بخصوص التوفل يوم 17/2

[jode2008]

أمونا.. إيه الوقت محدد لكل شي , اعتقد زمن الاختبار كان ثلاث ساعات بس انتي لازم تجي قبلها مثل ما قالوا لك
طبعا راح يبدأون بالاستماع وراح تسمعي محادثات تبدأ بمحادثة قصيرة تسمعيها ولما تخلص تجي بعدها وقت فاضي ثواني عشان تحلي يعني هو الشريط مضبط محادثات ورا بعض من الاقصر للاطول وبينهم وقت فاضي تحلي فيه على ورقة الاجابة .. طبعا بيكون معك ورق الاسئلة و ورقة الاجابة بطريقة التظليل على الحرف ( طبعا مع ملاحظه إنه ما تنعاد أي محادثة مهما صار الشريط يمشي لحاله مايتوقف )
أول ماتنتهي فقرة الاستماع تبدأي بفقرة القرامر .. اللي اذكره منها جمل يكون فيه خط على كلمة انها غلط وتصححيها من الخيارات , نسيت إذا فيه نوع اسئلة ثاني . وطبعا له وقت محدد يعني لا تطولي بالفقره وانتي تحلي , لما يخلص الوقت بتقولكم تقلبوا للجزء الثالث اللي هو القطع وهو أطول جزء اربع او خمس قطع وعليها اسئله اختياري طبعا واذكر مدتها ساعه او خمسين دقيقه , طبعا الوقت مايكفي لها كلها إلا إذا كنتِ سريعة ومركزة .
ملاحظة : إذا فقرة ماعرفتٍ حلها لا تتركيها أو تطولي عليها حليها عشوائي يمكن تكون صح , وإذا قرب الوقت على الانتهاء وانتي ماحليتي كل شي يعني بآخر الوقت حليها عشوائي المهم انك تشوفي عدد الاسئله بكل الاختبار لو عددها كلها 100 فقرة لازم تكوني مظللة بورقة الاجابة 100 فقرة
لأنك ماتدري ممكن بعضها تكون صح وان شاءالله كلها .
حاولي تركزي بالاستماع ولا تسرحي وعينك على الاسئلة شوفي وش المطلوب قبل تبدأ المحادثة والقطي الاجابة بسرعه وظلليها ,, واذا قدرتي بسرعه تقراي المطلوب من السؤال الثاني قبل تبدأ المحادثة زين بس لا تلخبطي نفسك .
لا تقولي بأأشر على الاجابة وأظلل بعدين ماراح يعطونك وقت زياده بعد الاختبار ظللي بنفس الوقت على طول .
هذا كل شي أذكره ,, الله يوفق الجميع ونجيب أعلى درجة