كل ماقلت هانت جد علمٍ جديد ~ يْ آل الفيزياء وش أخباركم مع الجدول ):

[Dr.Amani]

كيفكم يافيزيائيين ذكور وإناث

وش اخباركم مع الجداول

انا ولله الحمد أخباري ما تسر ):

داومت الجامعة يوم الإثنين من زود الإجتهاد يعني
المهم وراجعت القسم بخصوص الجدول وايش مفروض المواد اللي أضيفها وجاني الرد اللي صعقني !!
قالت لي مشرفة القسم المواد اللي بتدرسوها التيرم هذا كالتالي
ميكانيكا كلاسيكية - طرق نظرية - كوانتم 1 - كهرومغناطيسية

انا صار في وجهي تعجب كبر جبال السروات !!!
قلت لها بس أنا من خريجات القسم مالها داعي ادرس المواد هذي وانا اخذتها في البكالوريوس ):
قالت الدكتور فهد يقول كذا وكلكم رح تدرسوها بأول تيرم والترم الثاني تتخصصوا
وتقول عادي هي اصلاً مارح تدخل في المعدل !!!
انا هنا جاني انواع الإحباط
قلت المواد من وين أضيفها من العمادة والا من عندكم قالت لا من العمادة
قلت طيب سلام عليكم

المهم وبعدها بيوم وصلتني رساله من العمادة بخصوص فتح الحذف والإضافه وفعلاً
فتحت الأودس يوم الأربعاء وسويت لي جدول حسب خطة القسم للماستر
اضفت مادتين بس من المواد الإجبارية بـ 6 وحدات فقط لا غير
وباقي مادتين للتيرم الجاي بإذن الله

الخلاصة اني مارح ادرس مواد درستها في البكالوريوس وانا تخرجت من نفس القسم ومشيت الحمدلله ع نفس خطة البكالوريوس .. يعني كنسلت المواد اللي قالت لي عليها المشرفه (:

اخيراً
وش سويتوا يا الفيزيائيين مع جداولكم وايش هي المواد اللي اضفتوها
وكمان كيف اعرف المبنى ورقم الغرفه بالنسبة للمحاضرات لأنها كلها طلعت عندي غير محدد


أدري طولت عليكم >.<
مع السلامة

[رم روم]

اهلا اهلا اختااااه ....يويلي اش الكلام هذا ...يعني عندك مواد تكميلي ولا طلعت اجبارية ...انا لسه ما رحت ولحد الان ماطلع عندي زي ماتقولي بالاوديس ..كيف مارح تمشي على كلامهم ...وكيف يعطونك مواد انت درستيها الا اذا كنت تربوية ....عموما اختااااه انا معاك في الهوا سوا ...تقبلي تحياتي يا بنت آآآآال الفيزيااااء

[طموـوح]

السلام عليكم

كيفك ياحلوات
سامحوني بادخل دخلة غلط

بس حبيت اسالكم بما انكم ماشاء الله ماستر فيزياء انا مثلكم فيزياء بس متخرجة من كلية التربية وبمعدل عالي الحمدلله طموحي اكمل دراستي انقبلت ف البعثة بس حسيت نفسي خايفة وودي اكمل هنا الزبدة لاهنتم وش الاشياء اللي ذاكرتم منها عشان اختبار القسم لاني شفت كذا مرجع بس تحطمت لانها كلها بالانجلش وانا درست بالعربي فممكن لاهنتم تدلوني ع المراجع اللي استفدتوا منها

شاكرتلكم الله يجزاكم بالجنه

[شواطئ البحر]

المشاركة الأصلية كتبت بواسطة dr.amani المهم وبعدها بيوم وصلتني رساله من العمادة بخصوص فتح الحذف والإضافه وفعلاً فتحت الأودس يوم الأربعاء وسويت لي جدول حسب خطة القسم للماستر اضفت مادتين بس من المواد الإجبارية بـ 6 وحدات فقط لا غير وباقي مادتين للتيرم الجاي بإذن الله

بما انه تمت إضافة مواد ماجستير هذا معانته أنه ماراح تدرسي المواد إللي ذكرتيها من البكالوريوس , لأن نظام الأدوس أذا كان قبولك مشروط تكميلي مستحيل ينضاف لك مواد ماجستير.

[رم روم]

اهلااا اختي طموح ...نصيحة نصيحة لاتفرطي بالبعثة ...واذا كنت مصرة فالكتاب اللي ذاكرنا منو اساسيات الفيزياء

طبعا بالانجليزي ...وكمان بما انك تربوية رح يطلع لك مواد تكميلية .. بالتوفيييق عزيزتي

[طموـوح]

المشاركة الأصلية كتبت بواسطة رم روم اهلااا اختي طموح ...نصيحة نصيحة لاتفرطي بالبعثة ...واذا كنت مصرة فالكتاب اللي ذاكرنا منو اساسيات الفيزياء طبعا بالانجليزي ...وكمان بما انك تربوية رح يطلع لك مواد تكميلية .. بالتوفيييق عزيزتي

مشكورة الله يسعدك كذا مرة اقدم ولما انقبل اتردد خصوصا هالسنة
بس باشوف السنة الجاية ان شاء الله ربي ييسرها لي
ومرة ثانية مشكورة الله يحقق امانيك

[physmyth]

Dr.Amani

المواد اللي تضيفيها
611 فيزياء تجريبية
631 الكتروديناميك
653 فيزياء رياضية
منسوبات القسم ولاوحدة أعطتني جملة مفيدة
والمواد هذي حددها الدكتور فرج لوحدة من البنات

[أم النونه]

ياأختيphysmyth الخطة بالقسم تغيرت وارقام المواد تغيرت

وصارت هرجه طويله , شكل نص البنات مو دارين عنها , هذا كلام

الدكتور فهد , بالخطة الجديدة الارقام تغيرت ..

التجريبية 600 , الرياضية 613 , ..... الخ

[physmyth]

صحيح ان الخطة تغيرت لكن فيه لخبطة في المواد في الأودس

وطالعه بمسميات من التخصص غير الموجود في الخطة الجديدة

وهذي المواد من عند دكتور هو اللي قال ضيفوها

وعلى العموم نقدر نعدل المواد من عندهم