبالنسبه للتعاريف حتى لو كتابيه تراها مو صعبه انا اشوف انها واضحه وانا متفائل بأذن الله انك راح تحقق درجه عاليه فيها هذا الترم وربي يوفقك لكن لو تذكرت اي سؤال او نمط لاسئلته الاستاذ مروان لا تنسانا واكتبها

وان شاء الله التشجير ماراح يصير تصادم برج المملكه مع الفيصيله راح تكون فله ونزهه بدرة العروس

[ابو ثامر03]

الله يسمع منك ان شا الله يا اخ رومانتك ويوفقنا جميعاً ... بصراحه هو طريقة اسئلته واضحه اذكرها كانت نمطين محددين اول طريقة كانت تعريف السيمانتكس نفسها وتحته يمكن ثلاته تعاريف او اربعه وثاني طريقة التشجير اللي كان مرفق معه صفحات بيضا عشان ترسم فيها.

تمنياتي للجميع بالتوفيق ...

[ابراهيم1403]

والله عن خبرة شخصية الدكتور عبدالله الشهري صح يطمنك ونفسيا ترتاح له لكن والله مثل ماقال مشرفنا الغالي بوليمر انه مامعاك الا 60 وتتفاجا في الاختبار انه جاب عكس التوقعات كلها واذكر اختبرت عنده مادة لغويات اجتماعية وكانت الطامة الكبرى جاب اسائلة الانتظام لنا وشوف التحويس والتخبيس يعني راعي جردات ههههههههه

لكن مروان الصائغ صح انه صارم وتعامله يخوف خلال الدورة التاهلية لكن اذا فهمت المادة راح تجيب اعلى الدرجات وما تستغرب لمن تجيب عند الصائغ في التسعينات بينما الداكترة الاخرين مثل صالح بدرة وعبداللله الشهري انسى درجات عالية