كيف اختبار الكيمياء ؟؟

[][صمت البوح][]

يسلمو مجرد شخص على اهتمامك

وربي يوفقك ويحقق لك امالك

يؤ اختبار الاولاد شكله كان صعب

الحمد الله اختبارنا كان مستواه حلوو
لا هو صعب جدا ولا هو سهل جدا
يعني متوسط
وان شاء الله اني حليت زين
بس طبعا ما يخلو من الاخطاء

الله يعين ويوفق الجميع

[صبية جامعية]

مدري من اللي حط الاسئلة(الله يسامحهم)


اشوف سؤال غبي وسهل وبعد كم فقرة اشوف سؤال غبي وصعب


يعني الاختبار متوسط بين السهل والصعب


ان شاء الله الكل يجيب علامات كويسة

[Mohannad Najjar]

الاختبار كان متوسط..

في حوالي من 15 إلى 20 سؤال والله حليتها وأنا بأفتكر دروس الثانوية والمبادئ والأساسيات بس..!!

والباقي يعتمد على المذاكرة أمس وأول أمس.. وربنا معاكم

_
الدكاترة نسيو يسمحوا السبورة من الأسبوع اللي فات.. يعني أستفدت منها بس في سؤال واحد لووووووول

_
كانت فرصة سعيدة لياوأنا ماشي قبل لا أدخل قاعتي.. سألت واحد من أصحابي في فصل زياد (لاكي لاد) قلت له: أشرلي هو جالس فين عشين أبغى أشوفه.. وشفته من الباب (^_^) !

[dr.hope]

اختبار جلو

صح الدوري الثاني اسهل

بس يمشي حاله

شكرا لاهتمامك مجرد شخص

[me..]

LσvєLy HєαяT

مرررة عجبني ردك بصراحة و أنا معاك في كل كلمة قلتها ....

[نقطه]

الإختبار ........
مانقول إلا .. الحمدلله الذي لايحمد على مكروه سواه ..
والحمدلله على كل حال ..
حسبي الله ونعم الوكيل ..
أول مرة في حياتي أخرج من إختبار وأنا ودي أبكي وأصرخ في العالم إلي حولي ..
الحمدلله .. الحمدلله بس ...

[نقطه]

المشاركة الأصلية كتبت بواسطة lσvєly hєαяt اول شي شكرا على اهتمامك الاسئلة كانت زفت والاغلبيه قالو كدا حتى الدوافير هما قالو كيييييييف سهلنا الاختبار التاني !!!! لازم نرجع نقفلها في وجههم ومعامله دكاتره زفت الزفت طالب يبغا يسأل دكتور سؤال يقوم يرد الدكتور يقلو انطم وطالب تاني كل بعد دقيقتين ينادي الدكتور والدكتور مبسووووووط يرحلو والابتسامه شاقه وجهو انا عندي سؤال اش فايده الشهاده القويه .. وطريقه التدريس زفت .. الاختبارات زفت .. المعامله زفت .. ؟ والله الواحد لو كان دخلو دوره حاسب ولا انقليش اصرفلو من انو ضيع ترم كامل ع الفاضي اوكي محا يكون فيه رسوب زي ما قالو بس برضو اش الفايده لما انجح بدرجه النجاح ؟؟ يعني اخد 60 من 100 ؟؟ ايش حأتخصص :s الله يحميهم ويحمي جامعتهم البيرفكت في كل شي وكمان عندي كومنت صغير دحين لما محا يرسبو احد مو تعاطفا مع الطلاب لا وميتين الف لا عشان الجامعه لا تجيها سمعه بطاله وبس واكيد قدر الله وماشاء فعل الحمدلله see ya

( كلام ماعليه غبار )

[كيتا الكتكوته]

الاختبار كان نوعا ما حلو
انا وقفت عند 4 اسئله بس
بس الله يهديهم حطولنا 40 سؤال بس
تسلم مجرد شخص

[ROoOFaNA]

الاختبار وسط بين السهوله والصعوبه
لكن ما يخلوا من الاخطاء
الله يكتب لنا اللي فيه الخير

[Mis hadooll]

كان حلو عامة بس طبعا لااااااايخلو من الاغلاط
كان عندي يمكن 4 او 5 اسئله الي من جد وقفت فيها
والله يستر ودرجاتنا تكون جيده