استفسار هام بخصوص كتب المستوى الثالث تنظبم وتطويرضروري

[بنت القنفذة]

اخواتي طالبات المستوى الثالث ارجو افادتي بخصوص اسماء كتب المستوى الثالث انا نزل عندي في الجدول مادة المحاسبة 101ورحت للمكتبة اشتريت عطاني كتاب اسمه مبادى المحاسبة بين النظريه والتطبيق بس لما دخلت السنترا لقيت الاستاذه طالبه كتاب لدكتور اسمه جابر مجبور النمري مدري هل اغير الكتاب والا ايش اعمل خصوصا اني انا الان خارج جده وحابه كمان اعرف المقرر الاقتصاد الجزئي 101 لان اللي شريته اسمه المختصر في مبادئ التحليل الجزئي للدكتور يحي محمد الياس ولونه ازرق مدري هل هو المطلوب والا كمان توهقت ارجو من اللي عنده صوره الكتب واسماء المؤلفين المطلوبين يرفقها في الرد فورا عشان الحق انزل جده اليومين دي وجزاكم الله خير

[بنت القنفذة]

للرفع

[ليونه الاموره]

الاقتصاد الجزئي صحيح الكتاب بس محاسبه مااقدر افيدك

[maram al.7rbi]

حبيبي المحاسبه تبع الدكتور مجبور النمري هوا اجدد شي ..

فـ اذا تقدري رجعي اللي اشتريتيه .. لانو في الكتاب الدكتور مجبور مزود اشياء

ان شاء الله اكون افدتك بالتوفيق ...

[~ حلم الطفولة ~]

المحاسبة استاذة أنيسة حطت في موقعها ملف للمادة تقدري تحمليه
وقالت إن الكتاب تغير هذي السنة إلى كتاب دكتور جابر النمري

بالنسة للجزء العملي ما بيتغير في الكتابين ,, بس الجزء النظري مش موجود في الكتاب القديم ,,

الأفضل إنك تبدلي الكتاب

بالتوفيق

[بنت القنفذة]

شكرا لكم جميعا بس انا اتصلت الحين على مكتبة خوارزم استفسر عن الكتاب قالو المحاسبه تبع الدكتور مجبور النمري دا 102 وانا في الجدول عندي 101 مدري والله احس اني تشتت

[لمار عزوز]

الدكتوره قالت إنو يختلف عن كتاب النمري بالجزء النظري بس العملي نفسه
والملخص فيه كل الجزء النظري .. أساساً هي قالت الملخص يكفي والكتاب علشان تمارين زياده
موفقه

[بنت القنفذة]

يعني اتوكل على الله واغير الكتاب لان المصري اللي في المكتبه جالس ينبهني انه هدا خاص بالمحاسبه 102 وكتاب زكريا فريد هو تبع 101