طريقة دراسة الانتساب ... نصيحه جربوها > منقول

[النجاح اسمي]

منقــــــــــــــــــــووول من موقع جامعة الملك فيصل بالدمام
___________________

______
السلام عليكم ورحمة الله وبركاتة ,,

هذا أول موضوع لي معكم في الملتقى ,, :o3:

وهو عباره عن طريقة اتمنى انها تساعدكم في كيفية التغلب على دراستنا الي هي الانتساب المطور ,,

اتوقع ان معظمكم مثلي موظف ووقته صعب التحكم فيه لكن ,, احب اشاركم بطريقتي واتمنى تجربوها اسبوع ,, ولا زلنا في البدايه ولا ابيكم بكره تتراكم عليكم المواد وتصيروا كذا

الطريقة بكل سهوله .. صعبه




ولا تنفع مع الكسوووول مع احترامي الشخصي له .. وترا الكسول ما تنفع له ولا طريقه :no2:
وقسم بالله لو تجرب هالطريقة اسبوع بس ,, راح تدعي لي ,,


الطريقه ..:
1- يومياً ساعتين لماده محدده .. جدول ظروري .. ولازم كل الي في البيت يعرفوا ان عبسي أو لينا << اسمائكم طبعاً هذا في هالوقت عنده دراسه لا احد يقاطعه ولا يزعجه ولا هوب ناقص قلق ,, ..

ماذا يحدث في هالساعتين ..
غلطكم كلكم وغلطتي في الترم السابق , . ووالله اني احذركم من هالغلطه ,, الي هي :

الانترنت بحر ,, أعرف انك اذا دخلت الانترنت في هالساعتين بس للمحاضره (( للماده الي انت داخل على شانها )) فقط :103: هالساعتين مو للمنتدى ولا لليوتيوب ولا لفلكر ولا للفيس بوك ,, هذي للمحاضره او للماده ,, اذا خلصت منها عاد ادشر في الانترنت بكيفك << ماقلت شي

2- شغلت الجهاز وفتحت البلاك بورد ,, يجب ان يكون معك أقلام (( احمر ازرق أخضر أسود )) وقلم رصاص .. وطبعاً دفتر ابو 200 لكل ماده ,,
أنصحكم بطاولة كمبيوتر فيها مسافه للكتابه ,, وبسماعة اذن اثناء سماع المحاضره ,,

أفتح المحاضره .. خل الدكتور يتكلم في النقطه الي هو يتكلم عنها ,, أفهمها (( لا تكتب و الدكتور يشرح )) افهم الي يقوله ... اذا فهمتها وقف المحاضره بضغط على الي يوقف المحاضره ,, اكتب الي فهمته الحين ,, وانت تكتب حاول تحط بالالوان مثل العناوين المواضيع الرئيسيه بلون و المحتوى بلون ثاني وهكذا .. اذا ما فهمته رجع المحاضره لبداية النقطه الي تكلم منها الدكتور ,, وبعد ما تفهمها اكتب الي فهمته .. تعريف .. طرق .. خصائص ,, الززي منووو 0:

اذا خلصت المحاضره ,, استرخي على اي كنبه خمس دقائق ,, ارجع اقراء الي كتبته ,,
^
^^
لعيال النعمه استرخي على كنبه والي مثل حالتي طبطح في المقلط

خلصت من محاضرة اليوم ,,

بالنسبه لمحاضرات المحاسبه : حقيقه طريقة الدكتور في قراءة الفصول قبل حضور المحاضره روعه
بالنسبه للرياضيات : مسائل الواجب تفهمك المسائل غصب ,,
بالنسبه للقانون الاقتصاد والاداره : يبي لك بندووول ... او سابوفين .. ظروري بعد كل محاضره
وهالثلاث مواد اذا حضرت محاضرتهم الافضل ما تكون مرهق ..

اقدر احتفظ بهالطريقه لوحدي ويمكن واجد يستخدمها ... حبيت اشاركم فيها لمصلحتكم ,,

هذا ما عندي وشكراً

أخوكم/ علي

___________________________

منقووووووووووووووووووووووووووووووووووووول

لاتنسوني من دعواتكم الحلوه (:

[رويده عباس]

ههههههههههه خطيييير الموضوع

تسلمين غاليتي

[جريح يقوم ويطيح]

شكرا

[nour al3mr]

وعليكم السلام ورحمة الله و بركاته

بارك الله بكـآتب الموضوع وناقلته

مؤكد أن الطريقة المثلى للنجـــــآح هو عدم تراكم المـوآد ..عدم تأجيل النقاط المستصعبـــــة

السؤال الدائم عن دكتور المـآدة و أسلوبه وهل يوجد نماذج سابقة للإختبـــــآر

التفرغ و ترك اللعب و التهاون و الإنشغال بالأمور حيث أن الهروب من المذاكـرة و النوم يزدآد وقت الدراسة

أدآمك الله بخير و حقق لك مبتغـــــآك ..

[النجاح اسمي]

تسلمو حبايبي على الردود الحلوه

الله يسعدكم يارررب

[ابن مرضي]

الصراحة اكثر مااستفدت من كلمة طبطح هذي هي طريقة النجاج انصحكم بها

[حرف الميم]

مشكورة يا عسل وفعلا الطريقة حلوه
لازم ع الاقل ساعة في اليوم للانجليزي
وقليل دائم خير من كثير منقطع :)

[دايم النور]

أنا خايف إذا طبطح زحلطن المعلومات
وأنا أقول كيف أخترعوا الصاروخ والطائرات والسفن أثري كلهم تبطحوا بعد الدراسة ونجحوا في أختراعاتهم خلاص أنا إن شاء الله أجرب تبطح الترم هذا وننجح عشان أدعيلك