Doctor's in KAAU

[hms]

أنا فهمت الموضوع تقريباً ماراح أعقب على رأيك لأنو خاص فيك ولا راح أتكلم على اللي سار لك بغض النظر عن انها عينه صغيره جداً ماتعطينا الحق اننا نحكم على الكل ... اللي راح أعقب عليه هوه مقارنتك بيننا وبين "الدول المتقدمه" ولاحظ انو انت قلتها بلسانك الدول المتقدمه هذي الدول لو درسنا تاريخها الطويل بالتعليم الجامعي راح نلاقيها لما كان لها نفس سنواتنا في التعليم كانت تعاني من نفس المشاكل تقريباً ويمكن شوي أكثر (واذا لك أحد يدرس برا إسألو عن الدكاتره واسلوب تعاملهم مع الطلاب حتلاقي انو عندهم نفس التعامل في عينه نفس العينه اللي عندنا تقريباً يعني عينه لاتحسب أبداُ ولاكن محد داري عنها ومحد بيطلع فضايحها .. وهذا أحد أسباب التقدم انهم على ماقد عندهم مصايب مابيتكلمو فيها ومابيحطمو نفسهم )ومن هذا كلو حتلاقي من الطبيعي اننا نعاني من مشاكل لأنو مالنا مدة طويله بنفس المده حقت الدول المتقدمه في التعليم ... بعدين يا أخي العزيز وهذا كلام لك ولكل اللي يقولو احنا السعوديين دايماً كذا واحنا السعوديين سيئين وما إلى ذلك عمرك سمعت واحد أمريكي يقول احنا الأمريكييت سيئين والا عمرك سمعت بريطاني والا ياباني والا صيني والا أي واحد من الدول اللي العالم حاطتها مثل ومالها سيرة غير هم أحسن مننا طيب ياعالم اذا تبو تسيرو زيهم لاتحطمو في نفسكم قولو بكرى أكيد أحسن وهوه راح يسير أحسن .. الغلط المفرض نحاول نتناقش فيه بهدوء وبدون أي لخبطه وبدون أي تعميم أصابع يدك مو وحده .. وكطلاب جامعه متحظرين نفهم الحياه وناخذها ببساطه ..
وأخيراً أتمنى لك التوفيق

ومع خالص احترامي..