بخصوص الاستراتجيات..؟ ايش المقصود بالتفصيل الممل..؟

[بتال المطيري]

السلام عليكم
لو سمحتوا انا . قاعد اقرا القطع في القراءه 1 والاحظ اغلب اللي هنا يقول طبق الاستراتجيات في الاسئله او في اجاباتها. بس ابغىآ اسال وش المقصود بتطبيق الاستراتجيات ..؟
لاني انا اقرا القطعه واحاول اترجمها وافهمها .. واحفظ اللي اقدر عليه من كلماتها ... وبعد ماخلصها احل الاسئله فقط لاغير..... هل فيه شي ثاني يحتاج منا تركيز ويعتبر مهم..؟ ارجو التنبيه ..
وشكرا للجميع

[nour al3mr]

وعليكم السلام ورحمة الله و بركاته

الاستراتيجيات عادة تجدها في بوكس صغير يشرح لك المطلوب

وانت تكمل المذاكرة بالكتـآب ستتضح لك

[بتال المطيري]

مشكوره اخت , نور العمر .. ولكن اريد توضيح اكثر عن ماهيه الاستراتجيات..؟

[الشهري محمد]

الاستراتيجيات يابتال لو تختلف عن بعضها
فمثلاً في البداية تجدها تحاول تعليمنا عن كيفية قراءة القطعة قراءة مسحية لاصطياد اجابة
وفي احيان اخرى تعلمنا كيفية الحفظ للكلمات بس اكثر شي تتكلم عنه فيما يخص القراءة ومهاراتها .
انت لاتهتم كثير فيها
انا اقرأها قراءه فضولية بس ولا طريقتك في المذاكرة هي الصحيحة والي ماشين عليه
الله يوفقك ، وبشرنا عنك وين وصلت في الريدينق

[بتال المطيري]

مشكور اخوي الشهري .. يعطيك العافيه ..
والله ياخووك لحد الان في الشابتر الاول.. قاعد احفظ الكلمات انا كل شابتر ابعطيه عشره ايام... لو اخذ فكره على المواضيع والكلمات والاسئله وبعد الدوره وقبل الاختبارات ابكثف المذاكره عشان مانساها.. بس الحين تعرف لو احفظ....! مع الاستراحه والطلعات للبر ابنسىآ كثير .. ربك يعين

[غروب ج]

السلام عليكم ... من واقع تجربه ياخوان الاستراتيجات مهمه حاول تطبقها في قراءة القطع..............بالتوفيق

[my-nana]

الإستراتيجيات عباره عن قواعد وخطط وطرق لكيفية معينه ولكل طريقه استراتيجيه معينه ومسار معين وخطوات تتبعها للوصول إلى الطريقه الصحيحه
فمثلا :
السمري له طريقه تتبعها ومذكوره في كذا استراتيجيه ستمر عليك بالكتاب
عنك ايضا طريقة معرفة المين ايديا له خطوات كثيره لمعرفتها من خلال النص اللي امامك
والكثيرمن القواعد اللي تجعلك تقرأ قراءه جيده وتفهم النص في خلال وقت قصير جدا

[lojfv]

والله انا كل ما بديت بطريقة ما اكملها احسها غلط القطع طوووويلة والاسئلة كثيرة والمواد اصلا تا خرت علينا المهم توكلت على الله وابتكررت لي طريقة نزلت اسئلة العام الماضي اولا وقريته وشفت على ايش تركز وبديت اركز على اللي تركز عليه مع حفظ الفوكابولاري لانك لو حفظتها وحفظت بعظ الكلمات اثناء المذاكرة سهلة عليك القطع اللي بتجيك في الامتحان وكذلك الاقتباس والتلخيص وووو كلها تتعتمد على المخزون للكلمات

[sa0ud]

[QUOTE=lojfv;4831021]والله انا كل ما بديت بطريقة ما اكملها احسها غلط القطع طوووويلة والاسئلة كثيرة والمواد اصلا تا خرت علينا المهم توكلت على الله وابتكررت لي طريقة نزلت اسئلة العام الماضي اولا وقريته وشفت على ايش تركز وبديت اركز على اللي تركز عليه مع حفظ الفوكابولاري لانك لو حفظتها وحفظت بعظ الكلمات اثناء المذاكرة سهلة عليك القطع اللي بتجيك في الامتحان وكذلك الاقتباس والتلخيص وووو كلها تتعتمد على المخزون للكلمات[/QUOT
مجرد نصحيه لك احرص على الاسئله السابقه بشرط انها لنفس الدكتور اللى يدرسك الان لان كل دكتور له طريقه اسئله ... وياليت اذا حصلت اسئله سابقه او طريقه اسئله الدكتور عبدالرزاق لانه هوه اللى يدرسنا الترم هذه تنزلها في المنتدى ولك مني جزيل الشكر
بالتوفيق للجميع