ردو عليا اذا سمحتوا

[Shamo]

انا انقبلت والحمدلله وحابدا بالسنة التحضيرية وقاعدة استنى البطاقة الجامعية اللي الين دحين ماجاتني وانا خايفة تفوت عليا المحاضرات واصلن مررررة مااعرف كيف النظام وكيف الدراسة وكيف اخد جدولي ومن فين ادخل وياترى الدراسة بدأت واذا بدأت حيحسبولي غياب ولا كيف ؟
وانا شايفة خطة أ وخطة ب خطط ايش هادي يعني ندرسها كلها ولا اختيارية احنا اللي نختار ؟؟؟ ومتى اختارها بالضبط ؟؟
ترى اسئلتي كتيرة بس تجي البطاقة وحاتعبكم معايا سامحوني مالي غنى عنكم وشكرا

[حمودي اتصالات]

طيب اختي بالنسبة للبطاقة مهي مهمة الحين لان تحتاجيها وقت الاختبارات النهائية لدخول القاعة


اهم شي يوصلك رقمك الجامعي بعد السداد والرقم السري وبعدها لجل تشوفي جدولك تدخلي على الاوديوس

وتشوفي الخطة

والخطط مهي اختيارية لانها مقسمة من الجامعة مجموعة الترم الاول أ ومجموغة ب

والترم الثاني يتبادلو الخطط


وبالنسبة للنظام والامور هاذا في رابط في توقيعي مكتوب علية كل مايخص القروب

بتلقي ان شاء الله كل اختياجك هناك وفي كم فيديو مفيد ان شاء الله للتعامل مع النظام

بالاضافة الى الرابط اللي بالاخيـر لتوضيح نظامين السنترا والايميس

وهاذا رابط فيديو يوضح السنترا من الداخل وقت المحاضرة
http://www.skaau.com/vb/showthread.php?t=451431


وان شاء الله تستفيدي اختي

واي استفسار موجود بالخدمة ان شاء الله

[Shamo]

حتى الرقم الجامعي ما أرسلولي واليوم الربوع بنفسي رحت للجامعة وجبت الرقم بعد طلوع الروح ورجعت فرحاااااااانة بالرقم ولمن استخدمتو مايصير يقول ----> ( غير صحيح )
بالله ايش اسوي اتحطمت وشكرا ياخويا ع الرد ماقصرت وتروح وترجع بالسلامة

[Just a dream]

آختي ادخلي على رآبط آلاوديس
http://odus1.kau.edu.sa/students/INDEX.asp

وتلاقي ع اليمين رقم الطآلب >>> هذا دخلي رقم آلجامعي فيه اللي عطوكي هوا وبما انك دفعه ( 12 ) حيبدأ بـــ 12 << بيكون صحيح لو بدأ بــ 12
وكلمة آلمرور >> هوا نفسه رقم السجل آلمدني حقك بدوووون الرقم آلاول ( 1 ) ...
مثلا لو رقمك كذا
10344444444تصير كلمة آلمرور بهذا الشكل
0344444444
...يلآ آنا حآتابعك
يآريت تردي قبل لآآخرج
...

[Just a dream]

شكلك طلعتي
بس ان شاءآلله تلآقي آحد يسآعدك
لو رجعتي
بآلتوفيق
:)

[Shamo]

اختي سامحيني تاخرت ع الرد وللاسف سويت زي اللي قلتيه واصلا الرقم السري صحيح بس اول ماادخل يعطيني اسم المسخدم غلط ومافيييييييش فايدة الله يهديهم شكلهم ادوني رقم غلط وما حسبو حساب تعبي وروحتي للجامعة ويحسبوها سهلة لعلمك تاني مرة اروحلهم ومااستفدت ----> تيتي تيتي رحتي زي ما جيتي بس لو عندك فكرة تانية ياليت تنوريني اصلي متلخخخخخخبطة اكتر شيءومشكوووورو اختي ع المرور

[Shamo]

ياترى اييييييييييش الحل ؟؟؟
أبغى حل لمشكلتي ؟؟ اليوم صباح الاربعاء استلمت الرقم وطلع غلط
ياترى هما اللي ادوني رقم غلط ؟ ولا استنى التفعيل هادا اذا كان في تفعيل ؟؟

ارسلتلهم ع الايميل وان شالله يردوا عليا وما يطنشوا زي كل مرة ارسلها

[ŅάҘęḿ ĄlҘōǔd]

اتاكدي من الرققم انو صح

او استني شوي يفععلوه ويفتح معاكي الاوديس واخواانو

موفقه باذن الله =)

[Shamo]

أمييييييين يارب كلامك يكون في محلوووو وتانكس ع المرور

[Shamo]

انا باعرف مين معايا في نفس دفعتي ع الاقل باعرف منهم الاخبار الين ما يجيبولي او يصححولي رقمي وسمعت من الاخت تقول اني دفعة 12 فمين هما يا ليت يدخلو ويردو عليا ويعرفوني بيهم علشان استفسر منهم ارجوووووووووووووكم لا تطنشوني دموعي جفففففت خلاص