ابي مشورتكم يابنات الانتساب

[ريهام العالي]

السلام عليكم ورحمة الله وبركاتة
بنات الله يرضى عليكم ايش رايكم اخذ مودرن مع سوزان والا براكتكم 2 كمان مع سوزان
اي من المادتين تنصحوني اخذها معها لاني مضطره اخذ وحده من هالمادتين ايش الاسهل معها والي اقدر انجح فيه معها باذن الله تكفون ردوا علي ضروري قبل لا تبدأ الدورة
وشكرا

[Om Yousef]

يا قلبي إنتي يعني ما تقدري تاخذي إلا وحدة فيهم بس؟ طب ليش ما تاخذي الإثنين لأنه وحدة فيهم مادة نظرية والثانية عملية !!!! مالهم علاقة ببعض أصلا!!! إذا تبغي بس تاخدي وحدة فيهم خذي إللي يناسب جدولك هذا التيرم ومايعملك ضغط! لكن إذا مداكي تاخذيهم الإثنين خذيهم إيش المانع!
عموما....هذه وجهة نظري فقط والله يعينك ويساعدك يارب وتختاري إللي فيه الخير يارب...

[ريهام العالي]

مو ياعمري لو تعرفين سوزان كان فهمت قصدي انا خايفه اخذ معها اي ماده خصوصا بعد تجاربي معها
والمادتين مو متعارضه مع جدولي لكن انا ابي اخذ ماده واحده بس معها ع شان ما اتورط معها وتصير ضربتين بالراس
اتمنى من اي وحده اخذت اي من المادتين معها تنصحني بس بكل امانه

[Om Yousef]

من ناحية إني أعرفها فأنا أعرفها وأخذت معها مادة مقدمة في الأدب....نصيحتي يا قلبي بأنه شدي حيلك وأتكلي على ربنا وخذيها والله الأستاذة كويسة مافيها شي! صدقيني لو إنك بس مفتحة معاها ومتابعة ماراح يكون فيه أي مشاكل ولا تخلي ورطتك مين الأستاذة قد ما تحسبيها بالوقت وترتيب المواد والجدول والكلام داه عشان ما يحصلك لخبطة بعدين! فكري فيها حسب المادة إللي إنتي ماعندك مشكلة تضيفيها الآن...وفي حال ما عندك أي مشاكل في إضافة الماديتن...أتكلي على الله وربنا راح يسهلك بإذن الله تعالى صدقيني...والله يكتب لك إللي فيه الخير ويسهلك...وصدقيني أحس السمعة إللي طالعة عنها مو في محلها لأنه غالبا الواحد ما بيسمع منها قصص إلا من بنات أصلا كانوا قليلين أدب في التعامل معاها...وأنا متأكدة لو إنك محل الدكتورة كان سوت الوحدة أكثر منها وربي....الله المستعان بس..

[Om Yousef]

على فكرة....الحلو في دكتورة سوزان إنها تسلط الإنتباه للبنت إللي تكون مفتحة معاها وطبعا مؤدبة بلا شك !!! لأنه أي وحدة فينا ماراح ترضى أحد يتطاول عليها ! فأتخيلي بأنك دكتورة قديرة في الجامعة وتجي وحدة الله يسامحها تتكلم بطريقة مخزية مع الدكتورة أو تكون ردة فعلها وحشة؟؟!! المهم...فمن تجربة شخصية ليا أنا مع الدكتورة ...أيام هذه المادة " مقدمة في الأدب" كانت حاسة بإهتمامي ومتابعتي معاها والكلاس ماشاء الله كان ملياااااان !! برضها قدرت تحطتني في مخها لكن طبعا مش في " البلاك لست" :) المهم يا ستي....شدي حيلك وإن شاء الله ما تشوفي إلا كل خير يارب...

[ريهام العالي]

ياحبيبتي يا ام يوسف والله من واقع تجربتي معها ب مقدمة الادب اتكلم ما سمعت من احد لا من تجربتي معها تخيلي شلت الماده معها مرتين الثالثه الحمدلله عديت مع استاذة سيهام الله يجزاها كل خير واخذت مواد الادب الثانية وكلها نجحت فيها الحمدلله من اول مره هي مشكلتها انها تقول كلام وتفهمنا اشياء وفي االاخير يطلع عكس يعني كانها تلعب فينا اتعب وادرس وفي الاخير اطيح في فخها
بس الله يعين ويسخرها لنا والله يهديها

[Om Yousef]

أنا فاهمة عليكي يا ريهام....النقطة السلبية إللي أقدر أتكلم عنها في الدكتورة هو إنه أسلوبها صعب في التدريس!!! جداااا صعب ! يعني ما أحسها تسهل المادة مع الواحد....أتذكر كان غير القصص إللي معانا والنوفل والقصايد والكلام داه! كان فيه داك الكتاب حق " an out line of English literature" أتذكر بأنها ماراعت قصر المدة للإمتحانات وقالت بانه معانا ومامداها تأشر شي والشي الوحيد إللي سوته هو إنها قالت أشروا على الأشياء الفلانة وعلى أشهر حاجات!!!! حسيت إنها قاعدة تقول كلام فااااضي لأنه إيش يعرف أهلنا إيش هو الشي المشهور والكلام داه! بعدين فهمنا عليها بأننا ماراح نذاكر غير إللي جابت سيرة عنه فقط وفعلا الإختبار فقط كان عن الأسماء والأعمال إللي هي إتكلمت عنها بس.........أتمنى ما تكون مستمرة بنفس أسلوب التصعيب بس بيني وبينك لو أخذتي معها تدريب عملي إيش راح تسوي؟؟؟ تنط لك مكان التديب وتفجعك وقول " كفشتك !! إيش قاعدة تسوي؟؟!!! إيش الشغل الخايب داه؟؟!! ههههههههه أتخيلي؟؟؟ والله مدري الواحد بدا يهستر !!! الله المستعان..