هل ماجستير المحاسبة المهنية .... عبارة عن دبلوم محاسبة ...بصورة ملتوية ؟

[محاسبَ]

ليه مركزين على الجامعات في الخارج أنه تقبلن

طيب والجامعات الداخلية طيب وجامعة الملك عبدالعزيز إلي أخذت منها الشهادة بكره ماتقبلني لقدمت على الدكتوره

بسرحة شي مؤسف

[فندام]

المشاركة الأصلية كتبت بواسطة محاسبَ ليه مركزين على الجامعات في الخارج أنه تقبلن طيب والجامعات الداخلية طيب وجامعة الملك عبدالعزيز إلي أخذت منها الشهادة بكره ماتقبلني لقدمت على الدكتوره بسرحة شي مؤسف

حياك الله وحرد عليك بتوضيح نقطتين

الأولى : هي انو قسم المحاسبة بجامعة الملك عبدالعزيز مافيها الى الان برنامج دكتوراه وحتى لو وجد فيها اتوقع انو الحاصلين على الماجستير العام فقط هما الي حيقبلو فيه اما الحاصلين الحاصلين على الماجستير المهني فمسألة قبولهم مو اكيدة

الثانية : وهي انو شهادة الدكتوراه حتى يكون لها وزنها واعتبارها في اي جامعة او حتى عند الناس في المجتمع لازم تكون من احدى الجامعات بالولايات المتخدة او بريطانيا او كندا او استراليا يعني لو حصل وطلبت احدى الجامعات عضو هيئة تدريس في المحاسبة حاصل على الدكتوراه وتقدم لها اثنين واحد منهم حاصل على الدكتوراه من بريطانيا والاخر حاصل على الدكتوراه من احدى جامعات المملكة هنا بكل صراحة وشفافية مين تتوقع من الاثنين الي اتقدمو حيحصل على هدي الفرصة الوظيفية هل هو سيكون الحاصل على الدكتوراه من بريطانيا او الحاصل على الدكتوراه من جامعة محلية بكل تاكيد الحاصل عليها من بريطانيا هو الي حيحصل على هدي الوظيفة وبدون كلام فالدكتوراه وضغها يختلف عن الماجستير لأنها اعلى درجة علمية اما الماجستير فمو مشكلة ممكن تحصل عليه من اي جامعة محلية اضف الى هدا عامل اللغة الانجليزية فالحاصل على الشهادة من بريطانيا حيكون ممتاز فيها بعكس الشخص الاخر الي حتى لو كان يتقن اللغة الانجليزية ماحيكون مثل الشخص الاول
لهدي الأسباب وغيرها الأفضل دراسة الدكتوراه بجامعة خارج المملكة

[محاسبَ]

حياك الله وحرد عليك بتوضيح نقطتين

الله يحييك وشاكر لك تجاوبك

الأولى : هي انو قسم المحاسبة بجامعة الملك عبدالعزيز مافيها الى الان برنامج دكتوراه وحتى لو وجد فيها اتوقع انو الحاصلين على الماجستير العام فقط هما الي حيقبلو فيه اما الحاصلين على الماجستير المهني فمسألة قبولهم مو اكيدة

مو هنا الإشكالية والشي الغريب أنه الجامعات الخارجية تقبلك والجامعة مصدر الشهادة تقولك ما لك مكان

الثانية : وهي انو شهادة الدكتوراه حتى يكون لها وزنها واعتبارها في اي جامعة او حتى عند الناس في المجتمع لازم تكون من احدى الجامعات بالولايات المتخدة او بريطانيا او كندا او استراليا

أش اللي .... وزنها عند الناس في المجتمع
يعني الشغلة وجاهة
ياحبيبي أنا آخر شي أفكر فيه الناس والواحد ما يدرس ويتعب علشانهم والله ماضربتلهم حساب
ولا أنتظر أن جامعة تقدرلي وزنها وزنها أنا إلي أقدره لما أحس بالفرق وحجم الفائدة إلي استفدته

هذي وجهة نظري واختلاف الرأي لا يفسد من الود قضية

[فندام]

المشاركة الأصلية كتبت بواسطة محاسبَ الله يحييك وشاكر لك تجاوبك مو هنا الإشكالية والشي الغريب أنه الجامعات الخارجية تقبلك والجامعة مصدر الشهادة تقولك ما لك مكان أش اللي .... وزنها عند الناس في المجتمع يعني الشغلة وجاهة ياحبيبي أنا آخر شي أفكر فيه الناس والواحد ما يدرس ويتعب علشانهم والله ماضربتلهم حساب ولا أنتظر أن جامعة تقدرلي وزنها وزنها أنا إلي أقدره لما أحس بالفرق وحجم الفائدة إلي استفدته هذي وجهة نظري واختلاف الرأي لا يفسد من الود قضية

مع هذا كله يظل الحصول على شهادة الدكتوراه من جامعة خارج المملكة بإحدى الدول الي ذكرتها افضل بكثير من الحصول عليها من جامعة بالمملكة وحتى في جامعات المملكة وفي أغلب القطاعات سواء الخاصة او الحكومية الشخص الحاصل على المؤهل العلمي من جامه خارج المملكة حظوظه افضل بكثير من الي حاصل على نفس المؤهل من جامعة بالمملكة هدا الشي مو وجهة نظر او اجتهاد مني هدا الشي هو واقع ملموس له شواهد تؤيده منها انا لي واحد من زملائي بالماجستير المهني موظف بالتأمينات الاجتماعية ومرة بالبريك كنا بنتناقش عن موضوع المؤهلات العلمية الي تكون من الخارج والمؤهلات الي تكون من جامعات محلية فقال واكد انو بالتامينات الاجتماعية الي يقدم ومعاه ماجستير من جامعة محلية يحطوه على المرتبة الثامنة اما الي يقدم ومعاه ماجستير من جامعة خارج المملكة بأي من الدول الي دكرتها بيحطوه على المرتبة التاسعة وفيه موظفين بالتامينات اتطبق عليهم هدا الاجراء فعليا فهدا هو الواقع ونفس الكلام هدا ينطبق على الجامعات وعلى القطاع الخاص