مااامااا الغير سعودية

[الوردة الموفية]

ايووة صح ونسيت اقولك .. وحدة من صحباتي امها فرنسية وجدآآ الوضع عادي ..

يعني أغلب الناس عادي عندهم ما يدققو على هاذي الأشياء ..

[nsetk]

انا امي مو سعوديه بس عايشه من سنين هنا وتتكلم سعودي ومكاوي كمان

بس برضو اواجه مشكله مع اهل ابويا مايتقبلونا لانو امنا مو سعوديه اصل << معاها الجنسيه بس اصلها مو سعودي

ياقلبي حاول تتفرجي افلام ومسلسلات عربيه شوفي مسلسلات سعوديه عشان تتقني اللهجه

[أم السعـد]

السلام عليكم ورحمة الله وبركاته

هلا فيكِ يا قمر حياكِ الله

شوفي حتى أنا مامتي مو سعوديه ولا هي عربيه أصلا بس لأنها عايشه هون من زمان الناس يتفاجؤا

إنها مو سعوديه بس عيلة بابا يعاملوها غير عن زوجات عمي السعوديات هما طيبين معاها بس ذوق أكثر

مع السعوديات عشان كدا هيا انطوائيه حبتين

اممم اللغه والله بابا ما يخليها تكلمنا الا عربي عشان كدا اتعلمت

شوفي ما بقولك تابعي مسلسلات ولا هلخرابيط كلها تضييع وقت بلا فائده وذنوب كمان الله يكفينا الشر

أنصحك بـ قراءة الـقرآن مش تقرأي بسرعه لا اتهجي الآيات واسمعيها من القراء المعروفين ورددي وراهم

وفي مواقع تعلمك النطق الصحيح للأحرف ومخارجها وكمان في اليوتيوب تلاقي برامج حلوه عن المخارج

لو سويتيها والله بتلاقي فرق وتتحسن لغتك كثير

ولو قدرتي تدخلي تحفيظ قرآن بيفيدك كثير خودي مستوى أول في التجويد والله مره حلوو

ولا تنسي ربنا جعل القرآن شفاء ورحمة للمؤمنين

اخلصي النية واتوكلي على الله وربي حيوفقك ويسخرلك الصحبه الصالحه بإذن الله

فتح الله عليكِ وزادكِ بسطةً في العلم والرزق

أختك المحبة.. أم السعد

[بنت العضو الآتحادي]

جزاك الله خير

[اللولو]

موعيب إنك ما تتقني اللغة وبعدين لازم تتكلمي مع البنات علشان تعرفي وش الغلط وإيه هي الكلمة الصحيحة

وبعدين كثير من اللي يدرسوا في الخارج يقعدوا عند عوائل تتكلم اللغة علشان يتقنوها

والله حاله بس صراحة إنتي المحظوظة بعدم صحبتهم إذا أنا في الجامعة كنت صاحبتك ع طول علشان نستفيد من اللغة اللي عندك وإنتي تتقني اللغة :)

إن شاء الله يعوضك ربي بأحسن منه وبعدين لاتخجلي لاتخجلي لأنك مابتسوي حاجه غلط

[بنت العضو الآتحادي]

يسلمووووووووووووووووووووو

[احدهم]

يا ناسو عليك

شوفي خيتو

ما اعتقد ابدا ابدا ابدا انو صاحباتك ابتعدو عنك لان مامتك مو سعوديه

صاحباتي كثير منهم امهاتهم او حتى عوائلهم بكبرها مو سعوديه و بعضهم ما اخذو الجنسيه

بالعكس اعتبريها ميزه انو مامتك مو سعوديه و انك بتتكلمي لغات بينما غيرك بتخرج روحه عشان يتعلم لغه

حسيت من كلامك انك هادئه و ما تختلطي كثير

عادي يا قلبي كوني اجتماعيه و اتفاعلي مع الكل

خذي و اعطي بالكلام حتى لو غلطت اثناء كلامك

عمره ما احد حاول يتعلم لغه الا و غلط بالاول

حتى الكورسات تبع الانلجش الي بيدرسوها لما الاستاذه بتعرف نفسها للطالبات بتقولهم انو اتكلمو حتى لو غلطو لان الانسان لما يغلط و يصلح غلطه يتعلم

بعدين ترى حتى البنات الي عوائلهم بكبرها سعوديه و ربي بيغلطو بالكلام و يسموها كلجه |> يعني غلط في نطق او كتابه الكلمه

ابدا ابدا ابدا لا تفكري باي شكل من الاشكال في موضوع جنسيه مامتك

و اختاري الصحبه الصالحه و باذن الله بتمشي كل امورك تمام التمام

اتمنى لك التوفيق

ارحبووووو ~~!

وردي و ودي

[rose-jeddah]

ابدا مو مشكله انه امك مو سعووديه ولا سبب للبنات يبعدوا عنك
ولغتك العربيه شويه وقت وتصير تمام وعندك ميزه تتكلمي لغه ثانيه
و اليوم شفت اعلان في مبني الشوون في دوره في اللغه العربيه روحي شوفي الاعلان ومواعيد الدوره وكذا وحاولي قد ماتقدري تتكلمي عربي

والله يوفقك

[sugar lips 20]

بالعكس اعتبريها ميزه انو مامتك مو سعوديه و انك بتتكلمي لغات بينما غيرك بتخرج روحه عشان يتعلم لغه


^

^

؟؟؟؟

[بنت العضو الآتحادي]

ميرسي